उकेरा अपडेट

महन्थ ठाकुरको रिटमा सर्वोच्चले दिएन अन्तरिम आदेश

उकेरा संवाददाता


काठमाडौं : जनता समाजवादी पार्टी (जसपा)काे आधिकारिकता विवाद निरुपण गर्न निर्वाचन आयाेगले गरेकाे निर्णय राेक्न माग गर्दै अध्यक्ष महन्थ ठाकुर पक्षले दिएको रिट निवेदनमा सर्वोच्च अदालतले तत्काल अन्तरिम आदेश दिन अस्वीकार गरेको छ।

न्यायाधीश कुमार रेग्मीको आज (आइतबार)को इजलासले ठाकुरको रिट निवेदनमाथि सुनुवाइ गर्दै अन्तरिम आदेश दिन अस्वीकार गरेको हो। 

‘निर्वाचन आयोगजस्तो संवैधानिक अंगले खुला इजलासमा बहस पैरवी छलफलसमेत गराई गरेको निर्णयलाई रिट निवेदकको मागबमोजिम तत्काल अन्तरिम आदेशबाट कार्यान्वयन हुन रोक्नका लागि निर्णयकर्ता र विवादको अर्काे पक्ष समेतलाई छलफलमा राखी उक्त निर्णयमा ‘अपारेन्ट इरर अफ ल’ छ वा छैन ? रिट निवेदकलाई उक्त निर्णयले अपूरणीय क्षति पुगेको छ÷छैन भन्ने सम्बन्धमा निर्णय हुनु संवैधानिक मर्यादासमेतको दृष्टिकोणले उपयुक्त हुने देखिएको छ,’ सर्वाेच्चको आदेशमा भनिएको छ। 

सर्वाेच्चले उक्त विषयमा छलफल गर्न जसपाका दुवै पक्ष (अध्यक्षद्वय उपेन्द्र यादव र महन्थ ठाकुर) पक्षलाई बोलाएको छ। 

निर्वाचन आयोगले जसपाको विवाद निरुपण गर्न केन्द्रीय कार्यकारिणी सदस्यलाई सनाखतका लागि साउन ११ गते निर्वाचन आयोगमा सनाखतका लागि बोलाउने निर्णय गरेको थियो। 

 

यो खबर पढेर तपाईलाई कस्तो महसुस भयो ?

सम्बन्धित समाचार

जबजको च्याप्टर क्लोज भयो भन्ने झाँक्रीको यूटर्न : जबजलाई मार्गदर्शक सिद्धान्त बनाउन माग

अब मार्क्सवाद र लेनिनवादलाई मार्गदर्शक सिद्धान्त बनाउँदै समाजवादमा जाने वकालत गर्दै आएकी झाँक्रीले एकीकृत समाजवादीको केन्द्रीय समितिको बैठकमा जबजलाई मार्गदर्शक सिद्धान्त मान्नुपर्ने प्रस्ताव ल्याएकी हुन्।

सरकारी चिकित्सकको व्यवहारले सरकारी सेवा बिग्रेको दाबी गर्दै स्वास्थ्य राज्य मन्त्रीले भने : डा. कति बजेसम्म बस्ने हो?

सांसदहरूमाझ उनले बुधवार सरकारी अस्पतालमा काम छोडेर चिकित्सकहरू निजी अस्पतालमा धाउनाले सरकारी अस्पतालको सेवामा समस्या उत्पन्न भएको उनको दाबी गरे। 'डा. कति....

यसवर्षकाे किताब जात्रा असाेज १० देखि

‘यस वर्ष पनि भौतिक रूपमा किताब जात्रा गर्ने योजना कोभिड–१९ महामारीको प्रभाव अझै कायम रहेकोले सम्भव हुन सकेन’, फाउन्डेसनका अध्यक्ष तथा ‘नबिल किताब जात्रा– २०७८’का....

स्थायी कमिटी बैठकमा प्रचण्डले भने: भाेलिसम्म मन्त्रिपरिषद् विस्तार हुन्छ

बैठकमा प्रचण्डले राजनीतिक दलसम्बन्धी अध्यादेशका कारण मन्त्रिपरिषद् विस्तारमा ढिलाई भएको बताएका थिए। वर्तमान सरकार गठन भएको लामो समय भइसक्दा पनि मन्त्रिपरिषद्ले पूर्णता नपाउँदा सरकारको काम....

अपहरणका योजनाकार दाइ अझै फरार, सहयोगी भाइ नै वर्षपछि पक्राउ

उनको अपहरण भारतीय नागरिक रोहित पाहिवाल अग्रवाल र नुवाकोटका भीमसेन पण्डितको योजनामा भएको खुलेको थियो। पाहिवाल लगायतकाहरु पक्राउ परे पनि भीमसेन र उनका भाइ राजेन्द्र....