उकेरा न्युज

स्थानीय तह निर्वाचन : माघ पहिलो हप्ता मिति तोकिए वैशाखमा, नत्र कठिन   


काठमाडौँ : निर्वाचन आयोगले २०७९ वैशाख १४ गते एकै चरणमा स्थानीय तहको निर्वाचन गर्ने गरी मिति तोक्न सरकारसँग प्रस्ताव गरेको जनाएको छ। 

प्रधानमन्त्री शेरबहादुर देउवा, गृहमन्त्री बालकृष्ण खाँण र महान्यायाधिवक्ता खम्बबहादुर खातीलाई भेटेर मिति प्रस्ताव गरेको आयोगले विज्ञप्ति निकालेर जानकारी दिएको हो। 

आयोगले कुनै कारणबाट एकै चरणमा निर्वाचन गर्न सम्भव नभएमा पहिलो चरणको मिति २०७९ वैशाख १४ गते बुधबार र दोस्रो चरण २२ गते बिहीबार गर्ने गरी दुई चरणमा निर्वाचन गर्न उपयुक्त हुने प्रस्ताव गरेको जनाएको छ। 

आयोगले स्थानीय तहको निर्वाचनको मिति तय गर्न शुक्रबार दलहरूसँग गरेको छलफलमा चुनावको मिति प्रस्ताव गरेको जानकारी दिएको हो। 

आयोगले स्थानीय तहको निर्वाचनबाट निर्वाचित पदाधिकारीको ५ वर्षे पदावधि २०७९ साल जेठ ५ गते समाप्त हुने जानकारी दलहरूलाई गराएको छ। आयोगले स्थानीय तहको निर्वाचन सम्पन्न गर्न १२० दिन आवश्यक पर्ने भन्दै २०७८ माघको पहिलो हप्ता भित्रै निर्वाचनको मिति तोक्नु पर्ने जानकारी गराएको छ। 

माघको पहिलो हप्ता मिति नतोकिए प्राविधिक, व्यवस्थापकीय एवं व्यवहारिक दृष्टिले निर्वाचन गर्न कठिन हुने भन्दै यसलाई गम्भीरतापूर्वक लिन ध्यानाकर्षण पनि गराएको छ। 

आयोगले संविधान तथा कानुनले जनप्रतिनिधिको रिक्तताको परिकल्पना नगरेको, स्थानीय तहको कार्यभार प्रदेश तथा सङ्घीय सरकारले सञ्चालन र व्यवस्थापन गर्ने संवैधानिक एवं कानुनी प्रावधान नभएको जानकारी दलहरूलाई गराएको छ। 

स्थानीय तहका पदाधिकारीको म्याद थपको कुनै प्रावधान नहुँदा वैकल्पिक पद्धतिबाट स्थानीय सरकार सञ्चालन हुन सक्ने नदेखिएको आयोगले उल्लेख गरेको छ।

आयोगले स्थानीय तहका पदाधिकारीको कार्यकाल समाप्त हुन अगावै स्थानीय तहको निर्वाचन गर्नुपर्ने आवश्यकतामा जोड दिएको आयोगले निकालेको विज्ञप्तिमा लेखिएको छ।

आयोगले छलफलमा १७ दललाई बोलाए पनि १५ दलका प्रतिनिधि मात्रै सहभागी भएका छन्। निर्वाचन आयोगमा दर्ता भएका १०५ दल मध्ये १७ दललाई मात्रै निम्तो गरेको आयोगले १५ दलका नेता सहभागी भएको जानकारी दिएको छ।

 

यो खबर पढेर तपाईलाई कस्तो महसुस भयो ?

सम्बन्धित समाचार

प्रयाङकरलाई गृहको चेतावनी : सार्वजनिक स्थानमा प्रयाङक भिडियो बनाए कारबाही

बिहीबार त मन्त्रालयले सूचना नै जारी गरेर सार्वजनिक स्थानमा ख्यालठट्टा गर्ने र प्रयाङक भिडियो बनाएमा कारबाही गर्ने चेतावनी दिएको हो। गृहको विज्ञप्तिमा सार्वजनिक स्थलहरूमा मजाक,....

बैठक नराखेको भन्दै आलोचना भएपछि देउवाले बोलाए केन्द्रीय समिति बैठक

स्थानीय तहको निर्वाचनको मिति लगायतका विषयमा छलफल गर्न देउवाले बैठक राखेका हुन्। शुक्रवार हुने बैठक भर्चुअल हुनेछ। कोरोना सङ्क्रमण बढिरहेकाले पार्टीको बैठक भर्चुअल गर्न लागिएको....

कोरोना सङ्क्रमणबाट मृत्यु हुनेको सङ्ख्या एकै दिन १५ पुग्यो

बुधवारको तथ्याकंमा जम्मा पाँच जनाको मृत्यु भएको थियो। तेस्रो लहरमा २४ घण्टामा सबैभन्दा धेरै एकै पटक १६ जनाको मृत्यु भएको विवरण मन्त्रालयले सार्वजनिक गरेको थियो।....

जर्मनीमा रहेका नेपाली जोडीले टिकटकबाट इमोसनल ब्ल्याकमेल गरेर उठाए झन्डै एक करोड, साथीले पोल खोलिदिएपछि विवादमा

यही बिच शाश्वतले श्रीमतीको नयाँ जीवनका लागि गो फन्डमा २०२१ डिसेम्बर २ मा फन्ड सङ्कलन गर्न खाता खोले। टिकटकमा उनीहरूको भिडियो पपुलर बन्दै गयो। यहीबिच....

हार्दा पनि राष्ट्रिय सभामा एमाले पहिलो दल

सङ्घीय संसद्मा प्रतिनिधित्व गर्ने ९ राजनीतिक दलका ४३ उम्मेदवार चुनावी मैदानमा उत्रिएकोमा एमालेबाट १९ जना, नेपाली काङ्ग्रेसबाट ६ जना, माओवादी केन्द्रबाट ५ जना, एकीकृत समाजवादीबाट....