वीर अस्पतालका प्रमुख डा. भुपेन्द्र रद्द भएको विज्ञापनमा बढुवा सिफारिस भएको खुलासा


काठमाडौँ : कोभिड-१९ युनिफाइड केन्द्रीय अस्पताल (वीर अस्पताल) का निमित्त कार्यकारी अधिकारी डा. भुपेन्द्र बस्नेतको बढुवा सिफारिसमाथि वैधानिक प्रश्न उब्जिएको छ। उनी लोक सेवा आयोगले रद्द गरेको विज्ञापनमा बढुवा  सिफारिस भएको पाइएको छ। डा. बस्नेत दसौँबाट ११औँ तहमा बढुवा सिफारिस भएका हुन्।

स्वास्थ्य तथा जनसङ्ख्या मन्त्रालयको बढुवा समितिको सचिवालयले २०७८/०९/२३ मा उनको बढुवा सिफारिसको सूचना जारी गरेको थियो। सूचना अनुसार उनी प्रमुख कन्सल्टेन्ट ग्याष्ट्रोइन्टोरोलोष्टी पदमा बढुवाका लागि सिफारिसमा परे। डा. बस्नेत बढुवा सिफारिस भएको समूह/उपसमूह ‘मेडिसिन/ग्याष्ट्रो इन्टेरोलोजी’हो। 

डा. बस्नेतको बढुवाको सिफारिस भएको सूचना नम्बर ६२/०७८–७९ हो। उनी बढुवा भएको विज्ञापनमा भनिएको छ,‘लोक सेवा आयोगको मिति २०७८/०६/२७ को सूचना नं. ६२/०७८–७९ का अनुसार तपसिलका बढुवा सूचना नं. मा उल्लेखित नेपाल स्वास्थ्य सेवा अन्तर्गत देहायका समूह, उपसमूहको अधिकृत एघारौँ तहको पदमा बढुवा समितिको मिति २०७८/०९/२१ गतेको निर्णय अनुसार तपसिल बमोजिमको योग्यताक्रमका उम्मेदवारलाई कार्यक्षमताको मूल्याङ्कन प्रक्रियाद्वारा हुने बढुवाका लागि सिफारिस गर्ने निर्णय भएकोले नेपाल स्वास्थ्य सेवा नियमावली २०५५ को नियम ७६ र ७७ को प्रयोजनको लागि यो सूचना प्रकाशित गरिएको छ।’

तर, डा. बस्नेतको बढुवाको सिफारिस भएको सूचना नं.६२/७८–७९ लोक सेवा आयोगले २०७८/७/१५ को निर्णय अनुसार बढुवा विज्ञापन नै रद्द भइसकेको थियो। आयोगले कार्त्तिक १७ गते सूचना जारी गर्दै भनेको थियो,‘स्वास्थ्य मन्त्रालयको चं. नं. ८८५/०७८–७९, मिति २०७८/७/१४ को पत्रअनुसार स्वास्थ्य सेवा, मेडिसिन समूह, ग्याष्ट्रोइन्टेरोलोजी उपसमूह, एघारौँ तह प्रमुख कन्सल्टेन्ट ग्याष्ट्रोइन्टेरोलोष्टि पदमा माग पद सङ्ख्या १ (एक) मात्र कायम गरिदिन लेखि आएकोले आयोगको मिति २०७८/७/१५ को निर्णय अनुसार देहायको बढुवा विज्ञापन रद्द गरिएको ब्यहोरा सम्बन्धित सबैको जानकारीका लागि यो सूचना प्रकाशन गरिएको छ।’ जुन रद्ध गरिएको विज्ञापनमा बढुवा सूचना नम्बर नं.६२/०७८–७९ उल्लेख छ।

आयोग स्रोतका अनुसार रद्द भएको विज्ञापनमा पदपूर्ति सम्बन्धी प्रक्रिया अगाडि बढाउन मिल्दैन। स्रोतले भन्यो,‘रद्द भएको विज्ञापन (बढुवा सूचना नम्बर नं.६२/०७८–७९) मा पदपूर्ति सम्बन्धी प्रक्रिया अगाडि बढाउन मिल्दैन।’

सो पदपूर्तिका लागि आयोगले असोज २७ गते विज्ञापन प्रकाशित गरेको थियो।

लोक सेवा आयोगका प्रवक्ता तोयनारायण सुवेदीले सङ्घीय मामिला तथा सामान्य प्रशासन मन्त्रालयमार्फत लोक सेवा आयोगमा अनुरोध पुग्ने र त्यो आधारमा आयोगले विज्ञापन गरेर पदपूर्ति प्रक्रिया अगाडि बढाउने बताए।

प्रवक्ता सुवेदीले भने,‘बीचमा यति मागिएको थियो। यति मात्रै हो भन्यो भने त्यो विज्ञापन संशोधन वा रद्द गरी दिन्छौँ। यदि रिक्वेष्टको आधारमा दरबन्दी घटायौँ बढायौँ भने जे निर्णय आयोगले गर्‍यो त्यहीअनुसार पदपूर्ति प्रक्रिया अगाडी बढाउनु पर्ने हुन्छ।’

उनले स्वास्थ्य मन्त्रालयकै अनुरोधको आधारमा गरेको भए त्यसको जिम्मेवारी मन्त्रालयले लिनुपर्ने बताए। 

मन्त्रालय उच्च स्रोतका अनुसार आयोगको पदपूर्तिको प्रक्रियाअनुसार नै मन्त्रालयले उनलाई बढुवा गरेको हो। ती कर्मचारीले भने, ‘लोक सेवाको प्रक्रिया हो। लोक सेवाको प्रक्रिया स्वास्थ्य मन्त्रालयले गर्ने हो।’

रद्द भएको विज्ञापनमा बढुवा हुन पाइन्छ भन्ने जिज्ञासामा मन्त्रालयका कर्मचारीले भने, ‘रद्द के कारणले भयो हेर्नु पर्‍यो। त्यो कारणले रद्ध भएको हो भने त रद्द नै भयो होला नि त।’

यो खबर पढेर तपाईलाई कस्तो महसुस भयो ?

सम्बन्धित समाचार

पासलाई फेल, फेललाई पास गर्ने त्रिवि सेवा आयोगका तत्कालीन प्रमुखसहित ६ जनाविरुद्ध मुद्दा

लेखा सहायक पदको प्रथम पत्र परीक्षण गर्ने सहप्राध्यापक केशव घिमिरे, दोस्रो पत्र परीक्षण गर्ने सहप्राध्यापक राजेश्वर न्यौपाने, पुस्तकालय सहाय पदको दोस्रो पत्र परीक्षण गर्ने पुस्तकालय....

२७ वर्षपछि ब्युँझियो सरकारी जग्गा हडपेको मुद्दा, १३ जना प्रतिवादी

अभियोग पत्रमा उल्लेख भए अनुसार २०५१ सालमा विद्यालय व्यवस्थापन समितिबाट निर्णय गराएर सरकारी र सार्वजनिक जग्गा वितरण गरेर उनीहरूले पाएको अख्तियारीको दुरुपयोग गरेका थिए। अभियोग....

रोजगारीको प्रलोभनमा हरेक वर्ष ठगिन्छ ५० करोड, ठगिने जोखिम हुँदाहुँदै पैसा दिन्छन् कामदार

लामिछाने आफू म्यानपावर कम्पनीमा काम गर्ने यसरी र थुप्रै मान्छे पठाइसकेको बताउँथे। आफूले पठाएको मान्छेले धेरै राम्रो कमाइ गरिरहेको र १८ सय दिराम (दुबई मुद्रा)....

भिजिट भिसामा यूएई लैजान ५ देखि ७ लाखसम्म असुली, श्रममन्त्री नै शङ्कामा

श्रम स्वीकृति बन्द भएको बेलामा प्रत्येक दिन १५ हजार जनासम्म नेपाली महिला र पुरुष भिजिट भिसामा कामका लागि यूएई पुगेर अलपत्र परेका थिए। गत जनवरीदेखि....

भिजिट भिसामा सेटिङको जालो : श्रम र गृहको नाममा उठाइयो प्रतिव्यक्ति ५० हजार

ब्युरोका प्रमुख एसएसपी टेक प्रसाद राईका अनुसार उनीहरूलाई दुबईमा दलालहरूले काम लगाइदिने र राम्रो आम्दानी हुने प्रलोभन पारेका थिए। ‘१८ जनालाई दलालहरूले भिजिट भिसामा लैजाने....