उकेरा शिक्षा

आजबाट ६ दिन विद्यालय बन्द, शुक्रबार पनि अब पूरा अवधि पठनपाठन हुने


काठमाडौंः स्थानीय तह निर्वाचनको कारण देशैभरका विद्यालयहरू आजबाट ६ दिनसम्म बन्द हुने भएका छन्। निर्वाचनका लागि धेरैजसो सामुदायिक तथा निजी विद्यालयमा मतदान केन्द्र राखिएको, धेरै शिक्षक निर्वाचनमा खटाइएको र शिक्षक तथा विद्यार्थी मतदान गर्न जाने भएकाले आजदेखि अगामी जेठ २ गतेसम्मका लागि विद्यालय बन्द गरिने भएको हो।

शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय एकाईलाई मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन बिदा दिन निर्देशन दिए पनि शनिबार, १ गते आइतबार तथा २ गते बुद्धजयन्तीको सार्वजनिक बिदा परेकाले ६ दिन विद्यालय तथा कार्यालय बन्द हुने भएको हो।

यस्तै अब जेठ १ गतेबाट आइतबार पनि सार्वजनिक बिदा हुने भएकाले विद्यालयहरूमा शुक्रबार पूरा अवधि पठनपाठन हुने भएको छ।शुक्रबार ४ बजेसम्म नै पठनपाठन सञ्चालन गर्ने र बर्खे तथा हिउँदे बिदा घटाएर हप्तामा दुई दिन बिदा दिने निर्णय भएको छ।

शिक्षा मन्त्रालयले यो निर्णय कार्यान्वयन गराउन शिक्षा विकास तथा समन्वय एकाई सानोठिमीलाई परिपत्र समेत गरेको छ।

राष्ट्रिय पाठ्यक्रम प्रारुप २०७६ ले निर्दिष्ट गरेअनुसार पाठ घण्टा र कार्य घण्टामा नघट्ने गरी पठनपाठनका कार्य सञ्चालन गर्न आइतबार बिदा दिँदा अपुग भएका समय हिउँदे, बर्खे र अन्य बिदामा कटाइ पूर्ति गर्ने व्यवस्था गर्ने गरी वार्षिक क्यालेण्डर तयार पारिने भएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

विद्यालय सातामा दुई दिन बन्द गर्न सरकारको निर्देश (पत्रसहित)

केन्द्रले देशभरका शिक्षा विकास तथा समन्वय इकाइलाई बुधबार एक पत्र पठाएर केन्द्रले १ जेठदेखि लागू हुने गरी शनिबार र आइतबार सार्वजनिक बिदा दिने निर्णय भएकाले....

त्रिविका सबै क्याम्पसमा २३ दिन बिदा

विज्ञप्तिमा चालू शैक्षिक सत्रको वर्षे बिदाका सम्बन्धमा सत्रान्त बिदा दिइने क्याम्पसको हकमा सम्बन्धित अध्ययन संस्थानबाट निर्णय गरे बमोजिम गर्ने र अन्य क्याम्पसको हकमा सम्बन्धित संस्थानबाट....

मदन भण्डारी स्वास्थ्य विज्ञान प्रतिष्ठानका उपकूलपति प्राडा जोशी निलम्बनमा

प्रतिष्ठानका एक चौथाई सदस्यले उपकूलपति डा जोशीले जिम्मेवारीपूर्वक काम नगरेकोलगायत विषयमा लिखित निवेदन दिएपछि छानबिनका लागि उनलाई निलम्बन गरिएको बताइएको छ।  मदन भण्डारी स्वास्थ्य विज्ञान....

नमस्ते एकेडेमीमा 'ओपन हाउस' कार्यक्रम हुँदै

विद्यालयले प्रदान गर्दै आएको कक्षा पिजीदेखि कक्षा ११ सम्मको अन्तर्राष्ट्रिय शैक्षिक सेवा एवं सुविधालाई अभिभावक तथा शुभेच्छुकलाई विस्तृत रूपमा जानकारी गराउने उद्देश्यले ओपन हाउस कार्यक्रम....

दुई वर्षपछि भौतिकरूपमै एसईई हुँदै, ५ लाख १४ हजार ९७७ परीक्षार्थी सहभागी

आज पहिलो दिन अनिवार्य अङ्ग्रेजी विषयको परीक्षा भइरहेको छ। यस वर्षको एसईईमा पाँच लाख १४ हजार ९७७ परीक्षार्थी सहभागी भएका छन्। वैशाख २० गतेसम्म सञ्चालन हुने....