उकेरा प्रदेश

गच्छदारको ओरालो यात्रा : गृह जिल्ला सुनसरीमा सहमति जुटाउन असफल


इटहरी : नेपाली कांग्रेसको क्षेत्रीय अधिवेशनमा सर्वसम्मत नेतृत्व चयन गर्न दबाब दिएका विजय कुमार गच्छदार असफल भएका छन्। दुई साता देखि सहमतिबाटै नेतृत्व चयन गर्ने प्रयास थालेका उनी सफल हुन सकेनन्।

सोमबार हुने भनिएको मनोनयन उनकै दबाबमा एक दिन पछाडि सरेको थियो। सहमतिको अधिकतम प्रयास गरेका उनी पछिल्लो समय थकित भएका छन्।

संस्थापन इतर पक्षको बलियो प्रभाव रहेको सुनसरी ३ मा आफू निकट उम्मेदवार पराजित हुने भएपछि उनले सहमतिको प्रयास थालेका थिए। 

उनको प्रयासलाई टेवा पुग्ने गरी केही दिन अगाडि सुनसरी पुगेका प्रधानमन्त्री तथा पार्टी सभापति शेरबहादुर देउवाले पनि सहमतिबाटै अधिवेशन सम्पन्न गर्न भनेका थिए। 

तथापि संस्थापन इतर पक्षका मेहेदी हुसेनले क्षेत्रीय सभापति बाहेक अन्य पदमा नजाने अडान लिएपछि निर्वाचनबाटै नेतृत्व छनोट हुने भएको छ। लामो प्रयासमा असफल भएपछि गच्छदारले सबैलाई उम्मेदवार हुने बाटो खुल्ला गरेका छन्। उनकै टिमबाट क्षेत्रीय सभापतिमा प्रदीप चौधरी र सत्यनारायण मण्डल दुवै जना चुनावी प्रतिस्पर्धामा जान तयार भएका छन्। 

इतर पक्षबाट पनि मेहेदी हुसेन र फुपराज शर्माको उम्मेदवारी परेको थियो। पछि शर्मालाई अन्तै व्यवस्थापन गर्ने टिमको निर्णयपछि हुसेन सर्वसम्मत उम्मेदवार भएका छन्। अहिले सम्मको अङ्कगणित अनुसार हुसेन संस्थापन पक्षका उम्मेदवार भन्दा निक्कै शक्तिशाली देखिएका छन्। बुधबार बिहान १० बजेदेखि मतदान हुने निर्वाचन समितिले जानकारी दिएको छ। 

महाधिवेशन प्रतिनिधिमा बार्गेनिङ गरेका गच्छदारले त्यसमा पनि स्वतन्त्र उम्मेदवारी दिन बाटो खोलेका छन्। आफूले सक्दो प्रयास गर्दा नभएपछि उनले घरैमा बोलाएर निर्वाचनमा लाग्न आग्रह गरे। 

यसअघि उनकै गृह नगर दुहबी नगर समितिमा पनि सहमति गराउने उनको प्रयास असफल भएको थियो। उनका विश्वास पात्र टेकचन्द्र विश्वासलाई सहमतिको सभापति बनाउन नसकेपछि निर्वाचन भएको थियो। निर्वाचन मार्फत संस्थापन इतर पक्षका वेदनारायण गच्छदार निर्वाचित भए। पहिला गच्छदार निकट वेदनारायणले उनको साथ छाडे।  

एकपछि अर्को प्रयासमा असफल भएका गच्छदारलाई अगामी निर्वाचन पनि ढुङ्गाको चिउरा हुने देखिएको छ। यसअघि पनि झिनो मतान्तरले विजयी भएका उनी पछिल्लो समय झनै अलोकप्रिय बन्दै गएका छन्।

कुनै बेला गच्छदारको गढ मानिएको सुनसरी ३ अहिले उनको बुता बाहिर पुगेको छ। पछिल्लो समय आफ्नै पार्टीका कार्यकर्ताले समेत मान्न छाडेपछि उनको राजनीतिक यात्रा ओरालो लागेको हो। 

यो खबर पढेर तपाईलाई कस्तो महसुस भयो ?

सम्बन्धित समाचार

मतदाताले रुचाएनन् गृहमन्त्रीको लबिङ, रोल्पाका अमरसँग शाह पराजित  

पूर्व राज्यमन्त्री समेत बनिसकेका पुनले माओवादी द्वन्द्वकालमा कांग्रेसलाई रोल्पा, रुकुम लगायतका जिल्लामा सङ्गठनलाई बलियो बनाउन ठुलो भूमिका खेलेका थिए। द्वन्द्व प्रभावित जिल्ला भए पनि कांग्रेसलाई....

कांग्रेस लुम्बिनी प्रदेश : लेखा समिति सभापति शाह पराजित, अमर पुन विजयी

सोमबार बिहान सम्पन्न मतगणना अनुसार पुनले ८ सय ५२ मत प्राप्त गरे भने शाहले ७ सय ६७ मत प्राप्त गरे। सभापतिमा विजयी पुन संस्थापनइतर पक्षका....

कांग्रेस गण्डकी प्रदेशमा संस्थापनइतरको प्यानल नै विजयी  

उनले संस्थापन समूहका अर्जुन जोशीलाई ८४ मतले पराजित गरेका छन्। ‘शर्मा विजयी हुनुभएको छ,’निर्वाचन अधिकृत कृष्णबहादुर थापाले उकेरासँग भने,‘घोषणा गर्न भने बाँकी छ।’  शर्माले ६१२....

बागमतीमा सिटौलाको समर्थन देउवालाई 

पत्रकार सम्मेलन गरेर प्रधानले सभापतिमा बानियाँलाई समर्थन गर्ने घोषणा गरेका हुन्।  सभापति चयनका लागि पहिलो र दोस्रो बढी मत ल्याउने बानियाँ र जगदिश्वनरसिंह केसीबीच दोस्रो....

कांग्रेस बागमतीमा बानियाँ र केसी भिड्ने, प्रधान आउट 

प्रदेश अधिवेशनमा सभापतिका तीन उम्मेदवार मध्ये पहिलो र दोस्रो मत प्राप्त गर्ने बानियाँ र केसी फेरि भिड्ने भएका हुन्।  २ हजार ७१ मत मध्ये बानियाँले....