शिक्षा

चिकित्सा शिक्षा आगोगले जारी गर्‍यो पूर्वमनोनयनको सूचना

उकेरा संवाददाता


काठमाडौंः चिकित्सा शिक्षा आयोगले चिकित्सा शिक्षा स्नातक तहको छात्रवृत्ति तथा विदेशीतर्फको म्याचिङ हुने सिटमा पूर्वमनोनयन सम्बन्धी सुचना प्रकाशित गरेको छ। 

‘आयोगले पूर्वमनोनयनको सूचीमा सूचिकृत भएका उमेद्वारले असोज ७ गतेभित्र आफू पूर्वमनोनयनमा परेको सिटमा अध्ययन गर्न सहमत वा असहमत भए सो को जानकारी अनिवार्य रूपमा आयोगलाई आफ्नो अनलाईन प्रोफायलमार्फत दिनुपर्ने’ आयोगले जारी गरेको विज्ञप्तिमा उल्लेख छ।

आयोगले यसअघि भदौमा पूर्वमनोनयनको सूची प्रकाशन गरेको थियो। छात्रवृत्ति तथा विदेशी कोटाको म्याचिङ लिष्टमा उजुरी परेपछि आयोगले छानबिन गरी नयाँ सूची प्रकाशित गरेको हो। 

आयोगका उपाध्यक्ष प्रा.डा. श्रीकृष्ण गिरीले यसअघि ‘प्रि–नोमिनेशन’ प्रकाशित गरेकाले त्यसमा कसैलाई चित्त नबुझेको र उजुरी दिन सक्ने व्यवस्थाअनुसार केही विद्यार्थीले उजुरी दिएको जानकारी दिए। उनले भने, ‘केही मान्छेहरूले उजुरी दिए। फेरि छानबिन गरेर अर्को सूची निकालेको हो।’ 

अझै ३ दिन समय भएकाले आफूलाई चित्त नबुझेको अवस्थामा तथा पढ्ने नपढ्ने भन्ने विषयमा निर्णय गर्नुपर्ने उनले बताए। सजिलोको लागि पूर्वमनोनयन गरिएको उनले बताए। 

उपाध्यक्ष गिरीले भने, ‘आनावश्यक रूपमा विश्वविद्यालयमा गएर भर्ना नहुनेको संख्या कम नहोस्, पहिले नै आफ्नो कुरा भनुन् भनेर प्रि–नोमिनेशन गरेको हो।’

यो खबर पढेर तपाईलाई कस्तो महसुस भयो ?

सम्बन्धित समाचार

रुपन्देहीमा आजदेखि भौतिक उपस्थितिमा विद्यालय सञ्चालन 

जिल्ला प्रशासन कार्यालय रुपन्देहीले कोरोना सङ्क्रमणको दर कम भएका स्थानीय तहलाई विद्यालय सञ्चालनका लागि स्वीकृति दिएसँगै रुपन्देहीका विद्यालयमा आजदेखि भौतिक उपस्थितिमा पठन पाठन सुरु हुन....

ललितपुर महानगरका विद्यालय असोज १ गतेदेखि खुल्ने 

महानगरपालिकाले स्वास्थ्य सम्बन्धी मापदण्डको पूर्ण रूपमा पालना गरी भौतिक उपस्थितिमा पठन पाठन गराउन विद्यालयहरूलाई नै जिम्मेवारी प्रदान गर्ने निर्णय गरेको हो।  विद्यालयमा मास्क, साबुन, पानी,....

असोज १ बाट पोखराका विद्यालय खुल्ने

विद्यालय सञ्चालन गर्दा कक्षाकोठा, फर्निचर, शौचालय, यातायातका साधन तथा विद्यालय प्राङ्गण पूर्णरूपमा निर्मलीकरण गरेर मात्र सञ्चालन गर्न पाइनेछ। पोखरा महानगर शिक्षा समितिको भदौ २८ गतेको....

विज्ञ भन्छन्– ‘अहिले बालबालिकालाई स्कुल पठाउनु त पापै हुन्छ’

स्वास्थ्य मापदण्ड अपनाएर कसरी विद्यालय सञ्चालन गर्न सकिन्छ भन्नेबारेमा छलफल भएको उनले बताइन्।  सहायक प्रजिअ घिमिरेले उकेरासँगको कुराकानीमा भनिन्– ‘आइतबार प्रमुख जिल्ला अधिकारीको संयोजकत्त्वमा काठमाडौंको....

कक्षा १२ को परीक्षा ‘होम सेन्टर’ मै लिने तयारी

 राष्ट्रिय परीक्षा बोर्डका प्रवक्ता दुर्गाप्रसाद अर्यालका अनुसार परीक्षा ‘होम सेन्टर’ (जुन विद्यालय पढेको हो त्यही विद्यालय) बाट लिने तयारी भएको हो। होम सेन्टरमै परीक्षा लिने....