एंकर न्युज

आमाले त्यागेकी पुष्पा र अञ्जली हुर्काउँदै छन् लालबहादुर

उकेरा संवाददाता


चितवन : चार महिनाकी भइन् अञ्जली। जङ्गलमा अलपत्र परेको बेला चितवन राष्ट्रिय निकुञ्जले उनको उद्धार गरेर अहिले हुर्काइरहेको छ। उनको साथी १७ महिनाको पुष्पा।

अञ्जली कुजौलीमा फेला परेकी थिइन्। पुष्पा नवलपरासीमा। वन्यजन्तु प्राविधिक लालबहादुर महत उनीहरूका अभिभावक। दूध र च्याँख्ला हुन् उनीहरूको खान्की।

अञ्जली दूध मात्र खान्छिन्। पुष्पाले च्याँख्ला खान थालेकी छिन्। राष्ट्रिय प्रकृति संरक्षण कोषका अनुसन्धान अधिकृत डा बाबुराम लामिछानेका अनुसार यी दुबैलाई आमाले छाडेर हिँडेकी हुन्।

उनीहरूलाई अहिले जैविक विविधता संरक्षण केन्द्रमा राखेर स्याहार्ने काम भइरहेको छ। उनीहरू हुर्किएपछि बिस्तारै जङ्गलको परिवेशमा घुलमिल हुँदै आफै आफै गैँडाको समुदायमा घुलमिल हुन्छन्।

संरक्षण केन्द्र पुग्दा महत अञ्जलीलाई दूध खुवाइरहेका थिए। उनी अघाएपछि मुन्टो बटार्दै टहरातिर लागिन्। केही बेरमा पुष्पा लमक लमक महत भएतिर आइन्। जङ्गल घुमेर आएकी उनलाई गर्मी भएको बुझिहाले महतले। धाराको पानीले नुहाइदिए। 

उनी अञ्जली यता आ, पुष्पा उता जा भनेर निर्देशन दिन्थे। दुवै पालना गर्थे। सँगै रतुवा मृगको पाठो महत सँगसँगै नाच्दै हिँडिरहेको थियो।

'केही समय घुलमिल भएपछि जनावर पनि रत्ती हाल्छन्,' महतले भने।

यो खबर पढेर तपाईलाई कस्तो महसुस भयो ?

सम्बन्धित समाचार

विद्यालयको सटरमा वडा अध्यक्षको छोराको रक्सी पसल

विद्यालयले व्यापारिक प्रयोजनका लागि परिसरमै ६ वटा सटर बनाएर भाडामा दिएको छ। त्यही सटरहरूमध्ये एक सटर हो ‘जे एस लिक्वेयर्स्’ को। अनि त्यसका सञ्चालक हुन्....

पार्टी फुट्ने डरले मन्त्री छान्न सकेन जसपाले, राजकिशोरले नयाँ दल खोल्ने भयमा यादव 

उनले भनेको अध्यादेश हो राजनीतिक दल सम्बन्धी, जसको आधारमा जसपा फुटेर लोकतान्त्रिक समाजवादी पार्टी बन्यो। त्यसकै आधारमा एमाले फुटाएर माधव नेपालले नेकपा एकीकृत समाजवादी पार्टी....

नेपाली कांग्रेसको महाधिवेशन : आफ्नै गुटका आकांक्षीका कारण सकसमा रामचन्द्र पौडेल

अघिल्लो महाधिवेशनका घाइते पौडेल सबैलाई मनाएर एक पटक पुनः नेतृत्वका लागि मैदानमा जान चाहन्छन्। तर, आफ्नो समूह भित्रका आकांक्षी व्यवस्थापन गर्न नसक्दा अन्तिममा उनले मैदान....

चोर पुजिने चाड ‘चथाः’

कला–संस्कृतिमा वैभवशाली नेवार समुदायले महिनामा २/३ वटा पर्व मनाएकै हुन्छ। त्यसमध्ये चथाः अलि विशेष छ। चथाः दसैँसँग जोडिएर आउँछ। नेवारहरूले चथाः जति राम्रोसँग मनायो, दसैँ....

कम्पनीले कागजात नबनाइदिँदा साउदीमा ४० नेपाली कामदार अलपत्र

काठमाडौं : बर्दियाका गजेन्द्र भण्डारी रोजगारीको लागि साउदी अरब गएको साढे ३ वर्ष भयो। कोरोना महामारीका कारण पाँच महिनाअघि नै रोजगारी गुमाएका भण्डारी स्वेदेश फर्कन भने....