उकेरा अपडेट

अपहरणका योजनाकार दाइ अझै फरार, सहयोगी भाइ नै वर्षपछि पक्राउ

उकेरा संवाददाता


फरार भिमसेन र राजेन्द्र ( आँखामा कालो टेप)

काठमाडौँ : बिपी कोइराला क्यान्सर अस्पताल भरतपुरका तत्कालीन कार्यकारी निर्देशक डा.भक्तमान श्रेष्ठको अपहरणमा संलग्न रहेको अभियोगमा फरार रहेका राजेन्द्र पण्डित ११ वर्षपछि पक्राउ परे। मिति २०६७ जेठ ४ मा चितवनको हाकिम चोकबाट अपहरणमा परेका श्रेष्ठ साढे ३ किलो सुन फिरौती बुझाएर मुक्त भएका थिए।

उनको अपहरण भारतीय नागरिक रोहित पाहिवाल अग्रवाल र नुवाकोटका भीमसेन पण्डितको योजनामा भएको खुलेको थियो। पाहिवाल लगायतकाहरु पक्राउ परे पनि भीमसेन र उनका भाइ राजेन्द्र भने फरार थिए। मुख्य योजनाकार भीमसेन फेला नपरे पनि प्रहरीको केन्द्रीय अनुसन्धान ब्युरोले उनको भाइ राजेन्द्रलाई बुधवार नुवाकोटको विदुरमा पक्राउ गरेको छ।

राजेन्द्र विरुद्ध अपहरण तथा शरीर बन्धकको अभियोगमा अदालतबाट नौ वर्ष कैद र पचास हजार जरिवानाको फैसला भइसकेको छ। उनी विरुद्ध श्रेष्ठको अपहरणपछि उनलाई बन्धक बनाएर राखेको स्थानको रेखदेख गरेको अभियोग थियो। अपहरणमा संलग्न नुवाकोटका बद्रीप्रसाद ढुङ्गाना, काठमाडौँका गौतम योञ्जन, भारतका रोहित पालिवाल पक्राउ परिसकेका छन्।

पाहिवाल र पण्डित समूह नेपालका चिकित्सकहरूको अपहरणमा कहिलएका समूह हुन्। उनीहरूले नौ भन्दा बढी अपहरण गरेको आरोपमा पक्राउ परे पनि धरौटीमा छुटेका थिए। धरौटीमा छुटेका उनीहरू पुन पुरानै धन्दामा फर्किएर चिकित्सक भक्तमानको अपहरण गरेका थिए।

गम्भीर प्रकृतिको अपराधमा संलग्न रहेको अभियोगमा पक्राउ परेकालाई धरौटी छाड्ने न्यायाधीशहरू भक्तमानको अपहरणको घटनाका योजनाकारहरू खुलेपछि तत्कालीन न्यायाधीश रणबहादुर बम, हरिबहादुर बस्नेत र तेजबहादुर कार्कीमाथि छानबिन भएको थियो।

छानिवनकैक्रममा बस्नेतले राजीनामा दिए। बमको हत्या भयो। बर्खास्तमा परेका कार्कीलाई सर्वोच्चले पछि सफाइ दिएको थियो।

यो खबर पढेर तपाईलाई कस्तो महसुस भयो ?

सम्बन्धित समाचार

प्रधानन्यायाधीशविरुद्ध बारको निर्णय : राजीनामा नगरे आन्दोलन

बार सल्लाहकार समितिको सुझावपछि केन्द्रीय समितिको बैठकले प्रधानन्यायाधीशको राजीनामा माग्ने निर्णय गरेको उपाध्यक्ष रक्षा बस्यालले जानकारी दिइन।  ‘सहज रूपमा मार्ग प्रशस्त गर्न प्रधानन्यायाधीशलाई आग्रह गर्ने....

लेबनानको सडकमा नेपाली सेनाको रङरोगन

मिसन टोलीले विद्यालयमा अध्ययनरत करिब २ सय जना विद्यार्थीहरूलाई नेपाली शान्ति सैनिक युनिटको तर्फबाट स्टेशनरी सामानहरू र डेण्टल हाईजिन किट  वितरण गरेको छ।  सैनिक जनसम्पर्क....

देउवासँग पौडेलको माग : केन्द्रीय समितिको बैठक बोलाइयोस्

पार्टी पदाधिकारीको बैठकमा पौडेलले पार्टीको १४ औँ महाधिवेशनको मिति सार्न केन्द्रीय समितिको बैठक बोलाउन माग गरेका हुन्।  सभापति शेरबहादुर देउवाले केन्द्रीय निर्वाचन समितिलाई मङ्सिरभित्र महाधिवेशन....

मुख्यमन्त्री शाक्यले विश्वासको मत लिने प्रस्तावमा भोलि मतविभाजन 

कार्तिक ४ गते प्रदेश सभामा पेस गरेको विश्वासको मत लिने प्रस्तावमा भोलि मतविभाजन हुने प्रदेश सभा सचिवालयले जनाएको छ।  नेकपा एमालेबाट मुख्यमन्त्रीमा नियुक्त शाक्य अल्पमतमा....

अफगानी महिलाहरूको प्रश्न : दुनियाँले हामी मरिरहेको शान्तसँग किन हेरिरहेको छ ?

अफगानिस्तानको सङ्कटमा अन्तर्राष्ट्रिय समुदाय निष्क्रिय र मौन बसेको भन्दै उनीहरूले ब्यानर लिएर काबुलको सडकमा विरोध प्रदर्शन गरेका थिए। प्रदर्शनमा सहभागी महिलाको हातमा पोस्टर थियो जसमा....