१४औँ कांग्रेस महाधिवेशन

सांसद पार्बता डी.सी.चौधरी कांग्रेस केन्द्रीय सदस्यमा पराजित 


काठमाडौँ : नेपाली कांग्रेस केन्द्रीय सदस्य थारु खुला पदमा उम्मेदवारी दिएकी सांसद पार्बता डी.सी.चौधरी पराजित भएकी छन्। 

केन्द्रीय सदस्य थारु खुला दुई पदमा योगेन्द्र चौधरी र राम जनम चौधरी निर्वाचित भए। राम जनमले २ हजार ५०३ र योगेन्द्रले २ हजार १९८ मत प्राप्त गरेका निर्वाचन समितिले जनाएको छ। १२ औँ र १३ औँ महाधिवेशनमा केन्द्रीय सदस्यमा निर्वाचित पार्बता डी.सी. चौधरीले १४ औँ महाधिवेशनमा ५६३ मत मात्र पाइन।

सङ्घीय संसद् प्रतिनिधि सभामा दाङबाट समानुपातिक तर्फकी बहालवाला सांसद चौधरी सार्वजनिक लेखा समितिकी सदस्य हुन्।

पार्बतासँगै प्रतिस्पर्धा गरेका थारु खुला सदस्यका उम्मेदवार बद्री नारायण चौधरीले १ हजार ६०४, साजनकुमार महतोले १ हजार ४१२, भोटनी देवी खवासले २९९, देवराज चौधरीले २१७ र यज्ञराज चौधरीले १८४ मत पाए।

यस्तै थारु महिला खुला पदमा कल्पना चौधरी र जीवन राना निर्वाचित भएका छन्। चौधरी २ हजार ५२४ र राना २ हजार ३४९ मत ल्याएर निर्वाचित भएका कांग्रेस निर्वाचन समितिले जनाएको छ।

प्रतिस्पर्धी नमिता कुमारी चौधरीले १ हजार ६६१, नवोदिता चौधरीले १ हजार ५९० र टिका कुमारी चौधरीले ८९२ मत पाए। ४ हजार ६५१ मतगणनामा ४८ मत बदर भएको कांग्रेस निर्वाचन समितिले जनाएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

कति समावेशी बन्यो कांग्रेस ? :  २ प्रतिशत महिला पुगेनन्, पदाधिकारीमा एक जना मात्रै

लैङ्गिक हिसाबले हेर्दा कांग्रेसले ३१ प्रतिशत महिला केन्द्रीय कार्यसमितिमा निर्वाचित भएको देखाउँछ भने ६९ प्रतिशत पुरुष निर्वाचित भएका छन्। संविधानतः ३३ प्रतिशत महिला सहभागिता हुनुपर्ने....

देउवासँग पराजित कोइराला केन्द्रीय सदस्य, १३४ मध्ये ४० जना महिला निर्वाचित  

कांग्रेस निर्वाचन समितिले बिहीबार सार्वजनिक गरेको अन्तिम परिणाम अनुसार १३४ सदस्यीय केन्द्रीय कार्य समितिमा ३३ प्रतिशत महिला निर्वाचित भएका हुन्।  एक जना पदाधिकारी सहित ४०....

सुदूरपश्चिम महिला सदस्य : देउवा पराजित, भट्ट निर्वाचित

प्रतिस्पर्धी चन्द्रा देवी जोशीले १ हजार ७६३ र रमिता शाही देउवाले ४०३ मत प्राप्त गरेका निर्वाचन समितिले जनाएको छ।  यस्तै केन्द्रीय सदस्य सुदूरपश्चिम प्रदेश खुला....

कांग्रेस केन्द्रीय सदस्यमा एक मतले पराजित भए थानी 

केन्द्रीय सदस्य कर्णाली प्रदेश भूगोल तर्फ उम्मेदवार दिएका थानी एक मतले पराजित भएका हुन्। राजीव विक्रम शाह दुई हजार ८२० र कर्ण बुढा दुई हजार....

कांग्रेस केन्द्रीय सदस्यमा ध्यानगोविन्ददेखि राजीव कोइरालासम्म 

कांग्रेस निर्वाचन समितिका अनुसार प्रतिस्पर्धी विष्णु देवी पुडासैनीले १ हजार ६७० र कृष्णा अमात्यले ५५१ मत प्राप्त गरेकी छन्।  यस्तै बागमती प्रदेश खुला सदस्यमा ध्यानगोविन्द....