उकेरा प्रदेश

बुटवलमा पशु वधशाला निर्माण : किसान  बिचौलियाको मारमा नपर्ने दाबी  


बुटवल : बुटवल उपमहानगरपालिकाका प्रमुख शिवराज सुवेदीले बुटवलमा नयाँ वर्षदेखि पशु वधशाला सञ्चालनमा ल्याउने गरी निर्माणको काम भइरहेको बताएका छन्।

मासु व्यवसायी सङ्घ रुपन्देहीको ११ औँ वार्षिक साधारण सभा तथा छैटौँ  अधिवेशन कार्यक्रममा नगर प्रमुख सुवेदीले मेसिन अर्डर भइसकेको र संरचना निर्माणको काम अन्तिम चरणमा पुगेको बताए। 

वधशालाको हालसम्म भौतिक प्रगति ७० प्रतिशत र वित्तीय प्रगति ४५ प्रतिशत भएको उनले जानकारी दिए। उनले वधशाला सञ्चालन गर्न मासु व्यवसायीहरुसंग सम्झौता समेत भइसकेको बताए। वधशाला निर्माण पछि किसान  बिचौलियाको मारमा पर्न नपर्ने उनले दाबी गरे। 

मासु व्यवसायी सङ्घका अध्यक्ष कृष्णप्रसाद पौडेलले वधशाला सञ्चालनका लागि बुटवल मासु उत्पादन तथा प्रशोधन केन्द्र प्रा.लि स्थापना भएको बताए। 

उपभोक्ता हित संरक्षण मञ्च लुम्बिनीका अध्यक्ष तेज कुमार पाठकले स्वास्थ्यकर, गुणस्तर र निरोगी पशुको मासु उपभोक्तालाई उपलब्ध गराउन आग्रह गरे।  

सङ्घको अध्यक्षमा चुरामणि घिमिरे

सङ्घको ११ औँ वार्षिक साधारण सभा तथा छैटौँ  अधिवेशनबाट अध्यक्षमा चुरामणि घिमिरे निर्विरोध निर्वाचित भएका छन्। वरिष्ठ उपाध्यक्षमा मोहन खत्री, उपाध्यक्षमा मसउद आलम, महासचिवमा विशाल थापा, कोषाध्यक्षमा गोपाल क्षेत्री र सहकोषाध्यक्षमा कृषिराम राई भाट निर्वाचित भएको प्रमुख निर्वाचन अधिकृत यमलाल खनालले जानकारी दिए। 

त्यस्तै सदस्यहरूमा बालप्रसाद श्रेष्ठ, हरि बहादुर कुँवर, अहमद हुसेन, प्रेम राना, रोशन बहादुर खत्री, सुनिता थापा क्षेत्री, विमा थापा, देउती प्रसाद सापकोटा, थानेश्वर पाण्डे, ओम बहादुर थापा, थानेश्वर सुवेदी र तइयव हुसेन निर्वाचित भएका छन्। 

निर्वाचित अध्यक्ष, पदाधिकारी तथा सदस्यलाई प्रमुख निर्वाचन अधिकृत खनालले पद तथा गोपनीयताको शपथ खुवाए।

यो खबर पढेर तपाईलाई कस्तो महसुस भयो ?

सम्बन्धित समाचार

धुर्मुस-सुन्तलीले अलपत्र छाडेको रङ्गशाला बनाउन दातृ निकायसंग सहयोग लिने प्रदेश सरकारको तयारी

रङ्गशालाबारे भएको अन्तर्क्रियामा उनले यसका लागि दातृ निकायसँग कुराकानीसमेत भइरहेको उनले बताए। उनले रङ्गशाला निर्माणको जिम्मा लिएको धुर्मुस–सुन्तली फाउन्डेसनले अहिलेसम्मको खर्च विवरण यथाशीघ्र सार्वजनिक गरेर....

कर्णाली प्रदेश समन्वय परिषद्को बैठकको निष्कर्ष : स्थानीय र प्रदेशबिच सहकार्य कमजोर

बिहीबार वीरेन्द्रनगरमा सम्पन्न भएको बैठक मुख्यमन्त्री तथा मन्त्रिपरिषद्को कार्यालयले आयोजना गरेको थियो। बैठकमा प्रदेश सरकार र स्थानीय तहबाट सञ्चालन हुने विकास आयोजना, साझा अधिकारका विषयको....

काठका मुढामा बुद्धको जीवन

कार्यशालामा १७ जना मूर्तिकारले ८ दिन लगाएर १७ वटा काठका ठुटाबाट मूर्ति तयार गरे। त्यसअघिसम्म सुनसान रहेको बुद्ध सामुदायिक बनमा रहेको गौतमबुद्ध राष्ट्रिय पार्क अहिले....

राष्ट्रिय सभा निर्वाचन : कर्णालीमा पनि सत्ता-गठबन्धनको क्लिनस्विप

पाँचदलीय गठबन्धनका सबै उम्मेदवार विजयी भएको प्रदेश निर्वाचन अयोगले घोषणा गरिसकेको छ। मत परिणामअनुसार नेपाली कांग्रेसकी दुर्गा गुरुङ २ हजार ९ सय ७०, नेकपा एकीकृत....

राष्ट्रिय सभा निर्वाचन : प्रदेश १ मा गठबन्धनका उम्मेदवारलाई पराजित गर्दै एमालेका शेर्पा विजयी

पाँचदलीय सत्ता-गठबन्धनका उम्मेदवार हेमराज राई लाई पराजित गर्दै शेर्पा विजयी भएका हुन्। एमालेका तर्फबाट उनी अल्पसंख्यक क्षेत्रबाट उम्मेदवार बनेका थिए। शेर्पाले ४७३४ मत भारसहित विजयी....