उकेरा कला

अनमोलसँग जोडी बाँधिने जसिताको दोस्रो प्रयास भयो असफल


एन्टी हिरो साइन गर्दै जसिता।

काठमाडौँ : नेपाली फिल्ममा करिअर बनाउन नेपाल आएकी बेलायत निवासी जसिता गुरुङले युवा स्टार प्रदीप खड्कासँग ‘लिलीबिली’ अनि ‘लभ स्टेसन’ मा अभिनय गरिन्। 'लिलीबिली' डेब्यु फिल्म थियो। राम्रै रेस्पोन्स पाइन् उनले। 'लभ स्टेसन' पछि भने फिल्म घोषणा हुने मात्र भयो उनको।

प्रदीपसँगको जोडी पर्दामा ठिकै देखिए पनि उनका लागि लक्की चार्म भने हुन सकेनन् उनी। अनमोल केसी लक्की चार्म हुन्छन् कि भनेर उनले रिलमा जोडी बाँधिने प्रयास नगरेकी हैनन्। तर जुर्दै जुरेन।

यो बिचमा उनले फिल्म ‘आई एम ट्वान्टी वान’मा काम गरिन्। त्यसपछि उनको हातमा अर्को फिल्म आएन।

अनमोलका बाबु भुवन केसीले ‘एन्टी हिरो’ बनाउने भन्दै उनलाई साइन नै गराएका थिए। उनको अपोजिट रोलमा अनमोल हुने नै भए। तर भुवनले फिल्म नै बनाएनन्। उनी कुरिरहिन्। तर भुवनले वास्ता गरेनन् घोषणा गरेको फिल्म बनाउन।

अनमोल पनि अन्य निर्माताहरूको फिल्मतिर लागे। जसिता फुर्सदमै रहेको बेलामा फिल्म ‘हनी बनी’ को अफर आयो। उनी तयार नहुने कुरै थिएन। उनले साइन गरिन्। पहिला फिल्ममा अनमोल र सारा श्रीपालि अनुबन्ध भएका थिए। बेलायतमा छायाङ्कन गर्ने योजना थियो निर्माण टिमको। तर सारालाई बेलायतले भिसा दिएन।

फिल्म अभिनेत्रीहीन भएर बस्यो। अनि अनमोललाई दिक्क लागेछ क्यार हिरोइन नै फिक्स भएन भनेर फिल्म छाडिदिए। तर नायिकाको रूपमा जसिता फिल्ममा भित्रिइन्। अनमोल बाहिरिए।

अनमोलसँग जोडी बाँधिने उनको दोस्रो प्रयास पनि सफल भएन। अनमोलको स्थानमा अब कुन नायक लिने पक्का गर्न सकेको छैन निर्माण टिमले। अब अनमोलै त के फर्केलान् र!

यो खबर पढेर तपाईलाई कस्तो महसुस भयो ?

सम्बन्धित समाचार

धोनीको सेकेण्ड इनिङ्गस: क्रिकेटर हुँदै अब फिल्म निर्माता पनि

त्यो फिल्म रिलिज हुँदासम्म पनि धोनी राष्ट्रिय टोलीका प्रमुख हिस्सा थिए। अहिले उनी आईपीएलमा मात्र सक्रिय छन्। अन्तर्राष्ट्रिय क्रिकेटबाट सन्यास लिइसकेका छन्। त्यसैले होला उनले अब सेकेण्ड....

साउथ फिल्मले हलमा फर्काएको दर्शकलाई टिकाउन सकेन नेपाली फिल्मले

अहिले नेपाली हलमा परिचित कलाकार शिवहरी पौडेलले निर्देशन गरेको फिल्म 'लक्का जवान' मात्रै छ। कुनै दक्षिण भारतीय फिल्म छैनन्। तर हल सुनसान छ। ‘लक्का जवान’....

रणवीर-आलियाको ब्रह्मास्त्र: वाल्ट डिज्नीको ग्लोबल रिलिज क्यालेन्डरमा सामेल हुने पहिलो भारतीय फिल्म

यस्तो अवसर पाउने यो पहिलो भारतीय फिल्म हो। यसको अर्थ अब यो फिल्म आउँदो ९ सेप्टेम्बरमा विश्वभर रिलिज हुनेछ। हलिउडको कुरा गर्दा यस क्यालेन्डरमा सामेल....

तीन वर्षको चलचित्र पत्रकारिता पुरस्कारको घोषणा

सङ्घका अनुसार २०७७ को चलचित्र पत्रकारिता सम्मान शान्तिप्रिय र राजन घिमिरे, चलचित्र पत्रकारिता पुरस्कार आरडी शृङ्खला र दिवाकर मैनाली, चलचित्र पत्रकारिता प्रोत्साहन पुरस्कार रीना मोक्तानलाई....

लक्का जवान: महिलालाई मजाक बनाएको हास्यरस

उनको बिल्डिङनजिकै अर्को प्लाष्टर समेत नगरेको घर छ। त्यहाँ सुशील पोखरेल बस्छन्। उनका तीन जना छोरी मात्रै छन्।  बुढेसकाल लागिसक्दा पनि उनी छोरा जन्माउने टिप्स....