उकेरा अपडेट

जसपाको आधिकारिता विवाद : निर्वाचन आयोगमा आजदेखि सुनुवाइ

उकेरा संवाददाता


काठमाडौं : निर्वाचन आयोगमा जनता समाजवादी पार्टी जसपाको आधिकारिताबारेको विवादमा आज आइतबारदेखि सुनुवाइ सुरु हुँदैछ।

जसपाको उपेन्द्र यादव र महन्थ ठाकुर पक्षले आधिकारिता टुङ्गो लगाउन आयोगलाई भनेपछि आयोगले इजलास गठन गरेर आजदेखि सुनुवाइ सुरु गर्न लागेको जनाएको छ।

यादव र महन्थ दुवै पक्षले पार्टीमा एक भएर बस्न नसक्ने भन्दै आधिकारिता टुङ्गो लगाइदिन सहमति जनाएको सहमतिपछि आयोगले जसपाबारे निर्णय लिन प्रमुख निर्वाचन आयुक्त र आयुक्तहरू रहेको इजलास गठन गरिसकेको छ। 

बिहान ११ बजे बस्ने इजलासमा जसपाका दुवै पक्षलाई बोलाइएको आयोगका सह प्रवक्ता कोमल धमलाले जानकारी दिए। 

पूर्ववर्ती केपी शर्मा ओली नेतृत्वको सरकारलाई समर्थन गरेका महन्थ पक्ष र ओली सरकारविरुद्ध आन्दोलन गरिरहेका नेपाली काँग्रेस, नेकपा माओवादी केन्द्र, एमालेको वरिष्ठ नेता माधवकुमार नेपाल समूहलाई साथ दिएको उपेन्द्र पक्षको विवादले जसपा फुट्ने अवस्थामा पुगेको हो। 

यादव पक्षको शनिबार बसेको बैठकले निर्वाचन आयोगमा आजदेखि सुरु हुने आधिकारिताबारेको सुनुवाइमा सबै कार्यकारिणी समिति सदस्य र सांसदहरू उपस्थित हुने निर्णय गरेको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

सरकारी चिकित्सकको व्यवहारले सरकारी सेवा बिग्रेको दाबी गर्दै स्वास्थ्य मन्त्रीले भने : डा. कति बजेसम्म बस्ने हो?

सांसदहरूमाझ उनले बुधवार सरकारी अस्पतालमा काम छोडेर चिकित्सकहरू निजी अस्पतालमा धाउनाले सरकारी अस्पतालको सेवामा समस्या उत्पन्न भएको उनको दाबी गरे। 'डा. कति....

यसवर्षकाे किताब जात्रा असाेज १० देखि

‘यस वर्ष पनि भौतिक रूपमा किताब जात्रा गर्ने योजना कोभिड–१९ महामारीको प्रभाव अझै कायम रहेकोले सम्भव हुन सकेन’, फाउन्डेसनका अध्यक्ष तथा ‘नबिल किताब जात्रा– २०७८’का....

स्थायी कमिटी बैठकमा प्रचण्डले भने: भाेलिसम्म मन्त्रिपरिषद् विस्तार हुन्छ

बैठकमा प्रचण्डले राजनीतिक दलसम्बन्धी अध्यादेशका कारण मन्त्रिपरिषद् विस्तारमा ढिलाई भएको बताएका थिए। वर्तमान सरकार गठन भएको लामो समय भइसक्दा पनि मन्त्रिपरिषद्ले पूर्णता नपाउँदा सरकारको काम....

अपहरणका योजनाकार दाइ अझै फरार, सहयोगी भाइ नै वर्षपछि पक्राउ

उनको अपहरण भारतीय नागरिक रोहित पाहिवाल अग्रवाल र नुवाकोटका भीमसेन पण्डितको योजनामा भएको खुलेको थियो। पाहिवाल लगायतकाहरु पक्राउ परे पनि भीमसेन र उनका भाइ राजेन्द्र....

काेराेना अपडेटः ६ जनाकाे निधन, एक हजार २ सय ५१ नयाँ सङ्क्रमित

याेसँगै नेपालमा कूल सङ्क्रमितकाे सङ्ख्या ७ लाख ८७ हजार ८ सय २८ पुगेकाे छ। यस्तै पछिल्लाे २४ घण्टामा एक हजार ६ सय ३० जना सङ्क्रमणमुक्त भएका....