उकेरा फोटो कथा

जनप्रतिनिधिको अभिमुखिकरण कार्यक्रममा एमाले नेताको 'मोबाइल-मोह'


काठमाडौंः वैशाख ३० गते सम्पन्न स्थानीय तह निर्वाचनबाट निर्वाचित एमालेका जनप्रतिनिधिहरूलाई आज पार्टीले प्रशिक्षण तथा अभिमुखिकरण कार्यक्रम राखेको छ। आज र भोलि दुई दिन चल्ने प्रशिक्षण तथा अभिमुखिकरण कार्यक्रममा पालिकाका प्रमुख र उपप्रमुख सहभागी छन्।

कार्यक्रम राष्ट्रिय सभा गृहमा आयोजना हुँदैछ। एमाले अध्यक्ष केपी शर्मा ओलीले कार्यक्रमको उद्घाटन गरेका छन्।

यता कार्यक्रम सुरु हुनुपूर्व भने एमालेका नेताहरूमा 'मोबाइल-मोह' देखिएको थियो। उकेरालाई प्राप्त तस्बिरमा वरिष्ठ उपाध्यक्ष ईश्वर पोखरेल घोत्लिएर मोबाइलमा हेर्दै गरेको देखिन्छ। उपाध्यक्ष विष्णु पौडेल मोबाइलमा केही देखाइरहेका छन्। उपमहासचिवद्वय विष्णु रिमाल र प्रदीप ज्ञवाली पौडेलले देखाएको हेर्दैछन्।

अर्को तस्बिरमा उपमहासचिव ज्ञवालीले आफ्नो ट्याबमा केही देखाइरहेका छन्। पौडेल र रिमालको ध्यान अब ज्ञवालीको ट्याबमा देखिएको छ।

एकैछिनमा नेम्वाङ पनि त्यहाँ आइपुग्छन्। उनी कुनामा फोनमा गफ गरिरहेका थिए। यता आउँदा पनि उनको हातमा मोबाइल छँदैछ।

अब मोबाइल शोअफ गर्ने पालो रिमालको। उनले केही देखाइरहेका छन्। ध्यान दिएर हेरिरहेका छन्- नेम्वाङ, पौडेल र ज्ञवाली।

छेउमै पार्टीका नेताहरू ग्रुप मिलाएर गफ गरिरहँदा ईश्वर पोखरेल भने आफ्नै सुरमा थिए। उनलाई न पौडेलले देखाएको कुरामा चासो छ, न रिमाल न ज्ञवालीले। न त नेम्वाङ छेउमा आउँदा नै उनको ध्यान गएको छ।

नेम्वाङ अगाडितिर आएर बोल्दा भने मुसुक्क हासेका थिए पोखरेल। तर त्यो पनि नेम्वाङको कुराले हो वा मोबाइलकै कुराले हो भन्ने चाहिँ ठ्याक्कै भन्न सकिन्न।

अन्तिममा भने एक पटक पोखरेलले पौडेललाई केही भनिरहेको देख्न सकिन्छ। तर यतिबेला पौडेलको ध्यान भने मोबाइलमै हुन्छ।

यो खबर पढेर तपाईलाई कस्तो महसुस भयो ?

सम्बन्धित समाचार

यसरी पनि सुधार्न सकिन्छ काठमाडौँ : जसले बनायो, दामी बनायो

अहिले न्युरोडदेखि पिपुल्सप्लाजा सम्मको सडक पेटीमा राखिएको बार हेर्ने हो भने सहजै अनुमान लगाउन सकिन्छ यो सडक कुमारी घर अनि काष्ठमण्डप भएतिर जान्छ भनेर। कुमारीको....

कमलपोखरीको माछा मरे

कमलपोखरीको सौन्दर्यकरण योजनाअन्तर्गत काठमाडौँ महानगरपालिकाले पोखरी पुनर्निर्माण गरेको थियो। करिब २३ रोपनी क्षेत्रफलमा पुनर्निर्माण भएको कमलपोखरीमा कङ्क्रिट....

मेयर बालेन्द्रले बदल्न सक्ने महानगरका सात दृश्य

उनले उम्मेदवार बन्दै गर्दा शिक्षा, स्वास्थ्य अनि यहाँका पुरातात्त्विक र सांस्कृतिकसँगै ऐतिहासिक क्षेत्रको संरक्षण गर्ने, सडकहरूलाई पैदल यात्री मैत्री बनाउने वाचा समेत गरेका थिए। उनले....

काठमाडौँका सडकमा तैरिँदै फोहोर, ढल जाम, सडकभरि सवारीको लाम

अहिले सडकमा थुप्रिएका फोहोरको रासले ढल जाम हुने अर्को समस्या थपेको छ। सामान्य पानी पर्दा पनि पानीसँगै....

स्थानीयले मानेनन् फोहोर फाल्न, फोहोरमाण्डु भयो काठमाडौँ

दैनिक पानी पर्दा काठमाडौँ महानगर क्षेत्र नै अहिले ल्यान्डफिल्ड साइट झैँ दुङदुङती गन्हाइरहेको छ। सहरका चोक र....