उकेरा अर्थ

दोब्बरले बढ्यो च्याङ्ग्राको मूल्य

उकेरा संवाददाता


भक्तपुरः दशैंका लागि मुस्ताङ हुँदै ल्याइएका च्याङ्ग्राको मूल्य यस वर्ष दोब्बरले बढेको छ। सल्लाघारीस्थित नेपाल ट्रष्टको नाममा रहेको एक सय ८ रोपनी चौरमा दुई हजार ५०० च्याङ्ग्रा र करिब दुई हजार खसी बोका बिक्रीका लागि ल्याइएको छ।

सोमबारदेखि नै ग्राहकहरू आए पनि आज बिहानबाट भने ग्राहकहरूको अत्याधिक भीड लागेको छ। काठमाडौंसहित काभ्रेलगायतका जिल्लाबाट यहाँ खसी बोका किन्न ग्राहकहरू आएका छन्। खरिद गर्ने ग्राहक धेरै भएपछि खसी बोका च्याङ्ग्राको मूल्यमा व्यापारीहरूले वृद्धि गरेका छन्।

हाल जिउँदो च्याङ्ग्रा प्रतिकिलो एक हजार २०० मा बिक्री भइरहेको छ। यद्यपि आजबाट एक सय रुपैयाँ थप बढ्न सक्ने व्यापारीहरू बताउँछन्। गत वर्षको तुलनामा यो मूल्य झण्डै दोब्बर हो।

रामेछापका च्याङ्ग्रा व्यापारी हिमलाल श्रेष्ठ गत वर्षभन्दा यस वर्ष मुस्ताङमै महँगो मूल्यमा च्याङ्ग्रा खरिद गर्नुपरेकाले मूल्य वृद्धि भएको बताउँछन्।

च्याङ्ग्रा ल्याउँदा मासु जोखेर नभई सानो ठूलो मिलाएर गोटा गन्तीबाट ल्याउन पर्ने भएकाले सानो ठूलो दुवैलाई एकै मूल्य हालेको र यहाँ किलोमा बेच्न पर्दा महँगो पर्न गएको उनले बताए।

यो खबर पढेर तपाईलाई कस्तो महसुस भयो ?

सम्बन्धित समाचार

नेपालमा लगानीको प्रतिबद्धता र प्राप्तिमा ठुलो अन्तर छ : उद्योग मन्त्रालय 

लगानी बोर्डको बैठकमा रेग्मीले प्रतिबद्धता जनाएको लगानी र प्राप्त गर्ने लगानीमा अन्तर रहेको बताएका हुन्।  लगानी बोर्डका कार्यकारी अधिकृत सुशील भट्टले नेपालमा विदेशी लगानी आकर्षित....

कोरियामा वैदेशिक रोजगारीको अवरोध हट्यो, बुधवार ४८ जना जाँदै

रोजगार अनुमति प्रणाली (ईपीएस) अन्तर्गत भाषा र सीप परीक्षा उत्तीर्ण गरेका श्रमिकहरू  २० महिनादेखि कोरिया जान पाएका थिएनन्। श्रम, रोजगार तथा सामाजिक सुरक्षा मन्त्रालयको पहलमा....

नेप्सेमा कारोबार र परिसूचक दुवै बढ्यो

कारोबारमा आएका १३ वटै उपसमूहमा हरियाली छाएको छ। सोमबार नेप्से ८७ अङ्कले बढेको थियो।  नेप्से ७८.८२ अङ्कले बढेर २७५१.०७ बिन्दुमा कायम भएको छ। मंगलबार २२७....

लगातार उकालाे लाग्दै सुनकाे मूल्य

आज छापावाल सुनको मूल्य प्रतितोला ९२ हजार ६०० तोकिएको छ। सोमबार यही सुन प्रतितोला ९२ हजार ४०० मा कारोबार भएको थियो। त्यसअघि आइतबार सुन ताेलमै ४....

लगानी सम्मेलनमा निजी क्षेत्रलाई महत्त्व दिन मुख्यमन्त्री केसीसमक्ष ३२ बुँदे माग

च्यामबर अफ कमर्सका प्रदेश अध्यक्ष टङ्कप्रसाद पोखरेलले सरकार र निजी क्षेत्रबीच सहकार्य, समन्वय र सहअस्तित्व सुनिश्चितताका लागि सरकारलाई पहल गर्न माग राखिएको बताए। निजी क्षेत्र....