उकेरा अपडेट

राउटे प्रकरणमा सुर्खेत अदालतको कडा आदेश : पीडितको पहिचान खुल्ने सामाग्री सञ्जालमा राख्ने प्रयोगकर्तालाई कारबाही गर्नु

करणीजन्य अपराधका सामाग्रीहरू गोप्य हुन्छन् भन्ने विषय सचेत नागरिकलाई थाहा हुनुपर्ने विषय हो भन्दै सो विषयमा गम्भीर नभई पीडितको पहिचान गराएको अवस्था हुँदा कानुनी कारबाहीको विषय।

सुरेन्द्र बजगाईं


काठमाडौँ : जिल्ला अदालत सुर्खेतले पीडित २ राउते युवतीको पहिचान खुल्ने गरी सामाजिक सञ्जाल र अनलाइन पोर्टलमा आएका सामाग्री तत्काल हटाउन र नहटाए कारबाही गर्न आदेश दिएको छ।

बलात्कार प्रयासको घटनाका पीडितहरुको पहिचान गोप्य राख्नुपर्ने कानुनी प्रावधान हुँदाहुँदै पीडितको पहिचान खुल्ने गरी युट्युब, टिकटक लगायतका सामाजिक सञ्जालमा भिडियो राखिएको छ।

जिल्ला न्यायाधीश डा राजेन्द्र कुमार आचार्यको इजलासले शुक्रवार 'सामाजिक सञ्जाल, युट्युब समेतमा पीडितको नाम, अनुहार चित्र तथा उनीहरूसँगका अन्य विषयमा भएका वार्तालापका तथ्यहरू राखेर स्पष्ट पहिचान हुने गरी सामाग्रीहरू प्रसारण गरिएको देखिएको' भन्दै प्रारम्भमा ती सामाग्री हटाउन आग्रह गर्ने, नमाने कारबाही गर्न आदेश जारी गरेको हो।

आफ्नै रहन-सहन र आफ्नै कानुन भएको राउटे समुदायका पीडित महिलाप्रति सामाजिक सञ्जालका प्रयोगकर्ता र मिडिया गम्भीर नभएको र पीडितलाई मृत्युदण्डको तयारी जस्ता भ्रामक समाचार समेत राखिएको भन्दै अदालतले ' संवेदनशील विषयमा गम्भीर भएर गर्नु पर्नेमा सो नगरेको देखिएको' ठहर गरेको छ।

करणीजन्य अपराधका सामाग्रीहरू गोप्य हुन्छन् भन्ने विषय सचेत नागरिकलाई थाहा हुनुपर्ने विषय हो भन्दै सो विषयमा गम्भीर नभई पीडितको पहिचान गराएको अवस्था हुँदा कानुनी कारबाहीको विषय भएको आदेशमा उल्लेख छ।

राउटे युवतीमाथि टिकटक 'भ्युज' ले निम्त्याएको विपत्ति,समुदायले अस्वीकार गर्ने जोखिम

'यूट्यव लगायतका सामाजिक सञ्जालमा राखिएका यस्ता सामाग्री हटाउन नेपाल सरकार मार्फत विज्ञप्ति जारी गर्नुपर्ने अवस्था छ। त्यसका लागि गृहमा आदेश पठाउनु। विज्ञप्तिपछि पनि यस्ता सामाग्री प्रसारण भएमा वा सामाग्री नहटाएमा कानुनी कारबाहीको दायरामा ल्याउन प्रहरी प्रधान कार्यालयमा लेखी पठाउने' आदेशमा भनिएको छ।

आदेशमा विज्ञप्तिपछि पनि सामाग्री नहटाएमा त्यस्ता साइटहरू बन्द गराउन गृह मन्त्रालय मार्फत सूचना तथा सञ्चार मन्त्रालयमा लेखी पठाउन समेत भनिएको छ।

पीडितको सुरक्षामा विशेष ध्यान दिन आदेश दिँदै बलात्कार प्रयास र यौन दुर्व्यवहारको आरोपमा पक्राउ परेका तीन जनालाई अनुसन्धानका लागि असार ५ गतेसम्म हिरासतमा राख्न प्रहरीलाई अनुमति समेत दिएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

अर्कैको एनएमसी नम्बर प्रयोग गरेर डाक्टर बनेका विजयश्यामलाई सिआइबीले समात्यो

ललितपुर महानगरपालिका-२ घर भएका रञ्जितले नेपाल मेडिकल काउन्सिल (एनएमसी) बाट नक्कली दर्ता नम्बर लिएर काम गरेको सिआइवीले दाबी गरेको छ। सिआइबीले उनी विरुद्ध अनुसन्धान सकाइसकेको....

तोडियो शपथ परम्परा, राज्यमन्त्री श्रेष्ठको शपथ सिंहदरबारमै 

तर, उक्त प्रचलन तोड्दै राज्यमन्त्री श्रेष्ठलाई सिंहदरबारमै पद तथा गोपनीयताको शपथ गराइयो। प्रधानमन्त्री शेरबहादुर देउवाले उनलाई सिंहदरबारमा आज शपथ गराए।  त्यसो त राष्ट्रपतिको कार्यालयले कोरोना....

महन्थ ठाकुरको रिटमा सर्वोच्चले दिएन अन्तरिम आदेश

न्यायाधीश कुमार रेग्मीको आज (आइतबार)को इजलासले ठाकुरको रिट निवेदनमाथि सुनुवाइ गर्दै अन्तरिम आदेश दिन अस्वीकार गरेको हो।  ‘निर्वाचन आयोगजस्तो संवैधानिक अंगले खुला इजलासमा बहस पैरवी....

देशभर थप २२३७ जनामा कोरोना संक्रमण, २०५० निको भए 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आरटी पिसिआर विधिबाट १ हजार ५ सय ३९ र एन्टिजेन विधिबाट ६ सय ९८ जनामा कोरोना पोजेटिभ....

देउवालाई व्यापारी नै प्रिय : स्वास्थ्य मन्त्रालयको जिम्मा शिक्षा व्यापारीलाई

डोबाटेलाई मन्त्रीको शपथ खान बोलाएर बिच बाटैमा अलपत्र पारेर गण्डकीका मुख्यमन्त्री कृष्णचन्द्र नेपाली पोखरेलले थापालाई मन्त्री कानुन मन्त्री बनाए। गठबन्धनको बलमा मुख्यमन्त्री बनेका पोखरेल नेपाली....