कभर स्टोरी

उकेरा फलोअप

सशस्त्र प्रहरीका जवान बहुविवाहको कसुरमा जेल परे, धरौटी तिर्न नसकेपछि कान्छी श्रीमती पनि कारागारमै


सुर्खेत : सशस्त्र प्रहरी जवान अर्जुन चितौरे बहुविवाहको कसुरमा जेल परेका छन्। जिल्ला अदालत सुर्खेतको आदेशमा चितौरेसँगै विवाह गरेकी कान्छी श्रीमती पनि कारागार चलान भएकी छन्। 

चितौरेले घरमा श्रीमती हुँदाहुँदै कान्छी श्रीमतीको विवाह दर्ता गरेका थिए। सुर्खेत लेकवेशी नगरपालिका वडा नम्बर ९ का चितौरेलाई जिल्ला प्रहरी कार्यालय सुर्खेतले मङ्सिर ५ गते लेकवेसीबाट पक्राउ गरेको थियो। 

उनकी कान्छी श्रीमती उदयपुरको बेलडा नगरपालिका-७ की मन कुमारी आलेलाई चितौरेकी जेठी श्रीमती मुना रोकायको जाहेरीका आधारमा पक्राउ गरेको प्रहरीले जानकारी दिएको थियो। 

जिल्ला अदालतले मङ्सिर २९ गते दिएको आदेश अनुसार चितौरे र उनकी कान्छी श्रीमतीलाई बहुविवाहको कसुरमा जेल चलान गरिएको प्रहरीले जानकारी दिएको छ।

अदालतले दुई लाख रुपैयाँ धरौटीमा छोड्ने आदेश दिएको थियो मनकुमारीलाई। धरौटी तिर्न नसकेपछि कारागारमै बसिरहेकी छन् मनकुमारी।

‘अर्जुनलाई पुर्पक्षका लागि कारागार ल्याइएको छ। उनकी कान्छी श्रीमती मनकुमारीलाई दुई लाख रुपैयाँ धरौटी अदालतले तोकेको छ,’कारागार स्रोतले भन्यो, ‘अर्जुनको विषयमा यसपछिका फैसलाले के कति सजाय हुने भन्ने आउला, मनकुमारीले जति बेला दुई लाख तिर्‍यो त्यति बेला छुट्छिन्। अहिले उनी कारागारमै छिन्।’

अर्जुन कार्तिक २२ गते नक्कली बिहे दर्ता बनाएर नवलपरासी गएका थिए। वडाध्यक्ष र अर्जुनका बुवाले नवलपरासीबाट अर्जुन र मनकुमारीलाई सुर्खेत ल्याएका थिए। 

विवाह दर्ताका लागि अर्जुनले वडाध्यक्षको प्यासेन्जरमा आफू पल्टनमै हुँदा पठाएको दुवै जनाको नागरिकता र जन्म दर्ताको स्क्रिन सटसहित उकेराले समाचार प्रकाशित गरेको थियो। 

मुनाको उमेर १९ वर्ष मात्रै भएकोले एक छोरी हुँदासम्म उनले विवाह दर्ता प्रमाणपत्र पाएकी थिइनन्। 

नक्कली विवाह दर्तामा मिलेमतो गर्ने वडा अध्यक्ष र वडा सचिव पुष्पा कुमारी खनालको विषयमा कुनै पनि जाहेरी नआएकोले त्यो तर्फ अनुसन्धान नगरेको जिल्ला प्रहरी कार्यालय सुर्खेतले जनाएको छ। 

 

यो खबर पढेर तपाईलाई कस्तो महसुस भयो ?

सम्बन्धित समाचार

धराशायी त्रिविका अनुसन्धान केन्द्र १ : आइसियुमा सेडा, अस्तित्व जोगाउनै हम्मे

‘म २०५५ मा काम गर्न आएको थिएँ सेडामा। त्यति बेला सेडाको सानमान अनि काम गराइको रफ्तार देखेर कुनै दिन म पनि यहाँ आउनुपर्छ भन्ने भएको....

रद्द विज्ञापनमा डा. भूपेन्द्रको बढुवा सिफारिसमा लोकसेवालाई स्वास्थ्य सचिवको उल्टै प्रश्न : रद्द भएको विज्ञापनको फर्म किन लियो त?

डा. बस्नेत अधिकृत एघारौँ तहको पदमा बढुवा समितिको मिति २०७८-०९-२१ गतेको निर्णय अनुसार कार्यक्षमताको मूल्याङ्कन प्रक्रियाद्वारा हुने बढुवाका लागि सिफारिस भएका थिए। रद्द भइसकेको विज्ञापन....

शिक्षा मन्त्रालयको नेतृत्व बदलिएसँगै केशर महल ठेक्कामा दिएर रेस्टुरेन्ट र डान्सबार खोल्ने रणनीति ब्युँतियो (प्रतिवेदन सहित )

कोरोनाको तेस्रो लहर चलिरहेको मौका छोपेर शिक्षा मन्त्रालयका अधिकारीहरूले स्थगित भइसकेको केशर महल परिसरलाई हेरिटेज रेस्टुरेन्टको रूपमा चलाउन दिने रणनीतिलाई भित्रैभित्रै पुन तीव्र बनाएका छन्।....

विपन्नको कोरोना राहतमा राजनीति : सत्ताधारी दललाई सहयोग पुग्ने भन्दै एमालेका स्थानीय तहले लिएनन् पैसा

तत्कालीन प्रधानमन्त्री केपी ओली नेतृत्वको सरकारले त्याएको बजेट प्रतिस्थापन गर्दै नेपाली कांग्रेसको नेतृत्वको सरकारले पाँच लाख परिवारलाई सरकारको तर्फबाट सहयोग दिने कार्यक्रम ल्याएको थियो। प्रधानमन्त्री शेरबहादुर....

'ठेक्का सेटिङ क्विन' बायोमेडिकल इन्जिनियर भावनाको म्याद बढाउन वीरकै उच्च अधिकारी सक्रिय

आफू निकटकालाई कम्पनी दर्ता गर्न लगाएर शिक्षण अस्पताल महाराजगन्जमा टेन्डरमा सेटिङ गरेपछि करार खारेजीमा परेकी उनी कोभिड–१९ युनिफाइड केन्द्रीय अस्पताल (वीर अस्पताल) मा आइपुगेकी थिइन्....