उकेरा अर्थ

प्रभावकारी भएन प्रधानमन्त्री कृषि परियोजना  

उकेरा संवाददाता


काठमाडौँ : सरकारले देशभर १६ हजार ८२१ समूहमार्फत कृषि उत्पादनमा लगानी गरेको जनाएको छ।

संसद्को कृषि, सहकारी तथा प्राकृतिक स्रोत समितिको बैठकमा कृषि सचिव कृष्ण प्रसाद आचार्यले पकेट १५ हजार, ब्लक एक हजार ५ सय, जोन ३ सय र सुपरजोन २१ गरी १६ हजार ८२१ समूहमार्फत कृषि उत्पादनमा सरकारको लगानी रहेको जानकारी दिएका हुन्। 

तर, सांसदहरूले प्रधानमन्त्री कृषि आधुनिकीकरण परियोजना प्रभावकारी हुन नसकेको बताए। उनीहरूले लगानीअनुसार प्रतिफल नआएकाले परियोजनाका विषयमा छलफल हुनुपर्ने बताए। 

परियोजना २०७३ सालदेखि सुरु गरिए पनि यसको प्रभावकारीताका विषयमा पटक पटक प्रश्न उठ्ने गरेको उनीहरूको भनाई छ। समितिका सदस्य शक्ति बस्नेतले परियोजना प्रमुखलाई कामको लक्ष्य र परिणामप्रति जबाफदेही नबनाएसम्म कृषि क्षेत्रबाट उत्पादनमा परिणाम नदेखिने बताए। 

बैठकमा कृषि सचिव आचार्यले परियोजनासँग सम्बन्धी गुनासोलाई मन्त्रालयले प्राथमिकतामा राखेको बताए। उनले कृषिजन्य मलको मूल्य अन्तर्राष्ट्रिय बजारमा बढिरहेकाले निकासा गरेको बजेट अनुसार आवश्यक मल खरिद गर्न नसकिने अवस्था रहेको बताए।

एक वर्षदेखि अन्तर्राष्ट्रिय बजारमा सात सात दिनमा मलको मूल्य बढेको उनको भनाई थियो। 

यो खबर पढेर तपाईलाई कस्तो महसुस भयो ?

सम्बन्धित समाचार

सन् २०२२ मा ४.१ प्रतिशतकाे आर्थिक वृद्धि हुने एडीबीकाे प्रक्षेपण

पर्याप्त वर्षा भएकाले आगामी वर्ष धान उत्पादनमा बढोत्तरी हुने, औद्योगिक उत्पादन पनि बढ्ने अपेक्षा परिदृश्यमा गरिएको छ भने निर्यातमा भएको सुधार र राष्ट्रिय खोप अभियानले....

नेप्सेकाे 'बाउन्स ब्याक', तर बढेन कारोबार रकम

मङ्गलबार पनि नेप्से दाेहाेराे अङ्कले वृद्धि भएकाे थियाे। नेपाल स्टक एक्सचेञ्जका अनुसार आज १०४.८८ अङ्कले उकालो लागेर नेप्से परिसूचक दुई हजार ८१६.९५ मा पुगेको छ।....

एकै दिन ९ सय रुपैयाँले बढ्याे सुनको मूल्य

नेपाल सुनचाँदी व्यवसायी महासङ्घले आज छापावाल सुनको मूल्य ९० हजार एक सय रुपैयाँ ताेकेकाे छ। छापावाल सुन मङ्गलबार ८९ हजार २ सयमा कारोबार भएको थियो। त्यस्तै....

धिताेपत्र बाेर्डका अध्यक्ष ढुङ्गानामाथिकाे अनुसन्धान प्रतिवेदन जाँचबुझ समितिले बुझायाे

ढुङ्गानाले बाेर्ड अध्यक्षकाे पदमा आसिन रहेकाे बेला पदीय आचरणविपरीत छाेरी रेबिका ढुङ्गानाकाे नाममा शेयर खरीद गरेकाे भन्दै समाचार प्रकाशन भएपछि उनीमाथि अनुसन्धान थालिएकाे थियाे। अध्यक्ष ढुङ्गानाले धितोपत्रको....

साहस ऊर्जाको ७० लाख कित्ता आईपीओ बुधबार आउँदै

निष्काशन गरिने प्रारम्भिक शेयरमध्ये पाँच प्रतिशत अर्थात् तीन लाख ५० हजार कित्ता सामूहिक लगानी कोषलाई बाँडफाँट गरेको र तीन प्रतिशत अर्थात् दुई लाख १० हजार....