शिक्षा

असोज १ बाट पोखराका विद्यालय खुल्ने

उकेरा संवाददाता


पोखराः कोभिडका कारण बन्द रहेका पोखरा महानगर क्षेत्रका निजी तथा सामुदायिक विद्यालयहरू असोज १ गतेदेखि खुल्ने भएका छन्। पोखरा महानगरको नगर शिक्षा समितिले मंगलबार सूचना जारी गर्दै विद्यालय खोल्ने र भौतिक रूपमा कक्षा सञ्चालन गर्न निर्देशन दिएको हो। 

विद्यालय सञ्चालन गर्दा कक्षाकोठा, फर्निचर, शौचालय, यातायातका साधन तथा विद्यालय प्राङ्गण पूर्णरूपमा निर्मलीकरण गरेर मात्र सञ्चालन गर्न पाइनेछ।

पोखरा महानगर शिक्षा समितिको भदौ २८ गतेको बैठकको निर्णयअनुसार सम्पूर्ण विद्यालय, पूर्वप्राथामिक विद्यालय, कोचिङ तथा ट्युसन सेन्टर र भाषा प्रशिक्षण केन्द्रलाई स्वास्थ्यसम्बन्धी मापदण्ड, विद्यालय सञ्चालन कार्यढाँचा २०७७ मा उल्लेखित मापदण्ड तथा सूचनामा तोकिएका मोडालिटीअनुरुप कक्षा सञ्चालन गर्न भनिएको छ।

‘विद्यालय सञ्चालन गर्दा कार्य योजना बनाएर विद्यालय व्यवस्थापन समितिबाट अनुमोदन गराई शिक्षा महाशाखामा समेत त्यसको प्रति पेस गर्नपर्नेछ,’ जारी सूचनामा भनिएको छ, ‘विद्यार्थी धेरै भएका विद्यालयले भौतिक दूरी कायम गर्न जटिलता भएमा फरक दिन फरक कक्षा सञ्चालन गर्न सक्ने र भौतिक दूरी कायम गरेर सबै कक्षा एकैचोटि सञ्चालन गर्न असम्भव भएमा फरक फरक दिनमा कक्षा कोठामै पठनपाठन गराउन सकिने छ।’ 

विद्यालयमा मास्क, साबुन, पानी, सेनिटाइजर अनिवार्य गरिएको छ। विद्यालय खुले पनि नियमित प्रार्थना, खेलकुदलगायत भीडभाड हुने कार्यक्रम नगर्न महानगरको सूचनामा उल्लेख गरिएको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

चिकित्सा शिक्षा आगोगले जारी गर्‍यो पूर्वमनोनयनको सूचना

‘आयोगले पूर्वमनोनयनको सूचीमा सूचिकृत भएका उमेद्वारले असोज ७ गतेभित्र आफू पूर्वमनोनयनमा परेको सिटमा अध्ययन गर्न सहमत वा असहमत भए सो को जानकारी अनिवार्य रूपमा आयोगलाई....

रुपन्देहीमा आजदेखि भौतिक उपस्थितिमा विद्यालय सञ्चालन 

जिल्ला प्रशासन कार्यालय रुपन्देहीले कोरोना सङ्क्रमणको दर कम भएका स्थानीय तहलाई विद्यालय सञ्चालनका लागि स्वीकृति दिएसँगै रुपन्देहीका विद्यालयमा आजदेखि भौतिक उपस्थितिमा पठन पाठन सुरु हुन....

ललितपुर महानगरका विद्यालय असोज १ गतेदेखि खुल्ने 

महानगरपालिकाले स्वास्थ्य सम्बन्धी मापदण्डको पूर्ण रूपमा पालना गरी भौतिक उपस्थितिमा पठन पाठन गराउन विद्यालयहरूलाई नै जिम्मेवारी प्रदान गर्ने निर्णय गरेको हो।  विद्यालयमा मास्क, साबुन, पानी,....

विज्ञ भन्छन्– ‘अहिले बालबालिकालाई स्कुल पठाउनु त पापै हुन्छ’

स्वास्थ्य मापदण्ड अपनाएर कसरी विद्यालय सञ्चालन गर्न सकिन्छ भन्नेबारेमा छलफल भएको उनले बताइन्।  सहायक प्रजिअ घिमिरेले उकेरासँगको कुराकानीमा भनिन्– ‘आइतबार प्रमुख जिल्ला अधिकारीको संयोजकत्त्वमा काठमाडौंको....

कक्षा १२ को परीक्षा ‘होम सेन्टर’ मै लिने तयारी

 राष्ट्रिय परीक्षा बोर्डका प्रवक्ता दुर्गाप्रसाद अर्यालका अनुसार परीक्षा ‘होम सेन्टर’ (जुन विद्यालय पढेको हो त्यही विद्यालय) बाट लिने तयारी भएको हो। होम सेन्टरमै परीक्षा लिने....