उकेरा न्युज

देउवासँग पौडेलको माग : केन्द्रीय समितिको बैठक बोलाइयोस्


काठमाडौँ : नेपाली कांग्रेसका वरिष्ठ नेता रामचन्द्र पौडेलले केन्द्रीय कार्यसमितिको बैठक बोलाउन माग गरेका छन्।

पार्टी पदाधिकारीको बैठकमा पौडेलले पार्टीको १४ औँ महाधिवेशनको मिति सार्न केन्द्रीय समितिको बैठक बोलाउन माग गरेका हुन्। 

सभापति शेरबहादुर देउवाले केन्द्रीय निर्वाचन समितिलाई मङ्सिरभित्र महाधिवेशन सम्पन्न गर्न समितिलाई निर्देशन दिएको र आफूले केन्द्रीय समितिको बैठक बोलाउन माग गरेको पौडेलले जानकारी दिए। 

पदाधिकारी बैठकपछि पत्रकारसँग कुरा गर्दै पौडेलले महाधिवेशनको तयारी समिति र उपसमितिहरू बनाउनु पर्ने बताए।

'मङ्सिर ९ देखि १२ गतेसम्म महाधिवेशन गरिसक्नु पर्ने कार्यतालिका आइसकेको छ, त्यो भन्दा अगाडि प्रदेशको अधिवेशन गरिसक्नु पर्नेछ,’ पौडेलले भने,‘कार्यतालिकामा सानोतिनो हेरफेर गर्नु परेमा र महाधिवेशनको तयारीका लागि पनि केन्द्रीय कार्यसमिति बैठक बोलाउनु आवश्यक छ।’ 

पौडेलले सभापति देउवाले केन्द्रीय कार्यसमितिको बैठक बोलाउने विश्वास व्यक्त गरे। 

यो खबर पढेर तपाईलाई कस्तो महसुस भयो ?

सम्बन्धित समाचार

तनहुँमा भरुवा बन्दुक पड्कँदा एक जनाको मृत्यु 

वडा नम्बर १ को बनमा आइतबार राति सिकार खेल्न गएका दुई जनामध्ये रोमित मल्लको गोली लागेर मृत्यु भएको जिल्ला प्रहरी कार्यालय तनहुँका प्रवक्ता युवराज खड्काले....

मौसम अपडेट: नेपालको पश्चिमी भूभागमा बदली

हाल सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली रही देशका बाँकी भूभागमा मौसम सामान्यतया सफा रहेको छ।   आज दिउँसो सुदूरपश्चिम, कर्णाली, लुम्बिनी, गण्डकी र....

प्रदेश १ कांग्रेस सभापतिमा २ मतले हारे गुरुराज, थापा भए सभापति

नेपाल विद्यार्थी सङ्घका पूर्व अध्यक्ष घिमिरे संस्थापन इतर समूहबाट सर्वसम्मत उम्मेदवार बनेका थिए। उनको प्रतिस्पर्धी उद्धव थापाले ८४४ मत ल्याउँदा घिमिरेले ८४२ मत पाए।....

बागमती प्रदेशमा देउवा प्यानलका बानियाँ सभापति, कमजोर देखियो केसी परिवार

संस्थापन इतर समूहबाट सर्वसम्मत उम्मेदवार बनेका केसीलाई इतर समूहका सबै नेताको साथ थियो। काठमाडौँमा प्रकाशमान सिंह र गगन थापाको सहकार्य फापेको थियो। तर प्रदेश तहमा....

बाजुरामा अटो दुर्घटना, दुई जनाको मृत्यु 

दुर्घटनामा घाइते भएका दुई जनाको अवस्था सामान्य रहेको जिल्ला प्रहरी कार्यालय बाजुराले जनाएको छ। अटो चालक भने फरार भएका छन्।