खेलकुद

ओलम्पिकको मार्च पासमा नेपालको झण्डा गौरिकाले बोक्ने

उकेरा संवाददाता


फाइल तस्बिर।

काठमाडौं : जापानकाे टोकियोमा आयोजना हुने ओलम्पिकको मार्च पासमा नेपालको झण्डा पौडीकी खेलाडी गौरिका सिंहले बोक्ने भएकी छन्।

नेपाल ओलम्पिक कमिटीले आज (मंगलबार) पत्रकार सम्मेलन गर्दै यसबारे जानकारी दिएको हो। 

गौरिका दोस्रो पटक ओलम्पिक खेल्न लागेकी हुन्। यसअघि उनी सन् २०१६ को रियो ओलम्पिकमा सहभागी भएकी थिइन्। 

नेपाली टोलीको सेफ द मिसनमा राष्ट्रिय खेलकुद परिषद् (राखेप) सदस्य सचिव रमेशकुमार सिलवाल रहेको पत्रकार सम्मेलनमा बताइएको छ।

ओलम्पिकमा नेपालबाट खेलाडी र अफिसियल गरी २६ जनाको सहभागिता रहने छ, जसमा पाँच खेलाडी र चार प्रशिक्षक छन्।

जुलाई २३ देखि अगस्ट ८ सम्म हुने ओलम्पिकमा पौडीबाट गौरिकासँगै एलेक्जेन्डर शाह (एलेक्स) एथलेटिक्सकी सरस्वती चौधरी, सुटिङकी कल्पना परियार र जुडोकी सोनिया भट्ट सहभागी हुँदै छन्। 

गौरिकाले वुमेन्स १०० सय फ्रि स्टाइल र एलेक्जेन्डरले मेन्स १०० मिटर फ्रि स्टाइलमा प्रतिष्पर्धा गर्ने छन्। यस्तै, सरस्वतीले वुमेन्स १०० मिटर दौड, कल्पनाले वुमेन्स १० मिटर एयर राइफल र सानियाले वुमेन्स ४८ केजी तौल समूहमा प्रतिष्पर्धा गर्ने पत्रकार सम्मेलनमा बताइएको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

राष्ट्रिय फुटबल टोलीका मुख्य प्रशिक्षक अलमुताइरीद्वारा राजीनामा दिने घोषणा

उनले सामाजिक संजाल फेसबुकमा स्टाटस लेख्दै राजीनामा दिने घोषणा गरेका छन्। उनले एन्फाका वरिष्ठ उपाध्यक्ष पंकज नेम्बाङको कारण राजीनामा दिन लागेको बताएका छन्।

एकदिवसीय क्रिकेट : वेस्ट इन्डिजसँग अस्ट्रेलिया पराजित

ब्रिजटाउनमा आइतबार बिहान भएको खेलमा वेस्ट इन्डिजले अस्ट्रेलियालाई ४ विकेटले पराजित गरेको हो। अस्ट्रेलियाले दिएको १ सय ८८ रनको लक्ष्य वेस्ट इन्डिजले ३८ ओभरमा ६....

टोकियो ओलम्पिक : जुडोकी सोनिया पहिलो खेलबाटै बाहिरिइन्

आज (शनिबार) भएको महिला ४८ केजी तौल समूहको राउण्ड अफ ३२ अन्तर्गतको प्रतिष्पर्धामा रुसकी डोल्गोभा इरिनासँग पराजित हुँदै उनी प्रतियाेगिताबाट बाहिरिएकी हुन्। उनले खेलको १ मिनेट १६ सेकेन्डमै....

टोकियो ओलम्पिकमा सुटिङकी कल्पनाको राष्ट्रिय कीर्तिमान 

महिला १० मिटर एयर राइफलमा कल्पनाले आफ्नै नाममा रहेको राष्ट्रिय कीर्तिमान भंग गरेकी हुन् ।  आज बिहान भएको छनोट चरणमा आसाका सुटिङ रेन्जमा कल्पनाले ६....

ओलम्पिकको ३२ औं संस्करण उद्घाटन 

जापानको राजधानी टोकियोस्थित ओलम्पिक स्टेडियममा एक विशेष समारोहबीच ओलम्पिकको ३२ औं संस्करणको उद्घाटन गरिएको हो।  नेपाली समय अनुसार पौने ५ बजे सुरु भएको उद्घाटन समारोहमा....