उकेरा जुनियर

मनछुने दुई प्रसङ्गहरु

उकेरा संवाददाता


आईसक्रिम

एकपटक एउटा सानो बालक एउटा होटलमा पुग्यो त्यहाँ उसको अर्डर लिनको लागि एउटा वेटर आयो । बालकले वेटरलाई भनिला आईसक्रिमको मूल्य सोध्यो । वेटरले त्यसलाई ५० रुपैयाँ पर्ने बतायो । बालकले खल्तिमा हात हाल्यो र पैसा गन्यो । उसँग ५० रुपैयाँ रहेछ । उसले वेटरलाई त्योभन्दा अलिकति सस्तो कुन फ्लेवरमा छ ? भनेर सोध्यो । वेटरले त्योभन्दा सस्तो सुन्तला फ्लेवरको आईसक्रिम रहेको अनि त्यसलाई ३५ रुपैयाँ पर्ने बतायो । बालकले सुन्तला फ्लेवरको आईसक्रिम मगाएर खायो अनि बिल मगायो । वेटरले बिल ल्याईदिएपछि बालकले आईसक्रिमको  ३५ रुपैयाँको साथमा १५ रुपैयाँ टिप्स पनि थपेर त्यहाँ राखेर गयो ।

 

बसको झ्यालको सीट


एकपटक बाबुछोराले एउटा बसमा यात्रा गरिरहेका थिए । छोरो २०-२१ वर्षजतिको थियो । बस कुदिरहँदा छोराले आफु झ्यालमा बस्न खोजेको कुरा बतायो । बाबा पनि मुसुक्क हाँस्दै झ्यालतिरको सीट छाडिदिए । त्यसपछि त्यो युवक बाहिरको दृश्यहरु देखेर सानो बच्चाजस्तै खुशी हुँदै कराउन थाल्यो । टाढा टाढा आफुहरुसँगै कुदिरहेका रुख देख्दा उ निकै रमाउँनेगथ्र्यो । उसका बाबा पनि युवकलाई साथ दिँदै मुस्कुराईरहेका थिए । यो देखेर त्यहाँका केही यात्रुहरुलाई निकै अप्ठ्यारो लाग्यो । उनीहरु सबैले त्यो युवकको मानसिक अवस्था ठीक नभएको अनुमान लगाए । ती मध्ये एकजना त अघि सरेर युवकको बाबालाई सुझाब पनि दिईहाल्यो ।
"तपाईंको छोरालाई अस्पताल लैजानुपर्छजस्तो लाग्यो ।"
युवकका बाबाले मुसुक्क हाँस्दै भने,
"अब पर्दैन ऊ जन्मैदेखि दृष्टिबिहीन थियो तर केहिदिन अघिमात्र एउटा अपरेशन गरेपछि उसले देख्न थालेको छ । उसले देख्नथालेपछि पहिलोपटक यसरी बसमा यात्रा गर्दैछ । त्यसैले उ निकै रोमाञ्चित भईरहेको छ ।"
युवकका बाबाको यो जवाफले सबै यात्रुहरु लज्जित भए र माफी पनि मागे ।

यो खबर पढेर तपाईलाई कस्तो महसुस भयो ?

सम्बन्धित समाचार

बालकथा सङ्ग्रह ‘पोलेको मकै’ बजारमा

२०७२ सालयता काठमाडौंमा बसेर साहित्य र पत्रकारितामा संलग्न राईका बालकथा सङ्ग्रहमा ‘बलजितको जुक्ति, मुनाको अभियान, सुम्निमाको भ्रमण, पोलेको मकै, फूल नफुलून्, चरी उडून्, पारुको पढाइ’....

पुजारीको गोरु

आफुलाई निकै माया गर्ने पुजारीको गरिबी देख्दा गोरुलाई पनि निकै दया लाग्थ्यो । केहि गरी पुजारीलाई सहयोग गर्न पाए हुन्थ्यो भनेर उसले सोचिरहन्थ्यो । एकदिन....

मूर्तिकार बाबुछोरा

बिस्तारै छोराका मूर्तिहरु पनि ५०० रुपैयाँसम्ममा विक्रि हुन थाले । तर छोरा अझै खुशि थिएन । बाबाले पनि छोराले बनाएको मूर्तिमा गल्तीहरु देखाईरहन्थ्यो । त्यसलाई....

सरकारले बाल प्रज्ञा प्रतिष्ठान स्थापना गर्ने 

उनले गुणस्तरीय स्वास्थ्य सेवामा पहुँच, खेलकुद एवम् मनोरञ्जनका अवसर प्रदान गरिने जनाएका हुन्। स्थानीय तहसँगको साझेदारीमा १५ स्थानमा बाल उद्यान तथा बाल मनोरञ्जन स्थान स्थापना....

काग र परेवा

एकदिन त्यो घरमा घरमालिकले केही अचार छानामा सुकाएको थियो । जब बिहान परेवाले दाना खोज्न जाउँ भनेर कागलाई भन्यो, कागले आफुलाई सञ्चो नभएको नाटक गर्दै....