उकेरा कला

हास्यकलाकार मनोज गजुरेलले गरे दोस्रो विवाह, ट्रोल नगरिदिन आग्रह

उकेरा संवाददाता


तस्बिर : मनोज गजुरेलको फेसबुक

काठमाडौँ : हास्यकलाकार मनोज गजुरेलले न्याय सेवाकी अधिकृत मञ्जु पोखरेलसँग दोस्रो विवाह गरेका छन्।

सामाजिक सञ्जाल फेसबुकमा सोमबार विवाहको तस्बिर सार्वजनिक गर्दै उनी आफैँले दोस्रो विवाह गरेको जानकारी गराएका छन्।  उनले एकैखालको परिवेश र उस्तै खालको भोगाइबाट गुज्रिएको पोखरेलसँग सहयात्रा गर्ने निर्णयमा पुगेको उल्लेख गरेका छन्। उनले आफ्नो दोस्रो विवाहलाई ट्रोल नबनाई दिन र पोखरेलको सार्वजनिक जीवनमा नकारात्मक प्रभाव पार्ने सामाग्री प्रकाशित नगरी दिन आग्रह समेत गरेका छन्।

‘जीवन सधैँ सरल रेखामा नहिँड्ने रहेछ। मेरो लामो वैवाहिक जीवन ४ वर्ष पहिले कानुनीरुपमा टुङ्गिएको कुरा यहाँहरूलाई विदितै छ,’उनले लेखेका छन्,‘त्यसयता म मेरा छोरा र छोरीको एकल अभिभावक भएर बसिरहेको जानकारी पनि जगजाहेर नैतिकताको  छ।’

जीवनयात्राको दौरानमा आत्मीय साथको आवश्यकता महसुस हुनु स्वाभाविकै भएको उनले उल्लेख गरेका छन्। ‘यसै क्रममा नेपाल सरकारको न्याय सेवाकी अधिकृत मञ्जु पोखरेलजीसँग मेरो चिनजान हुन पुग्यो। बिस्तारै हाम्रो घनिष्ठता बढ्न थाल्यो,उनले लेखेका छन्,‘एकैखालको परिवेश र उस्तै खालको भोगाइबाट गुज्रिएका हामी अन्ततः सहयात्रा गर्ने निर्णयमा पुग्यौँ।’ 

यो निर्णयमा पुग्न  बाबुनानीहरुको सुझाव र सहमतिले पनि ठुलो मद्दत गरेको गजुरेलले लेखेका छन्। उनले मञ्जुको इज्जत र प्रतिष्ठामा आँच आउने अमर्यादित कथा नकथिदिन आग्रह पनि गरेका छन्।

‘विगतका अराजक अन्तर्वार्ता, असामाजिक क्रियाकलाप तथा अभद्र व्यवहारका कारण म र मेरा छोराछोरीले ठुलो आघातबाट गुज्रनु परेको छ,’गजुरेलले लेखेका छन्,‘ त्यस्ता क्रियाकलापलाई स्थान दिने, उचाल्ने र गिजोल्ने युट्युब, अनलाइन समाचार, टिकटक लगायत सञ्जालका प्रयोगकर्ताहरूलाई पनि भद्र सुझाव छ, कृपया एउटा जिम्मेवार अभिभावक भएर बोल्ने र लेख्ने गर्नुहोला।’

उनले आज सोमबार बिहान डोलेश्वर महादेव मन्दिरमा परिवारको उपस्थितिमा विवाह सम्पन्न गरेको उल्लेख गरेका छन्। 

यो खबर पढेर तपाईलाई कस्तो महसुस भयो ?

सम्बन्धित समाचार

पारसलाई भेटेपछि भरतमणि भन्छन्- 'उहाँ पुरानाे साथी जस्तै लाग्याे, डाइहार्ड फ्यान भएँ'

यो प्रस्तुतीकै कारण गृहजिल्ला भ्रमण गर्दा उनले युवराज जत्तिकै सम्मान पनि पाएका थिए। भरतमणिका फ्यानहरूलाई पारसले उक्त क्यारिकेचर हेरेर कस्ताे प्रतिक्रिया देलान् भन्ने काैतूहल पनि....

दीपेन्द्र के खनाललाई 'गाँठो' को छायाङ्कनले किन तान्यो?

निर्देशक खनालले धर्मा, चपली हाइट, भिजिलान्ते, झोले, पशुपति प्रसाद, चपली हाइट २, धनपति, आमा जस्ता फिल्म बनाए। तर यीमध्ये सर्वाधिक लोकप्रिय फिल्म भने पशुपति प्रसाद....

ड्रग्स केसमा शाहरुख खान र अनन्या पाण्डेकाे घरमा छापा

अनन्या पाण्डे चर्चित बलिउड कलाकार चंकी पाण्डेकी छाेरी हुन्।  भारतीय सञ्चारमाध्यमहरूका अनुसार क्रुज ड्रग्स पार्टी केसमा आर्यन खानसँग बलिउडकी एक उदाउँदी नायिकाको च्याट पनि ब्यूराेले फेला....

नार्काेटिक्स पदार्थकाे डिल गरेका कारण शाहरुख खानका छाेरालाई मिलेन जमानत 

अदालतद्वारा जारी १८ पृष्ठकाे आदेशमा आर्यनकाे जमान खारेज हुनुकाे केही मुख्य कारण देखाइएकाे छ।  आर्यनसँग ड्रग्स फेला नपरे पनि उनका साथी अरबाजसँग ड्रग्स फेला परेकाे थियाे। उनीहरूले बयानका....

फिल्म क्षेत्र थला पर्दा कलाकार झगडामा व्यस्त

कलाकारलाई धेरैले पछ्याउँछन्। उनीहरुले कुरा राखे सरकारले छिटो सुन्ला भन्ने आशा चलचित्रसँग सम्बन्धित सबै संघसंस्थालाई छ। तर कलाकार मौन छन्। केही को महानायक भन्ने विवादमै ब्यस्त....