उकेरा कला

प्रेमी भनिएका प्रतापले गायिका प्रविशाको विवाहमा जब खुट्टा ताने


काठमाडौँ : गायिका प्रविशा अधिकारी र गायक प्रताप दासबिच प्रेम सम्बन्ध रहेको भन्दै निकै हल्लाहरू आए। युट्युब च्यानलहरूमा 'टप सिक्रेट अफ प्रविशा एन्ड प्रताप', प्रताप र 'प्रविशाको प्रेम कस्तो?',' प्रतापले बिहे गर्दा प्रविशालाई तनाव', अनि 'प्रेम गीतको नयाँ जोडी प्रविशा र प्रताप' जस्ता हेडलाइनमा यी दुवैको अन्तर्वार्ताहरू आइरहे।

यी दुवैको सम्बन्धलाई प्रेम सम्बन्धको अर्थ लगाउने गरी सबैभन्दा धेरै 'रमाइलो छ' नामको युट्युब च्यानलले सामाग्री राखेको देखिन्छ। यसका सञ्चालकसँग प्रविशा र प्रताप दुवैको सम्बन्ध निकट देखिन्छ।

प्राय अन्तर्वार्ताहरूमा प्रतापले प्रविशालाई दिदी भनेर सम्बोधन गरिरहेका हुन्थे भने प्रविशाले पनि भाइ भनेर। तर यी दुवैको अफेयर्सको हल्ला भने थामिएन।

योबारे प्रविशा पनि जानकार थिइन्। उनले केही अन्तर्वार्ताहरूमा' तपाइहरूको कस्तो राम्रो जोडी। विवाह गर्नुस्' भनेर सुझाव आउने गरेको बताउँदै उनले भनेकी थिइन्' हामीले सँगै प्रेम गीतहरू गाएकाले यस्तो भनिएको होला तर प्रताप मेरो रगतकै भाइ जस्तै हो र रहिरहनेछ।'

नेपाल आइडलमा तेस्रो भएर चर्चामा आएका प्रताप दास र फिल्मी गीतहरूबाट परिचित प्रविशाविच सन् २०१८ मा फिल्म रोजीमा सँगै गीत गाएपछि दुवै निकट भएका थिए। युगल स्वरमा दुवैको स्वर म्याच भएपछि उनीहरू सँगसँगै गीत गाउन थाले। प्रेम गीत ४ को टाइटल गीतले दुबैलाई चर्चित बनायो। सँगै प्रेमी प्रेमिका भनेर हल्ला पनि चलायो।

प्रविशाले प्रतापलाई राखी बाँधिदिएर तस्बिर सार्वजनिक नगरेकी पनि हैनन्। तै पनि बजारमा हल्ला हराएन।

गत शनिवार झापामा प्रविशाले अर्कैसँग विवाह गरिन्। उनी थिए अमेरिका बस्दै आएका इन्जिनियर। प्रविशाको विवाहमा प्रविशा र प्रतापको प्रेम सम्बन्ध छ भन्ने खालका हेडलाइन राख्नेसँगै प्रताप आफैँ पनि सहभागी थिए। तर प्रताप त्यहाँ कुनै साथीको विवाहको सहभागी हुन पुगेका थिएनन्। साँच्चै दिदी प्रविशाको विवाहमा सहभागी हुन पुगेका थिए।

विवाहको धार्मिक परम्परा अनुसार प्रविशाको आमा-बाबु अनि परिवारका सदस्यले जसरी प्रविशाको कन्यादान गरे प्रतापले पनि उसरी नै कन्यादान गरे। उनी प्रविशा बसेको जग्गेमा गएर उनको खुट्टा ताने। प्रविशाले अलि अप्ठ्यारो मानिन्। उनले छाडेनन्। प्रविशाको खुट्टा तानेर करुवाबाट पानी हाल्दै सफा गरे अनि सुरूप सुरूप पानी खाएर कन्यादान गरे।

सँगै उनले भिनाजुको पनि उसरी नै खुट्टा धोएर भाइको धार्मिक कर्तव्य पुरा गर्दै प्रविशाले भनेझैँ' आफ्नै आमाले नजन्माए पनि रगतको भाइ जस्तै सम्बन्ध' रहेको पुष्टि गरे।

यो खबर पढेर तपाईलाई कस्तो महसुस भयो ?

सम्बन्धित समाचार

द भोइसमा टिकटकर मयुरको धमाका, कोच प्रमोदसँग झोक्किइन् प्रविशा

प्रतियोगी फकाउन सबैभन्दा धेरै बाठा कोच प्रमोद नै हुन्। तर प्रतियोगीको सङ्ख्याको आधारमा भने पहिला कोच राजुको समूह भरियो। कोच राजुको समूहका सदस्य पुगेपछि दोस्रोमा....

प्राश्नाको साथले जोगिइन जिग्मे, जयन्त भए आउट

शनिवारको प्रस्तुतिमा उनले राम्रो प्रस्तुति गरेका थिए। तर पब्लिक भोटको आधारमा उनी सुरक्षित हुन सकेनन्। उनीसँगै बटम २ मा परेकी जिग्मे छोकी घिसिङ भने जोगिइन्।

नेपाली चलचित्रले मधेशी पात्रलाई किन मजाकमा उडाउँछ ?

क्यामेरामा त्यति देखिन नचाहने रामभजन सक्किगोनीमा कलाकारका रूपमा देखा परे। दर्शकले उनलाई मन पनि पराए। तर पछिल्लो समय भने उनी खासै देखा परेका छैनन्। कारण,....

कोच मिलन र प्रमोदको द भोइसको सेटमै झगडा, मिलनले प्रमोदलाई कुट्न मुड्की नै उजाइन्

बालबालिका सम्बन्धी अर्को रियालिटी शो 'सारेगामापा' पनि चलिरहेको छ। अहिले ब्लाइन्ड अडिसन चलिरहेको छ द भोइसको। ब्लाइन्ड अडिसनमै कार्यक्रम सरेगामापा भन्दा लोकप्रियतातिर उक्लिरहेको छ।....

डान्स च्याम्पियन हो कि कमेडी च्याम्पियन !

राम्रो कमेडिका लागि त कमेडी च्याम्पियन थियो नि। फुलन्देकी आमाका कारण मुन्द्रेको कमेडी क्लब बन्द भयो। कमेडी नै गर्नु थियो भने डान्सको रियालिटी शोमा किन....