उकेरा प्रदेश

मतदाताले रुचाएनन् गृहमन्त्रीको लबिङ, रोल्पाका अमरसँग शाह पराजित  


बुटवल : रोल्पाका अमरबहादुर पुन नेपाली कांग्रेस लुम्बिनी प्रदेश सभापतिमा निर्वाचित भएका छन्। रोल्पामा २ पटकसम्म जिल्ला सभापति बनिसकेका पुन जिल्ला भित्र र बाहिर कर्मठ नेताका रूपमा परिचित छन्।

पूर्व राज्यमन्त्री समेत बनिसकेका पुनले माओवादी द्वन्द्वकालमा कांग्रेसलाई रोल्पा, रुकुम लगायतका जिल्लामा सङ्गठनलाई बलियो बनाउन ठुलो भूमिका खेलेका थिए। द्वन्द्व प्रभावित जिल्ला भए पनि कांग्रेसलाई बलियो बनाउन उनी क्रियाशील रहेको कांग्रेस नेताहरू बताउँछन्।

कसरी विजयी भए पुन ?

सङ्घीयता पछि भएको पहिलो प्रदेश अधिवेशनमा अमर पुन सभापतिमा उम्मेदवारी दिने समय देखिनै चर्चामा थिए। त्यसो त महाधिवेशन प्रतिनिधिहरू मतदाता भएका कारणले पनि उनी बलियो उम्मेदवार थिए भन्ने आङ्कलन पूर्ववत् थियो। प्रदेशका १२ जिल्ला मध्ये ११ जिल्लाको अधिवेशन सम्पन्न हुँदा १० जिल्लाका सभापति पुन समूहकै अर्थात्  रामचन्द्र पौडेल पक्षका निर्वाचित भएका थिए।

संस्थापन पक्षमा बलियो मानिएको रुपन्देही, बाँके र बर्दिया भए पनि अन्य जिल्लामा संस्थापनइतर बलियो रहँदा पुनलाई जितका लागि सहज भयो। गृहमन्त्री बालकृष्ण खाँणले समेत भरत शाहलाई निर्वाचित गराउन भूमिका खेलेका थिए। तर मतदाताले पुनलाई क्रस गरेर मत राखेनन्।

जिल्ला भित्र आलोचित भइरहेका गृहमन्त्री खाँणको लबिङलाई मतदाताले टेरेनन् र शाह पराजित हुन पुगे।

यो खबर पढेर तपाईलाई कस्तो महसुस भयो ?

सम्बन्धित समाचार

धुर्मुस-सुन्तलीले अलपत्र छाडेको रङ्गशाला बनाउन दातृ निकायसंग सहयोग लिने प्रदेश सरकारको तयारी

रङ्गशालाबारे भएको अन्तर्क्रियामा उनले यसका लागि दातृ निकायसँग कुराकानीसमेत भइरहेको उनले बताए। उनले रङ्गशाला निर्माणको जिम्मा लिएको धुर्मुस–सुन्तली फाउन्डेसनले अहिलेसम्मको खर्च विवरण यथाशीघ्र सार्वजनिक गरेर....

कर्णाली प्रदेश समन्वय परिषद्को बैठकको निष्कर्ष : स्थानीय र प्रदेशबिच सहकार्य कमजोर

बिहीबार वीरेन्द्रनगरमा सम्पन्न भएको बैठक मुख्यमन्त्री तथा मन्त्रिपरिषद्को कार्यालयले आयोजना गरेको थियो। बैठकमा प्रदेश सरकार र स्थानीय तहबाट सञ्चालन हुने विकास आयोजना, साझा अधिकारका विषयको....

काठका मुढामा बुद्धको जीवन

कार्यशालामा १७ जना मूर्तिकारले ८ दिन लगाएर १७ वटा काठका ठुटाबाट मूर्ति तयार गरे। त्यसअघिसम्म सुनसान रहेको बुद्ध सामुदायिक बनमा रहेको गौतमबुद्ध राष्ट्रिय पार्क अहिले....

राष्ट्रिय सभा निर्वाचन : कर्णालीमा पनि सत्ता-गठबन्धनको क्लिनस्विप

पाँचदलीय गठबन्धनका सबै उम्मेदवार विजयी भएको प्रदेश निर्वाचन अयोगले घोषणा गरिसकेको छ। मत परिणामअनुसार नेपाली कांग्रेसकी दुर्गा गुरुङ २ हजार ९ सय ७०, नेकपा एकीकृत....

राष्ट्रिय सभा निर्वाचन : प्रदेश १ मा गठबन्धनका उम्मेदवारलाई पराजित गर्दै एमालेका शेर्पा विजयी

पाँचदलीय सत्ता-गठबन्धनका उम्मेदवार हेमराज राई लाई पराजित गर्दै शेर्पा विजयी भएका हुन्। एमालेका तर्फबाट उनी अल्पसंख्यक क्षेत्रबाट उम्मेदवार बनेका थिए। शेर्पाले ४७३४ मत भारसहित विजयी....