उकेरा स्वास्थ्य

कर्णाली प्रदेश अस्पतालमा बिहान ७ बजेदेखि नै विशषेज्ञ सेवा


सुर्खेतः कर्णाली प्रदेश अस्पतालमा अब बिहान ७ बजेदेखि नै विशेषज्ञ सेवा सुरु हुने भएकाे छ। प्रदेश अस्पतालमा आउने बिरामीहरूलाई सहज र सरल सेवा पुर्‍याउने उद्देश्यले शनिबारबाहेक हप्ताको ६ दिन बिहान ७ बजे देखि ९ बजे सम्म विशेषज्ञ सेवा सुरु गरिएको हो।

बिहानको समयमा विशेषज्ञ सेवा लिन आउने बिरामीहरूको लागि भने विशेषज्ञ सेवा शुल्क बापत प्रत्येक व्यक्तिले चार सय र ओ.पी.डी.कार्ड शुल्क २५ तिर्नु पर्ने प्रदेश अस्पतालका निर्देशक प्रा.डा.डम्वर खड्काले जानकारी दिए।

पछिल्लो समयमा प्रदेश अस्पतालप्रतिको बढ्दो विश्वासका कारण टाढाटाढाबाट उपचारको लागि आएका बिरामीहरूलाई अस्पतालले आफ्नो औपचारिक समयमा दिने सेवाले मात्रै धान्न नसकिने भएपछि बिहानी सेवाको सुरुआत गरेको खड्काले बताए। उनका अनुसार यो सेवा आजदेखि नै सुचारु भएको छ।

‘अस्पताल भित्र दिइने अतिरिक्त विशेषज्ञ सेवा नेपालको अन्य अस्पतालहरूमा सञ्चालन भएको भए पनि कर्णाली प्रदेश अस्पतालमा भने पहिलो पटक हो। योभन्दा अगाडि मेडिकल अधिकृतको नेतृत्त्वमा सञ्चालन गर्न खोजे पनि त्यसलाई प्रभावकारी बनाउन नसकिएकोले यो पटक विशेषज्ञसहितको सेवा अस्पतालबाट नै दिन सुरू गरेका छौं,’ निर्देशक खड्काले भने,’ ‘महंगो शुल्क तिरेर बिरामीहरू अस्पतालबाट बाहिर जानु नपरोस् र छिटो छरितो सेवा पाउन भन्ने हाम्रो उद्देश्य हो।’

अस्पतालले दिने अतिरिक्त सेवामा बालरोग, मेडिसिन, सर्जरी, स्त्री तथा प्रसूति रोग, हाडजाेर्नी तथा नसा रोग, नाक कान घाँटी रोग, छाला सौन्दर्य तथा यौन रोग, मानसिक रोग लगायत छन्। क्याबिनमा बसेर तत्काल सर्जरी अप्रेशन सेवा लिन चाहेमा ५० प्रतिशत अतिरिक्त शुल्क तिरेमा सेवा लिन सकिने छ।

यो खबर पढेर तपाईलाई कस्तो महसुस भयो ?

सम्बन्धित समाचार

कोरोनाको नयाँ भेरियन्टको त्रासका बिच सुखद खबर : कोरोनाबाट मृत्यु हुनेको सङ्ख्या शून्य

स्वास्थ्य मन्त्रालयले सार्वजनिक गरेको तथ्याङ्क अनुसार पछिल्लो २४ घण्टामा नेपालमा कोरोना सङ्क्रमणबाट कसैको मृत्यु भएन। तथ्याङ्क अनुसार २ सय ४६ जनामा सङ्क्रमणको पुष्टि भए पनि....

कोरोनाको नयाँ भेरियन्टबाट आत्तिनु पर्नेछैन : डा. शेरबहादुर पुन

दक्षिण अफ्रिका, हङकङ लगायतका ९ देशबाट नेपाल आउने यात्रुलाई प्रवेशमा रोक लगाउने निर्णय सरकारले गरेको छ। हाल नेपाल आउँदै गरेका अनिवार्य क्वारेनटिनमा बस्नु पर्नेछ।  डाक्टर....

भारतमा फेला पर्‍यो कोरोनाको नयाँ भेरियन्टका २ सङ्क्रमित

मन्त्रालयका अनुसार ६६ वर्ष र ४६ वर्षका पुरुषको सिक्वेन्सिङबाट उनीहरूमा कोरोना भाइरसको नयाँ भेरियन्टको सङ्क्रमण भएको पुष्टि भएको हो। नयाँ भेरियन्ट नोभेम्बर २४ मा दक्षिण अफ्रिकामा....

स्पेनमा तीन, अमेरिकामा एक जनामा ओमिक्रोन पुष्टि

यस्तै पछिल्लो विवरणअनुसार अमेरिकामा पनि ओमिक्रोन फेला परेको छ। बुधबार अमेरिकाको क्यालिफोर्नियामा ओमिक्रोन फेला परेको हो। क्यालिफोर्नियाको स्वास्थ्य विभागका अधिकारीहरूका अनुसार यही नोभेम्बर २२ मा दक्षिण अफ्रिकाबाट....

अत्यावश्यक काममा बाहेक विदेश नजान स्वास्थ्य मन्त्रालयको आग्रह

मन्त्रालयका अनुसार साउथ अफ्रिका र एसियाका केही देशमा यो भेरियन्ट देखिए पनि हालसम्म नेपालमा भने देखिएको छैन। विश्व स्वास्थ्य सङ्गठनले यसलाई भेरियन्ट अफ कन्सर्न घोषणा....