शब्दमाला

राउटे समुदायमा आधारित उपन्यास कदम सार्वजनिक

उकेरा संवाददाता


काठमाडौँ : लेखक एवम् पत्रकार अनन्त वाग्लेद्वारा लिखित उपन्यास ‘कदम’ बजारमा आएको छ। राउटे समुदाय कर्णाली प्रदेशका दैलेख, सुर्खेत, सल्यान लगायत जिल्लाका जङ्गलमा ठाउँ सर्दै सर्दै बस्ने गर्छन्।

स्थलगत अध्ययन गरी राउटे समुदायको जीवनशैली, इतिहास, हालको अवस्था, उनीहरूका सुखदुख, परिवार, जीविका, प्रेम र प्रणयलगायत अनेक पाटा केलाएर वाग्लेले आख्यान तयार पारेका हुन्। 

वाग्लेको यो पहिलो उपन्यास हो । यसअघि किशोर उपन्यास ‘यार्चा’ नेपालका ५ सयभन्दा बढी विद्यालयमा सन्दर्भ सामग्रीको रूपमा अध्यापन गराउने गरिएको छ। समाजशास्त्रका अध्येता तथा शिक्षा क्षेत्रमा कार्यरत वाग्लेले ‘कदम’ मा मानव जीवनका अनेक आयामलाई फरक शैलीमा केलाएका छन्।

पुस्तकले साहित्य र शिक्षाका अलावा आम मानिसलाई आशा र सफलतातिर उन्मुख गराउन मोटिभेसनको समेत काम गर्ने प्रकाशकले बताएका छन्। ३ सय १६ पृष्ठको पुस्तकको मूल्य ४ सय रुपैयाँ रहेको छ। पुस्तक काठमाडौँ पब्लिकेशनले प्रकाशित गरेको हो। लेखकस्वको अंश राउटे समुदायको हितमा खर्चने लेखकले पुस्तकमै घोषणा गरेका छन्।

 

यो खबर पढेर तपाईलाई कस्तो महसुस भयो ?

सम्बन्धित समाचार

‘समानताको रिले दौड’ : ‘कन्जुस’ इतिहासकारलाई लेख्न सिकाउने पुस्तक 

नेपाली इतिहासका पुस्तक पल्टाउँदा यस्तो लाग्छ, ती पुस्तक इतिहास पुरुषहरुको योगदान र उपलब्धिको दस्तावेजीकरण मात्रै हो। त्यो पनि सीमित जात र सीमित वर्गको। राज्य सञ्चालनमा....

जनमत साहित्यिक मासिक डिजिटल भर्सनमा

जनमत प्रकाशनले १ सय ५० बढी पुस्तक-ग्रन्थ समेत प्रकाशित गरिसकेको छ। १ सय ७६ जना वाङ्मय सेवीहरूको सम्मान गरिसकेको छ। प्रधान सम्पादक मोहन....

'अलोकप्रिय हुने डरले मधेसीले नागरिकता नपाएको विषयमा कसरी मौन बस्नु ! त्यसैले लेख्न छाड्दिनँ'

आफ्नो पुस्तक पाठकसमक्ष गएपछि लेखकलाई कस्तो महसुस हुन्छ? जतिसुकै पाको लेखक भए पनि पुस्तक बजारमा गएपछि केटौलीपन आइहाल्ने रहेछ। मलाई पनि यस्तै भएको छ।....

डा हेमन्तको अध्यात्मिक गीति संग्रह प्रकाशित

  खतिवडाका अनुसार यो आध्यात्मिक गीतको सङ्ग्रह हो। पुस्तकमा गणेश, राम, शिव, दुर्गा , हनुमान, सरस्वती, विष्णु,कृष्ण , लक्ष्मी , को भजन छन्। यसमा समावेश....

नगरकोटीको पुस्तक 'कल्प-ग्रन्थ'को पहिलो कपी नारायण वाग्लेलाई

वाग्लेले सो पुस्तकको पूर्व भुक्तानी गरेको प्रकाशक बुक हिलले जानकारी दिएको छ। वाग्लेलाई उनको 'पूर्व-भुक्तान-प्रति' लेखक नगरकोटीले हस्तान्तरण गरेका थिए। गत वर्षको चैतमा सार्वजनिक गर्ने....