स्थानीय सरकार

व्यास नगरपालिकाले छोरी मात्र जन्माएर स्थायी बन्ध्याकरण गरे करमा छुट दिने


तनहुँः व्यास नगरपालिकाले छोरी मात्र जन्माएर स्थायी बन्ध्याकरण गर्ने दम्पतीलाई करमा छुट दिने भएको छ। ‘लैङ्गिक भेदभावमुक्त व्यास नगर’ बनाउने उद्देश्यसहित छोरी मात्र पाएर स्थायी बन्ध्याकरण गर्ने दम्पतीलाई सबै करमा २० प्रतिशत छुट दिने नीति नगरपालिकाले पारित गरेको छ।

उपप्रमुख इन्दिरा दरैका अनुसार छोरी २० वर्ष नपुग्दासम्म नगरपालिकाबाट लगाइने सम्पत्ति करलगायतका सबै करमा २० प्रतिशत छुट दिने नीति नगरसभाबाट पारित भएको हो। यस्तै नगरपालिकाले ‘आत्मनिर्भर छोरी, सशक्त व्यास नगर’ अभियानअन्तर्गत छोरीको २० वर्ष पुगेपछि मात्र विवाह गर्नेलाई नगद सहयोग गर्ने पनि भएको छ।

दलित, आदिवासी जनजाति, दुरा, बोटे, दराई, कुमाल, चेपाङका छोरीलाई सम्मान गर्दै त्यस्ता छोरीको विवाहमा नगद सहयोग गरिने र २० वर्ष पुगेपछि मात्र विवाह गर्न प्रचारप्रसार एवं अभिमुखीकरण कार्यक्रमलाई तीव्र बनाइने उपप्रमुख दरैले जानकारी दिइन्।

यो खबर पढेर तपाईलाई कस्तो महसुस भयो ?

सम्बन्धित समाचार

छाडा चौपायाका कारण सडक दुर्घटना बढेपछि रिफ्लेक्टिभ स्टिकर बाँध्न सुरु

सशस्त्र प्रहरी र नेपाल प्रहरीसँगको सहकार्यमा रिफ्लेक्टिभ स्टिकर बाँध्न सुरु गरिएको हो। छाडा पशु विषेशगरी गाईलाई तिलोत्तमा नगरले गौशालामा पनि व्यावस्थापन गर्दै आएको छ। गौशालामा लान छुटेका....

मेयर बालेनसँग क्रुद्ध बञ्चरेका स्थानीय, फोहोर फाल्ने काम सधैँलाई बन्द गर्न पत्राचार

महानगरका नयाँ मेयर बालेन्द्र शाहले झिनो आश जगाएको भए पनि त्यो पनि मर्दै गएको भन्दै स्थानीयहरू थप क्रुद्ध भएका छन्। ‘मेयर बालेन शाहलाई काममा सहज....

सर्वोच्चसँग रिसाए बालेन, सञ्जालमा गरे टिप्पणी

बुधवार अदालतले अस्पतालको रिटको सुनुवाइ गर्दै तत्काल नभत्काउन अल्पकालीन आदेश दिँदै दुबै पक्षलाई सोमबार छलफलमा बोलाएको थियो। अदालतको सो आदेशप्रति सामाजिक सञ्जालमा लेख्दै उनले आक्रोश....

मेयर बालेनले नर्भिकलाई दिएको २४ घन्टे अल्टिमेटम फ्लप खायो, भत्किएन अवैध संरचना

क्यान्टिन लगायतका संरचना अनुमति नलिई बनाएको भन्दै महानगरले सोमबार २४ घन्टे लिखित अल्टिमेटम दिएको थियो। नर्भिकले नभत्काएपछि मङ्गलवार बालेन आफै नर्भिक गएका थिए।

काठमाडौंको फोहोर बोकेर गएका १४ टिपर, दुई डोजर र एक एक्स्‌काभेटरमा तोडफोड

यस्तै दुई वटा डोजर‍ र एउटा एक्स्‌काभेटर पनि तोडफोड भएको छ। गाडी तोडफोड गर्ने अज्ञात समूहबारे महानगरको आग्रहमा प्रहरीले अनुसन्धान गर्दैछ। सोमबार फोहोर विसर्जन गर्न गएका गाडीहरूलाई....