उकेरा खेल

एन्फाको नयाँ नेतृत्वले अनलाइन जुवा खेलाउने सम्झौता लगायतको छानबिन गर्ने


काठमाडौँ : अखिल नेपाल फुटबल सङ्घका नवनिर्वाचित अध्यक्ष पङ्कजविक्रम नेम्वाङले एन्फाको आर्थिक विवादबारे श्वेतपत्र जारी गर्ने बताएका छन्।

सोमबार भएको निर्वाचनमा उनले कर्माछिरिङ शेर्पालाई पराजित गरेका थिए। हालै शेर्पाको कार्यकालमा नेपालमा आयोजना हुने फुटबल प्रतियोगिताको प्रसारणको अधिकारसँगै अनलाइन जुवा खेलाउन सक्नेसम्मको सर्त स्विकार्दै स्विट्जरल्यान्डको कम्पनीसँग गरेको सम्झौता उकेराले सार्वजनिक गरेको थियो।

नेम्वाङ अध्यक्षमा निर्वाचित हुनु अगाडि कार्यसमितिलाई जानकारी नदिई अध्यक्ष र महासचिवले सम्झौता गरेको र यसबारे छानबिन हुनुपर्ने माग राखेका थिए। अब उनी आफै छानबिन गर्ने स्थानमा आइपुगेका छन्।

उनले सञ्चारकर्मीहरूसँग चारवर्षे कार्यकालमा आर्थिक प्रशासनदेखि लिएर के कमी कमजोरी भयो, त्योबारे एउटा समिति बनाएर सार्वजनिक गर्ने बताए।

उनले एन्फा र जिल्ला तथा एन्फा र क्लबहरूको सम्बन्ध बिग्रिरहेको, एन्फा र खेलाडीहरूको सम्बन्ध राम्रो नभएको र  फिफा, एएफसी सँगको सम्बन्ध राम्रो गरेर लैजानुपर्ने चुनौती रहेको भन्दै सबै बिग्रिएका सम्बन्धलाई एउटा मालामा उनेर सम्बन्ध सुमधुर बनाउँदै अगाडि बढ्ने बताएका थिए।

यो खबर पढेर तपाईलाई कस्तो महसुस भयो ?

सम्बन्धित समाचार

ग्यारेथ बेल लस एन्जलस फुटबल क्लबमा अनुबन्धित हुने

यसबारे बेलले शनिबार ट्वीट गर्दै पुष्टि गरेका हुन्। उनले लेखेका छन्, ‘लस एन्जलस, चाँडै भेटौंला।’ उनले सोही पोस्टमा लस एन्जलस फुटबल क्लबलाई मेन्सन पनि गरेका....

एन्फाले ३० दिनमा श्वेतपत्र जारी गर्ने, जुवा खेलाउने सम्झौताबारे मौन

पुरानो कार्यसमितिका अध्यक्ष कर्मा छिरिङ शेर्पामाथि अपारदर्शिता र विवादित सम्झौता गरेको आरोप लाग्दै आएको छ। उनको कार्यकालमा भएका आर्थिक तथा प्रशासनिक अवस्थाको बारेमा जानकारी दिन....

टिम बाहिर रहेका दश खेलाडीलाई स-सम्मान फिर्ता बोलाउने नवनिर्वाचित एन्फा कार्यसमितिको निर्णय

बुधबार सातदोबाटो स्थित एन्फा मुख्यालयमा बसेको एन्फाको कार्यसमिति बैठकले खेलाडीलाई टिममा सहभागी गराउने तथा प्रशिक्षक र कतार फुटबल संघसंग समन्वय गरि कार्यन्वन गर्न सचिवालयलाई निर्देशन दिने....

२२ वर्षपछि अष्ट्रेलियाविरुद्धको श्रृङ्खला जित्यो श्रीलङ्काले

गए राति सम्पन्न चौथो एकदिवसीयमा श्रीलङ्काले अष्ट्रेलियालाई चार रनले हराउँदै ३-१ ले श्रृङ्खला जितेको हो। योसँगै श्रीलङ्काले होम ग्राउण्डमा अष्ट्रेलियाविरुद्धको श्रृङ्खला २२ वर्षपछि जितेको हो। अन्तिम पटक श्रीलङ्काले....

एससी महिला च्याम्पियनसिपः नेपाल हङकङसँग पराजित

हङकङको लागि मारिको हिलले ४५, नतासा माइल्सले २८ र कप्तान केरी चानले १७ रनको योगदान गरे। नेपालकी संगिता राईले दुई तथा सीता राना मगरले एक....