उकेरा अपडेट

स्पष्टीकरण सोधेका सांसदलाई कारबाही नगर्ने एमाले ओली पक्षको संकेत

उकेरा संवाददाता


काठमाडौं : नेकपा एमालेले शेरबहादुर देउवालाई विश्वासको मत दिने पार्टीका सांसदहरूलाई कुनै कारबाही नगर्ने संकेत गरेको छ।

पार्टी एकताका लागी भएको १० बुँदे सहमतिलाई कार्यान्वयन गर्दै एकताका लागि निरन्तर प्रयास गर्ने निर्णय गर्दै जारी १० औँ केन्द्रीय कमिटी बैठक आज बुधबार सकिने भएको छ। 

केन्द्रीय कमिटीको पहिलो दिनको बैठकले वरिष्ठ नेता माधवकुमार नेपाल सहितका २२ जना सांसदलाई स्पष्टीकरण सोध्ने निर्णय गरेको थियो। एमाले अध्यक्ष केपी शर्मा ओलीले बैठकमा निर्णय गराए पनि स्पष्टीकरणको पत्र देउवालाई विश्वासको मत दिएका सांसदले नपाएको बताएका छन्। 

एमाले सांसद कलिला खातुनले आजसम्म स्पष्टीकरणको पत्र हात नपरेको बताइन। ‘बैठकले स्पष्टीकरण सोध्ने निर्णय गरेको सुनेको हुँ,’उनले भनिन्,‘तर, आजसम्म पत्र हात परेको छैन।’ 

ओली पक्षका नेता सुवासचन्द्र नेम्वाङले कारबाही गर्ने नगर्नेबारे ‘खोइ के हुन्छ’ भनेका छन्। उनले केन्द्रीय कमिटीको जारी केन्द्रीय कमिटी बैठक आज सक्ने तयारी रहेको बताए। ‘केन्द्रीय कमिटीको जारी बैठक आज टुङ्गोमा पुर्‍याउने कुरा भएको छ,’नेम्वाङले भने,‘स्पष्टीकरण सोधिएका सांसदहरूको बारेमा खोइ के हुन्छ थाहा भएन।’ 

मंगलबारको बैठकपछि एमाले प्रवक्ता प्रदीप ज्ञवालीले देउवाको पक्षमा भोट हाल्ने २२ जना सांसदलाई गर्ने कारबाहीका बारेमा २४ घण्टा पूरा नभएकाले कारबाहीको कुनै निर्णय नभएको बताएका थिए। एमाले केन्द्रीय कमिटीको बैठक आज बुधबार दिउँसो ३ बजे बस्दैछ। 

एमाले वरिष्ठ नेता माधवकुमार नेपालले पनि आज बुधबार पार्टी एकता कार्यदलका पूर्व सदस्यहरूसहित देउवालाई विश्वासको मत दिने नदिने सबै नेताहरूको बैठक राखेका छन्। 

बैठक बस्ने तयारी भए पनि समय भने निश्चित नभएको एमाले सांसद सुरेन्द्र पाण्डेले बताए। एमालेमा नेपाल पक्षले पार्टी एकताका लागि अध्यक्ष केपी शर्मा ओलीले अध्यक्ष पद छोड्नु पर्ने सर्त राखेको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

अर्कैको एनएमसी नम्बर प्रयोग गरेर डाक्टर बनेका विजयश्यामलाई सिआइबीले समात्यो

ललितपुर महानगरपालिका-२ घर भएका रञ्जितले नेपाल मेडिकल काउन्सिल (एनएमसी) बाट नक्कली दर्ता नम्बर लिएर काम गरेको सिआइवीले दाबी गरेको छ। सिआइबीले उनी विरुद्ध अनुसन्धान सकाइसकेको....

तोडियो शपथ परम्परा, राज्यमन्त्री श्रेष्ठको शपथ सिंहदरबारमै 

तर, उक्त प्रचलन तोड्दै राज्यमन्त्री श्रेष्ठलाई सिंहदरबारमै पद तथा गोपनीयताको शपथ गराइयो। प्रधानमन्त्री शेरबहादुर देउवाले उनलाई सिंहदरबारमा आज शपथ गराए।  त्यसो त राष्ट्रपतिको कार्यालयले कोरोना....

महन्थ ठाकुरको रिटमा सर्वोच्चले दिएन अन्तरिम आदेश

न्यायाधीश कुमार रेग्मीको आज (आइतबार)को इजलासले ठाकुरको रिट निवेदनमाथि सुनुवाइ गर्दै अन्तरिम आदेश दिन अस्वीकार गरेको हो।  ‘निर्वाचन आयोगजस्तो संवैधानिक अंगले खुला इजलासमा बहस पैरवी....

देशभर थप २२३७ जनामा कोरोना संक्रमण, २०५० निको भए 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आरटी पिसिआर विधिबाट १ हजार ५ सय ३९ र एन्टिजेन विधिबाट ६ सय ९८ जनामा कोरोना पोजेटिभ....

देउवालाई व्यापारी नै प्रिय : स्वास्थ्य मन्त्रालयको जिम्मा शिक्षा व्यापारीलाई

डोबाटेलाई मन्त्रीको शपथ खान बोलाएर बिच बाटैमा अलपत्र पारेर गण्डकीका मुख्यमन्त्री कृष्णचन्द्र नेपाली पोखरेलले थापालाई मन्त्री कानुन मन्त्री बनाए। गठबन्धनको बलमा मुख्यमन्त्री बनेका पोखरेल नेपाली....