उकेरा शिक्षा

कक्षा ११ र १२ को पाठ्यपुस्तक पनि साझा प्रकाशनलाई छाप्न दिइनेः शिक्षामन्त्री पौडेल


काठमाडौँ : शिक्षा विज्ञान तथा प्रविधिमन्त्री देवेन्द्र पौडेलले कक्षा ११ र १२ को  पाठ्यपुस्तक साझा प्रकाशनलाई छाप्न दिने बताएका छन्। मंगलबार प्रतिनिधिसभा बैठकमा मन्त्रालयगत छलफलमा उठेका प्रश्नको जवाफ दिँदै उनले सो कुराको जानकारी दिएका हुन्। 

उनले भने, 'पाठ्यपुस्तक व्यवस्थापन गर्न कक्षा १ देखि १२ सम्मको पाठ्यपुस्तक जनक शिक्षा सामग्री केन्द्र छपाइ तथा वितरण हुने व्यवस्था भए पनि कक्षा १–३ को पाठ्यपुस्तक निजी प्रकाशकबाट र कक्षा ११–१२ को साझा प्रकाशन मार्फत समेत छपाइ तथा वितरण हुने व्यवस्था मिलाइएको छ।'

सांसदहरुले धर्म परिवर्तन गराउने कार्यमा संलग्न भएर सरकारले पाठ्युस्तक तयार गरेर वितरण गरेको भन्दै आपत्ति जनाएका थिए। सोही विषयमा जवाफ दिँदै मन्त्री पौडेलले सरकारले स्वीकृति दिएका पाठ्यपुस्तकमा यस्ता कुरा समावेश नभएको दाबी गरे। बरु केही जिल्लामा केही संस्थाले वितरण गरेको पुस्तकमा उक्त विषय समावेश भएको देखिएकाले अविलम्ब यस कार्यमा संलग्नमाथि कारबाही गरिने उनको प्रतिबद्धता छ। 

‘स्वीकृत भएका पुस्तकमा केही माननीय सदस्यहरुले उठाएका कुरा पाठ्यक्रममा काहीँ पनि समावेश छैन। हामीलाई जानकारी पनि छैन। हामीले बजारमा बुझ्दाखेरी, तथ्य बुझ्दाखेरी, तराईको कुनै जिल्लामा यस प्रकारका किताबहरु, त्यस प्रकारका संस्थाले अतिरिक्त अध्ययनका लागि वितरण गरेको प्रारम्भिक सूचना आएको छ,’ बैठकमा मन्त्री पौडेलले भने, ‘अनाधिकृत रुपमा त्यस्ता पुस्तक कसले वितरण गरेका छन्। खोजबिन गरेर अविलम्ब कानुनी कारबाही गरिनेछ।’

यो खबर पढेर तपाईलाई कस्तो महसुस भयो ?

सम्बन्धित समाचार

सार्वजनिक विद्यालय सुधार पहिलो प्राथमिकता : शिक्षामन्त्री पौडेल

 उनले भने, 'कूल बजेटमध्ये १०.९५ प्रतिशत मात्रै शिक्षा क्षेत्रका निम्ति अपुग हुन्छ, सार्वजनिक शिक्षाको सुदृढीकरणको लागि सरकार प्रतिबद्ध छ, नीति तथा कार्यक्रम र बजेट प्रस्ताव....

बुटवल उपमहानगरपालिकाको पाठ्यक्रम विवादमा, इसाई धर्मको ‘प्रचार’ गरेको आरोप

पाठ ६ मा रहेको ‘इसाई धर्म’ शीर्षकमा लेखिएका अंशलाई कुनै पनि धर्मको विरोध वा समर्थन गर्ने गरी तयार गरिएको भन्दै विरोध भएको हो।  पाठ्यपुस्तकमा भनिएको....

चिकित्सा शिक्षा तयारी कक्षा अब अनलाइनमै, मिदासको नयाँ सुविधा

दुई दशकदेखि डिजिटल शिक्षामा काम गर्दै आएको मिदास एजुकेसन प्रालिले उच्चतम प्रविधि प्रयोग गरेर विद्यार्थीहरूलाई आफ्नै घरमा बसेर न्यून शुल्कमा एमबिबिएसको प्रवेश परीक्षा तयारीको सुविधाका....

अदालत भन्छ- सामुदायिक विद्यालयमा शुल्क नलेऊ, विद्यालय भन्छन्- नि:शुल्क गर्न सकिँदैन

नेपालको संविधान २०७२ ले आधारभूत तहको (कक्षा १-८) शिक्षा निःशुल्क तथा अनिवार्य र माध्यमिक तहको (कक्षा ९-१२)  शिक्षा निःशुल्क हुने व्यवस्था गरेको छ। तर, कर्णालीका....

हुबहु प्रश्नपत्र दोहोरिएको विषयमा छानबिन गर्न त्रिविले गठन गर्‍यो समिति

उनका अनुसार प्राध्यापक घनश्याम भट्टराईको सञ्योजकत्वमा तीन सदस्य छानबिन समिति गठन गरिएको छ। समितिलाई एक साताभित्र प्रतिवेदन बुझाउन पनि निर्देशन दिइएको छ। त्रिविको स्नातकोत्तर तह मानविकी सङ्कायले जेठ....