उकेरा अर्थ

दुर्घटना टरेको बुद्धको विमान : एउटा २३ वर्ष पुरानो , अर्को १४ वर्ष


काठमाडौँ : एकै दिन बुद्ध एयरको २ वटा विमानमा गम्भीर प्राविधिक समस्या देखिएको छ। ७३ जना यात्रु बोकेर काठमाडौँबाट विराटनगरका लागि उडेको 9N-ANI र काठमाडौँबाट पोखराका लागि उडेको 9N-AJO जहाजमा गम्भीर प्राविधिक समस्या देखिएको हो।

विराटनगरका लागि गएको प्लेन अवतरण गर्ने क्रममा पाङ्ग्रा नखुलेपछि काठमाडौँ फर्किएको थियो। काठमाडौँको आकाशमा २ घण्टा होल्ड भएको प्लेनको पाङ्ग्रा खुलेपछि त्रिभुवन अन्तर्राष्ट्रिय विमानस्थलमा सफल अवतरण भएको थियो। 

काठमाडौँबाट पोखराका लागि उडेको 9N-AJO जहाजको ककपिटमा समस्या देखिएपछि काठमाडौँमै फर्किएको थियो। सो विमानको ककपिटमा धुवाँ देखिएको थियो। विमान ठिकै भएको भन्दै सो विमान आइतबारै उडाइयो।

यसरी अवतरण भयाे पाङ्ग्रा अड्किएकाे बुद्ध एयरकाे विमान (भिडियाेसहित)

बुद्धले विराटनगरका लागि उडेको प्लेनबारे विज्ञप्तिमार्फत जानकारी गराएपछि पोखरा उडेको प्लेनमा भएको के हो सो खुलाएको छैन। विज्ञप्तिमा 9N-ANI को ल्यान्डिङ गियरको इन्डिकेटरमा समस्या देखिएको दाबी गरेको छ। विमानको प्राविधिक गडबडीबारे विस्तृत उल्लेख गरेको छैन।

दुवै जहाज सेकेन्ड ह्यान्ड

गम्भीर प्राविधिक समस्या देखिएका दुवै जहाज सेकेन्ड ह्यान्ड हुन्। विराटनगर जाँदा गम्भीर प्राविधिक समस्या देखिएको 9N-ANI १४ वर्ष पुरानो जहाज हो। बुद्धले यो प्लेन किनेर नेपालमा ल्याउनु अगाडि भारतको किङफिसर र जेटकोनेक्टले यो प्लेन उडाउने गरेको थियो। बुद्धले २०१९-९-१४ बाट यो प्लेन नेपाल ल्याएर उडाउन थालेको हो। यो प्लेन पहिलो पटक सन् २००७-१२-५ मा उडेको थियो।

बुद्धले २०१९ मा १४ वर्ष पुरानो विमान खरिद गर्नु अगाडि किङफिसर र जेटकोनेक्टले उडाउँथे 

पोखरा जाँदा समस्या देखिएको अर्को प्लेन त झन् २४ वर्ष पुरानो हो। फ्रान्सको एयर ताहितीले प्रयोग गरेको यो प्लेन भारतको एयर डेकनले प्रयोग गरिरहेको अवस्थामा बुद्धले सन् २०१० मा किनेर नेपाल ल्याएको हो।

यो प्लेन पहिलो पटक सन् १९९७ मा उडेको थियो। सन् २०१२ मा काठमाडौँबाट विराटनगर जानेक्रममा यो प्लेन चरासँग ठोक्किएको थियो। सो घटनामा प्लेनमा सामान्य क्षति पुगेको थियो।

*हेडलाइन परिवर्तन गरिएको

यो खबर पढेर तपाईलाई कस्तो महसुस भयो ?

सम्बन्धित समाचार

बुटवल उपमहानगरको २४ लाख ६५ हजारको टेण्डरमा झुक्किएर एक लाख ७९ हजार कबोल, कम्पनीले काम नगर्ने निश्चित

देव सरसफाइले झुक्किएर कम रकममा ठेक्का कबोल गरेकाले यो काम देव सरसफाइले नगर्ने कम्पनीनिकट कर्मचारीहरू बताउँछन्। बुटवल उपमहानगरपालिकाले आफूसँग रहेका कर्मचारीबाट भवनको सरसफाइ सम्भव नभएको भन्दै....

तोलामा सात सय रुपैयाँले उकालो लाग्यो सुनको मूल्य

नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा ९७ हजार ३०० कायम भएको छ। यसअघि हिजो छापावाल सुन ९६ हजार ६०० मा कारोबार....

सेयर बजारको ओरालो यात्रा जारी

ठूला कम्पनीको कारोबार मापन गर्ने सेन्सेटिभ परिसूचक चार दशमलब शून्य आठ अङ्कले ओरालो लागेर तीन सय ९१ दशमलव ६७ मा सीमित भएको छ। कूल दुई....

विपन्न क्यान्सरका बिरामीको उपचार गर्न आइएमई जनरल इन्स्योरेन्सको सहयोग

कम्पनीका नायव प्रमुख कार्यकारी अधिकृत शरण रेग्मीले नेपाल क्यान्सर हस्पिटलका प्रमुख कार्यकारी अधिकृत डा. बच्चु कैलाश कैलीलाई चेक हस्तान्तरण गरेका थिए। सोही अवसरमा अस्पतालबाट आर्थिक....

सुन तोलामा पाँच सय रुपैयाँले घट्यो

यस्तै आज नेपालमा तेजाबी सुनको मूल्य प्रतितोला रु ९६ हजार १०० कायम भएको छ। त्यस्तै आज चाँदीको मूल्य प्रतितोला रु पाँच घटेको छ। आज चाँदी एक....