उकेरा न्युज

सर्वोच्चमा २ सय ७३ मुद्दा अलपत्र, प्रधानन्यायाधीशले मात्र हेरे पाँच मुद्दा


काठमाडौँ : प्रधानन्यायाधीश चोलेन्द्र शमशेर राणाको बहिर्गमनको मुद्दा पेचिलो बन्दै जाँदा बुधवार तोकिएका इजलासहरुमध्ये प्रधानन्यायाधीशले आफ्नै लागि तोकेको इजलास मात्र बस्यो।

एक पूर्ण सहित ११ इलजास तोकिए पनि बसेको छैन। प्रधानन्यायाधीशले आफ्नो नाममा एक पूर्ण इजलास तोकेका थिए जसमा पाँच मुद्दा थिए। त्यसमध्ये उनले तीन वटाको फैसला गरे भने २ वटामा आदेश दिए।

न्यायाधीश दीपकुमार कार्की र सुष्मालता माथेमाको इजलास नम्बर १ मा २२ मुद्दा थिए। मीरा खड्का र हरि प्रसाद फुयालको इजलास नम्बर २ मा ५५, हरिकृष्ण कार्की र प्रकाशमान सिंह राउत तथा हरिकृष्ण कार्की र सुष्मालता माथेको इजलास नम्बर ३ मा २८ र २, विश्वम्भरप्रसाद श्रेष्ठ र आनन्दमोहन भट्टराईको इजलास नम्बर ४ मा ३० वटा मुद्दा तोकिएको थियो।

यसैगरी न्यायाधीश वमकुमार श्रेष्ठ र कुमार चुडालको इजलास नम्बर ७ मा ३५, टङ्कबहादुर मोक्तानको इजलास नम्बर ९ मा ३६, प्रकाशकुमार ढुङ्गाना र मनोजकुमार शर्माको इजलास नम्बर १० मा २० मुद्दा थिए।

प्रधानन्यायाधीश राणाले आफू सहित दीपकुमार कार्की, मीरा खड्का, हरिकृष्ण कार्की र विश्वम्भर श्रेष्ठको पूर्ण इजलास समेत तोकेका छन्।

तर उनी बाहेक अन्य न्यायाधीशको इजलास बसेको छैन। उनको गतिविधिले न्यायालयको आस्था खस्किएकाले राजीनामा दिएर मार्ग प्रशस्त गर्नुपर्ने पक्षमा रहेका १५ न्यायाधीश आन्तरिक छलफलमै छन्।

प्रधानन्यायाधीश हट्ने ६ विकल्प, कुन विकल्पबाट हट्लान् राणा !

प्रधानन्यायाधीश राणाले सरकारसँग भागबन्डा खोजेर आफ्नो आफन्तलाई मन्त्री बनाएको भन्दै उनको राजीनामा मागिएको छ। उनले न्यायालयको आडमा भागबन्डा खोजेको र आफ्नो स्वार्थको मुद्दामा चलखेल गरेको भन्दै सर्वोच्चकै न्यायाधीशहरूसहित नेपाल बार एसोसिएसन, पूर्व न्यायाधीश समाज, पूर्व चार प्रधानन्यायाधीश लगायतकाले उनलाई बहिर्गमनका लागि आग्रह गरिसकेका छन्। तर उनी राजीनामा नदिने बताउँदै आएका छन्।

यो खबर पढेर तपाईलाई कस्तो महसुस भयो ?

सम्बन्धित समाचार

प्रयाङकरलाई गृहको चेतावनी : सार्वजनिक स्थानमा प्रयाङक भिडियो बनाए कारबाही

बिहीबार त मन्त्रालयले सूचना नै जारी गरेर सार्वजनिक स्थानमा ख्यालठट्टा गर्ने र प्रयाङक भिडियो बनाएमा कारबाही गर्ने चेतावनी दिएको हो। गृहको विज्ञप्तिमा सार्वजनिक स्थलहरूमा मजाक,....

बैठक नराखेको भन्दै आलोचना भएपछि देउवाले बोलाए केन्द्रीय समिति बैठक

स्थानीय तहको निर्वाचनको मिति लगायतका विषयमा छलफल गर्न देउवाले बैठक राखेका हुन्। शुक्रवार हुने बैठक भर्चुअल हुनेछ। कोरोना सङ्क्रमण बढिरहेकाले पार्टीको बैठक भर्चुअल गर्न लागिएको....

कोरोना सङ्क्रमणबाट मृत्यु हुनेको सङ्ख्या एकै दिन १५ पुग्यो

बुधवारको तथ्याकंमा जम्मा पाँच जनाको मृत्यु भएको थियो। तेस्रो लहरमा २४ घण्टामा सबैभन्दा धेरै एकै पटक १६ जनाको मृत्यु भएको विवरण मन्त्रालयले सार्वजनिक गरेको थियो।....

जर्मनीमा रहेका नेपाली जोडीले टिकटकबाट इमोसनल ब्ल्याकमेल गरेर उठाए झन्डै एक करोड, साथीले पोल खोलिदिएपछि विवादमा

यही बिच शाश्वतले श्रीमतीको नयाँ जीवनका लागि गो फन्डमा २०२१ डिसेम्बर २ मा फन्ड सङ्कलन गर्न खाता खोले। टिकटकमा उनीहरूको भिडियो पपुलर बन्दै गयो। यहीबिच....

हार्दा पनि राष्ट्रिय सभामा एमाले पहिलो दल

सङ्घीय संसद्मा प्रतिनिधित्व गर्ने ९ राजनीतिक दलका ४३ उम्मेदवार चुनावी मैदानमा उत्रिएकोमा एमालेबाट १९ जना, नेपाली काङ्ग्रेसबाट ६ जना, माओवादी केन्द्रबाट ५ जना, एकीकृत समाजवादीबाट....