जर्मनी बन्यो २०२२ को विश्वकपमा छनोट हुने पहिलो टोली
काठमाडौः सन् २०२२ मा कतारमा आयोजना हुने विश्वकप फुटबलमा छनोट हुने पहिलो टोली बनेको छ- जर्मनी। विश्वकपको युरोपियन छनोटअन्तर्गत सोमबार राति नर्थ मेसोडोनियालाई ४-० गोल अन्तरले पराजित गर्दै जर्मनी विश्वकपमा छनोट भएको हो।
जर्मनीको लागि टिमो वेर्नरले २ गोलसहित काई हाभर्ट्ज र जमाल मुसियालाले समान १-१ गोल गरे। जीतसँगै दुई खेलअगावै जर्मनी विश्वकपमा छनोट भएको छ। जर्मनीले आगामी दुई खेल लिचेस्टाइन र अर्मेनियासँग खेल्नेछ।
आयोजक राष्ट्रको रूपमा कतार छनोट भएपछि छनोट चरण पार गरेर विश्वकप खेल्ने पहिलो टोली जर्मनी बनेको हो।
२६ असोज, २०७८, ०९:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।