उकेरा एंकर

एमाले महाधिवेशन : कार्यकर्ताको चिन्ता दाउन्नेको सडक


बुटवल : नेकपा एमालेको १०औं राष्ट्रिय महाधिवेशन भोलि शुक्रबारदेखि चितवनमा हुँदैछ। पाँच लाख कार्यकर्ता उतार्ने उद्घोष गरिएको एमाले महाधिवेशमा कति सहभागी हुन्छन् त्यो हेर्न बाँकी छ। तर महाधिवेशनमा सहभागी हुन आउने दाउन्ने पश्चिमका तीन वटा प्रदेशका कार्यकर्ताको मुख्य पिरलो भने दाउन्ने सडक यात्राको छ।

लामो समयसम्म जाम हुँदा यो सडक प्रयोग गर्ने प्रयोगकर्ताले सोचे जसरी यात्रा गर्न सक्ने छैनन्। निर्माणाधीन बुटवल-नारायणगढ सडकको दाउन्ने उकालो भएको र धेरै ठाउँमा एकतर्फी सवारी सञ्चालन हुने भएकाले महाधिवेशनका लागि आएका सवारी जाम भएर रोकिनुपर्ने हो कि भन्ने चिन्ता कार्यकर्तामा छ।

धेरै जिल्लाबाट चितवनका लागि कार्यकर्ता आजै हिँडिसकेका छन्। भोलि दिउँसो १२ बजे उद्घाटन सत्र सुरु हुने भनिए पनि सडककै कारण समयमा नपुग्ने डरले दाउन्ने पश्चिमका अधिकांश जिल्लाका कार्यकर्ता, महाधिवेशन प्रतिनिधि आजै हिँडेको लुम्बिनी प्रदेशका प्रचार-प्रसार संयोजक झपेन्द्र जिसीले बताए।

दाउन्नेमा हुने सडक जामलाई मध्यनजर गर्दै आज साँझदेखि मालबाहक ट्रक, टिप्पर र अन्य खाली ट्रकलाई पूर्ण रुपमा रोक लगाइएको छ। 

पूर्वी र पश्चिम नवलपरासीका सुरक्षा निकायका प्रमुखहरुको नवलपुरमा सम्पन्न बैठकले बिहीबार साँझ ६ बजेदेखि शुक्रबार राति १२ बजेसम्मका लागि ठूला सवारी साधनको आवागमनमा रोक लगाएको हो।  

साँघुरो र उकालो सडक हुँदा पश्चिमतर्फबाट आउने सवारी बीचमै राकिने भएकाले ठूला सवारी साधनलाई आज बिहीबार साँझदेखि नै रोक लगाइएको पश्चिम नवलपरासीका प्रमुख जिल्ला अधिकारी धर्मेन्द्रकुमार मिश्रले जानकारी दिए।

पूर्व-पश्चिम भएर जाने सवारी साधनलाई बिहीबार साँझदेखि नै रुपन्देही र गैंडाकोटबाट रोक लगाइने छ। आवत-जावतमा थप सहजता ल्याउन चार वटै सुरक्षा निकायका दुई जनाका दरले सम्पर्क अधिकारी तोकेर संयुक्त गस्तीलाई परिचालन गरिएको मिश्रले बताए।

लुम्बिनी प्रदेश ट्राफिक प्रहरी कार्यालयका प्रमुख योगबहादुर थापाले उकालो ओरालोमा बिग्रेका गाडी तत्काल साइड लगाउन ठाउँ-ठाउँमा क्रेनको व्यवस्था गरिएको बताए। 

यो खबर पढेर तपाईलाई कस्तो महसुस भयो ?

सम्बन्धित समाचार

रानीघाट पुल निर्माणमा ठेकेदारको लापरबाही, निर्माण थालेको ९ वर्षमा ३ वटा पिल्लर मात्रै बने

ठेकेदार कम्पनीको लापरबाहीका कारण तीन वर्षमा सक्नुपर्ने पुल नौ वर्षसम्म पनि निर्माण हुन सकेको छैन। २०६९ साल असार २९ गते निर्माणको ठेक्का लिएको पप्पु÷मल्ल जेभी....

लापरबाहीको हद: दरबन्दी स्वास्थ्य चौकीमा, काम गाउँपालिका कार्यालयमा

तर दुई महिनापछि उकेराकर्मीले 'फलोअप' गर्दा समेत अवस्था सुध्रिएको देखिएन। बुधबार स्वास्थ्य चौकीकी कार्यालय सहयोगी लक्ष्मी बम र गङ्गादेवी बम घाम तापेर बसिरहेका थिए।  ६....

नगरपालिकाले दियो नदीमा डोजर चलाउने अनुमति, रानीघाट क्षेत्र बगाउने जोखिम

वीरेन्द्रनगर नगरपालिकाले रानीघाट मन्दिर क्षेत्रसँगै जोडिएको भेरी नदीमा बालुवा, ढुंगा उत्खनन् गर्न अनुमति दिएको छ। ठेकेदार कम्पनीले डोजर लगाएर बालुवा-ढुंगा निकाल्न थालेपछि रानीघाट क्षेत्र जोखिममा....

अविश्वासमा सकियो एमालेको डिजिटल महाधिवेशन

तर, महाधिवेशनको नयाँ नेतृत्व चयन प्रक्रिया भने कार्यतालिका अनुसार चलेन। निर्वाचनमा विद्युतीय मतदान मेसिन प्रयोग गरिए पनि एमाले नेतृत्वले भोटिङ मेसिन टिमलाई शंकाको नजरले हेर्दै....

नेपालकै नमुना बेलबास-बेथरी सडक : कहाँ पुग्यो काम ?, कहिले बनिसक्छ ?

तीन प्याकेजमा गरी कुल एक अर्ब ६७ करोडको लागतमा निर्माण थालिएको २२ किलोमिटरको सडक अहिले तीन वटै प्याकेजको काम जारी छ। अन्तर्राष्ट्रिय महत्वका प्रमुख पर्यटकीय....