उकेरा फिचर

जोशी दम्पत्तिको च्याउ खेती: माग धान्नै मुस्किल, कमाइ १५ लाख


धनगढीः पेशाले शिक्षक हुन्- डिल्लीराज जोशी। तर कैलालीको गोदावरी नगरपालिका-३ चौकीडाँडाका उनी शिक्षकभन्दा पनि आफूलाई कृषक भन्न रुचाउँछन्। 

जोशीले ०६९ सालबाट चौकीडाँडामा व्यावसायिक रूपमा च्याउ खेती गरिरहेका छन्। दिउँसो चक र डस्टरमा रमाउने जोशी साँझ-बिहान भने च्याउ खेतीमा रमाउँछन्। 

उनको फार्ममा बाह्रै महिना च्याउ उत्पादन हुन्छन्। तर माग धान्न हम्मेहम्मे पर्छ उनलाई। 

उनले उत्पादन गरेको च्याउ सुदूरपश्चिमका ९ वटै जिल्लामा बिक्री हुन्छ। डिल्लीराजलाई श्रीमती विष्णा जोशीले दह्रो साथ दिइरहेकी छिन्। 

स्नातकोत्तरसम्म अध्ययन गरेका जोशी दम्पती च्याउले दिने आम्दानीमा रमाइरहेका छन्। ‘आर्थिक रूपमा च्याउ खेतीबाट र सामाजिक रूपमा शिक्षण पेशाबाट आनन्द मिलिरहेको छ’, डिल्लीराजले भने।

१० हजार बाट व्यवसाय सुरु, मासिक डेढ लाख आम्दानी 
अध्ययनकै क्रममा काठमाडौंमा डिल्लीराजले केही समय च्याउ फार्ममा काम गरेका थिए। छोटो समयमै उत्पादन र मनग्य आम्दानी हुने देखेपछि उनी च्याउ खेतीतर्फ आकर्षित भए।

घर फर्केपछि उनले 'त्रिपुरा मसरुम एग्रो हर्बस फार्म' दर्ता गरेर परीक्षणस्वरूप १० हजारको लगानीमा आफ्नै खेतमा च्याउ खेती गर्न थाले।

‘च्याउ उत्पादन राम्रो भयो। मैले बजारमा लग्नै परेन ग्राहक यहीँ आएर किन्न थाले। कतिपय त च्याउ नपाएर रित्तो पनि फर्किन्थे। बढ्दो माग देखेर मैले च्याउका टनेल विस्तार गर्दै गएँ। अहिले १४ टनेल छन्’, जोशीले भने, ‘अझै पनि बजारको माग धान्न सकेको छैन।’

च्याउ खेतीबाट वार्षिक १५ लाखसम्म आम्दानी गर्दै आएका डिल्लीराजले दुई जनालाई पूर्ण र १७ जनालाई आंशिक रोजगारी समेत दिइरहेका छन्। 

‘स्वदेशमै मनग्य आम्दानी गरेर अरूलाई पनि रोजगारी दिन पाइएको छ। आफ्नो काममा सन्तुष्ट छु। खुशी लाग्छ’, जोशीले भने, ‘कम लगानी, कम समय र थोरै जमिनमा राम्रो आम्दानी हुन्छ।' 

उनी अब व्यवसायलाई थप अघि बढाउन च्याउका विभिन्न परिकार पाउने रेस्टुराँ खोल्ने योजनामा छन्।

यो खबर पढेर तपाईलाई कस्तो महसुस भयो ?

सम्बन्धित समाचार

पैसा छ- मिर्गौला छैन, मिर्गौला छ- पैसा छैन

चन्द्रादेवी र उनका श्रीमान् हिरा विक दुवै भारतमा चौकीदारीको काम गर्थे। चन्द्रा एक्कासी सिकिस्त भएपछि हिराले गाउँघरका आफन्तसँग ऋण मागेर एक लाख रुपैयाँ खर्च गरी....

सफलताको कथा: पैसा त बाख्राको खोरमा पो रहेछ !

१० वर्षकै उमेरमा भारत गएका उनले सुरुमा होटलमा भाँडा माझ्ने काम गरे। विस्तारै कुकको काम सिकेका रमेश विस्तारै कुक म्यान बने। बाल्यकाल र युवा अवस्थाको....

बुटवलमा 'ब्राण्डेड' बन्न खोजिरहेको खाजा घर: ग्राहकलाई ३० प्रकारको परौठा, सञ्चालकलाई वार्षिक १० लाख

परौठा हाउस 'खाजा घर' मात्र होइन। यो 'ब्राण्डेड खाजा घर' हो। ५३ वर्षीय अर्जुन बुटवलमा परौठालाई खाजाको ब्राण्ड बनाइरहेका छन्। खाजा भनेकै मम, चाउमिन र....

तीन पिँढीदेखि भुजा भुट्ने बेचनप्रसादको कथा

उनी कार्यालय समयबाहेक अरू समयमा भुजा भुट्छन्। र यो सिलसिला तीन पिँढी यता जारी छ। चना र भुजा भुट्ने उनको यो काममा श्रीमती कलावती, बुहारी सन्ध्या....

हरिबोधिनी एकादशी : पाप नाशक, पुण्यवर्धक र मुक्तिप्रदक

आषाढ शुक्ल पौर्णमासी, एकादशी, द्वादशी वा श्रावण सङ्क्रान्तिमा सूर्य मिथुन राशिबाट कर्कट राशिमा प्रवेश गर्छन्। विशेष गरेर आषाढ शुक्ल एकादशीदेखि चातुर्मास्य व्रतको आरम्भ गरिन्छ भने....