उकेरा प्रदेश

बाजुरामा सुख्खा पहिरो जाँदा कर्णाली नदीको एक भाग थुनियो, १ सय ५० परिवार उच्च जोखिममा

जीवन विष्ट


फोटो : जीवन कुमार कैला, बाजुरा

धनगढी :  बाजुरा हुँदै बग्ने कर्णाली नदीमा सुख्खा पहिरो खस्दा नदीको पानी थुनिएपछि वरपरका बस्ती समस्यामा परेका छन् ।

जिल्लाको स्वामिकार्तिक खापर गाउँपालिका १ रुडि गाउँको तल र छुद्दरी गाउँको नजिकै सुख्खा पहिरो खस्दा कर्णालीको केही भाग थुनिएको जिल्ला प्रहरी कार्यालय बाजुराका प्रमुख प्रहरी नायव उपरीक्षक मदन जित महराले जानकारी दिए।

रुडि गाउँको मुनीबाट मङ्गलवार बिहानदेखी निरन्तर सुख्खा पहिरो खस्न थालेपछि इलाका प्रहरी चौकी कोल्टीबाट प्रहरी निरीक्षक सहितको टोली घटनास्थलमा पुगिसकेको प्रहरी प्रमुख महराले जानकारी दिए।

‘एकासी पहिरो खस्दा १०-१५ मिनेट कर्णाली नदी थुनियो,‘नदी वरपरका स्थानीय आत्तिइसकेका थिए,तर अहिले नदीको एक भागबाट पानी बगिरहेको छ,’बाजुराका प्रहरी प्रमुख महराले भने,‘पहिरोको अवरोध हटाउने प्रयास गरिरहेका छौँ।’

सुख्खा पहिरोले स्वामिकार्तिक गाउँपालिका रूणी गाउँका १ सय ५० घरधुरी उच्च जोखिममा रहेको स्थानीय नन्द बहादुर खत्रीले बताए।

‘गाउँको तलबाट कडा चट्टान खस्न थालिसकेको छ,खत्रीले भने,‘हामी निकै जोखिममा छौँ,पहिरो निरन्तर खसिरहे हामी पनि डुबेरै मर्छौँ,गाउँपालिकाले घटना हुनुअघि नै हाम्रो उद्धार गर्नुपर्छ।’

कर्णाली नदी थुनिन थालेपछि जगन्नाथ गाउँपालिका र जुड्डी प्रहरी चौकी जोखिममा परेका छन्। स्वामिकार्तिक खापर गाउँपालिका १ रुडि गाउँको तल र छुद्दरी गाउँको नजिकै सुख्खा पहिरो बग्न थालेपछि कर्णाली नदिको छेउमा रहेको जुड्डी प्रहरी चौकी र जगन्नाथ गाउँपालिका पनि जोखिममा रहेको गाउँपालिकाका रोजगार संयोजक लक्ष्मण जोशीले बताए।

नदी थुनिएर गाउँपालिका र प्रहरी चौकी तिरको भाग कटान गर्न सुरु भएसँगै कार्यालयमा रहेको सबै सामान सुरक्षित ठाउँतिर सराइसकेको जोशीले जानकारी दिए।

जगन्नाथ गाउँपालिकाको केन्द्र जुड्डीको पारीपट्टी स्वामिकार्तिक खापर गाउँपालिका १ को छुद्ररी नजिकैको भिर फुटेर कर्णाली नदीमा ढुगां, माटो नदीमा बिहानदेखि निरन्तर खसिरहेको छ। यस अघि साउन महिनामा पनि कर्णाली नदी थुनिएको थियो।

यो खबर पढेर तपाईलाई कस्तो महसुस भयो ?

सम्बन्धित समाचार

प्रधानन्यायाधीशबारे मुख खोले प्रचण्डले : महाअभियोगबारे छलफल भएको छैन

चितवन पुगेर प्रचण्डले सञ्चारकर्मीसँग प्रधानन्यायाधीशबारे बढेको विवादबारे गठबन्धनमा रहेका पाँचै दलको बैठक बसेर साझा धारणा सार्वजनिक गर्ने बताए। उनले सोमबार गठबन्धनका पाँच मध्ये तीन पार्टी....

प्रधानमन्त्रीलाई बाढी पीडितको प्रश्न ‘हेलिकप्टरबाट हाम्रो भत्केको घर देखियो त ?'

कार्यक्रममा पनि निक्कै हडबडमा देखिएका उनले स्थानीय नेता र कार्यकर्तासँग भेट्न इच्छा गरेनन्। कोरोना महामारीको तर्क गरेर उनले कार्यकर्ताले लगाउन तयार पारेको माला र खादा....

होटलमा काममा लगाउने प्रलोभनमा यौन शोषण गरेको आरोपमा २ जना पक्राउ

पोखरा महानगरपालिका-६ लेकसाइडमा रहेको होटेल ड्रिमल्याण्डमा महिलाहरूलाई काममा लगाई दिन्छु भन्दै उनीहरूले फकाएर यौन शोषण गर्न लगाउने गरेको सूचनाको आधारमा वडा प्रहरी कार्यालय बैदामबाट खटिएको....

‘राहत पोको पारेर वितरण गर्ने काम प्रदेश सरकारको होइन’  

प्रदेश सरकारले विभिन्न संघ÷संस्थासँग समन्वय गरेर तत्कालीन राहतस्वरुप खाद्यान्न, लत्ता-कपडा, त्रिपाल, टेन्ट, स्वास्थ्य सामग्री हेलिकप्टरमार्फत पहाडी जिल्ला पुर्‍यायो। तर त्यो राहत सामग्री प्रभावित परिवारहरूले अझै....

लुम्बिनीका १२ वटै जिल्लामा एकीकृत समाजवादीको प्रशिक्षण कार्यक्रम

नेकपा एकीकृत समाजवादी लुम्बिनी प्रदेशको सोमबार बुटवलमा बसेको सचिवालय बैठकले सङ्गठन विस्तारलाई तीव्रता दिने निर्णय गरेको हो।  बैठकले कार्तिक मसान्तभित्र जनवर्गिय सङ्गठन निर्माण लगत्तै मङ्सिर....