काठमाडौंः गए राति भक्तपुरको सूर्यविनायक नगरपालिका- ८ आर्दशचोक नजिकै मोटरसाइकल र टिपर एकापसमा ठोकिँदा दुई जनाको मृत्यु भएको छ। मृत्यु हुनेमा मोटरसाइलमा सवार दुई पुरुष रहेका छन्।
उकेरा न्युज
सूर्यविनायकमा मोटरसाइकल र टिपर ठोकिँदा दुई जनाको मृत्यु, सनाखत हुन बाँकी
अन्दाजी २० वर्षका जस्ता देखिने दुवै घाइतेको उपचारको क्रममा भक्तपुर अस्पतालमा आज बिहान ३ बजे मृत्यु भएको हो। मृतक दुवैको सनाखत हुन बाँकी रहेको छ।
सूर्यविनायकबाट जगातीतर्फ जाँदै गरेको बा८९प ७८७६ नम्बरको मोटरसाइकल र विपरीत दिशाबाट आउँदै गरेको बा४ख ५२९८ नम्बरको टिपर गए राती सवा २ बजे आपसमा ठोकिएका हुन्।
टिपर चालकलाई प्रहरी वृत्त जगातीले नियन्त्रणमा लिएको छ।
२०७९ असार ०९ गते ८:३० मा प्रकाशित
उकेरामा प्रकाशित कुनै सामग्रीबारे गुनासो भए या कुनै जानकारी भए हामीलाई ukeraanews@gmail.com मा इमेल गर्न अनुरोध गर्दछौ ।
सम्बन्धित समाचार
