उकेरा अपडेट

कर्णालीमा फ्लोर क्रस गरेका एमालेका ४ सांसदलाई पुनर्बहाली गर्न सर्वाेच्चको आदेश 

उकेरा संवाददाता


काठमाडौं : सर्वाेच्च अदालतले कर्णाली प्रदेशमा फ्लोर क्रस गरेका नेकपा एमालेका ४ जना सांसदलाई पुनर्बहाली गर्न आदेश दिएको छ।  

न्यायाधीश प्रकाशमानसिंह राउतको एकल इजलासले सांसद प्रकाश ज्वाला, अम्मरबहादुर थापा, कुर्मराज शाही र नन्दसिंह बुढालाई पार्टीले गरेकाे कारबाही थमौती गरी सांसदकै रुपमा कामकारबाही गराउन निर्देशन दिएको हो। तीमध्ये थापा, शाही र बुढा अहिले मन्त्री छन्। 

गत वैशाख ३ गते फ्लोर क्रस गरेर मुख्यमन्त्री महेन्द्रबहादुर शाहीलाई विश्वासको मत दिएपछि एमालेले उनीहरुलाई पार्टीबाटै निष्कासन गरेको थियो। 

उनीहरुलाई दशौं राष्ट्रिय आयोजक कमिटीले कारबाही गरेको थियो।

आदेशमा दशौं राष्ट्रिय आयोजक कमिटी नेकपा एमालेको आधिकारिक संरचना नभएकाले कारबाही बदरभागी भएको उल्लेख छ। 
 
‘दशौं राष्ट्रिय आयोजक कमिटी नेकपा एमाले पार्टीको आधिकारिक संरचना होइन। राजनीतिक दलसम्बन्धी ऐन, २०७३ को दफा ३२ अनुसार दल त्यागसम्बन्धी विषयमा कारबाही गर्दा सम्बन्धित दलको केन्द्रीय समितिले मात्र कारबाही गर्न सक्ने व्यवस्था छ। पार्टीको विधान र राजनीतिक दलसम्बन्धी ऐनले नचिनेको संरचनाबाट गरिएको निर्णय बदरभागी छ,’ आदेशमा भनिएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

सिंहदरबारभित्रका कर्मचारीलाई सर्कुलर : भोलिदेखि उपस्थित हुनु 

काठमाडौँ उपत्यकामा वैशाख १६ गतेदेखि जारी निषेधाज्ञाका कारण सिंहदरबार भित्रका मन्त्रालयमा सबै कर्मचारी उपस्थित हुने अवस्था नरहेका सम्बद्ध मन्त्रालयका कर्मचारी बताउँछन्।  कृषि तथा पशुपक्षी विकास....

इजरायलमा १२ वर्ष सत्तामा रहेका नेतान्याहु पदमुक्त

इजरायलमा दक्षिणपन्थी राष्ट्रवादी नाफ्ताली बेनेटले सरकारको नेतृत्व गर्दै शपथ ग्रहण गरेका छन्। नेतान्याहुलाई एक मत अन्तरले पराजित गर्दै बेनेट संसद्‌बाट प्रधानमन्त्री चुनिएका बीबीसीले जनाएको छ।....

देशभर मनसुन सक्रिय, अधिकांश स्थानमा वर्षा 

विभागका अनुसार मनसुन सक्रिय बनेसँगै देशका अधिकांश स्थानमा वर्षा भएको छ। हाल देशभर सामान्य देखि पूर्ण बदली रही केही स्थानमा पानी परिरहेको विभागले जनाएको छ।  ....

काठमाडौं महानगरले आज र भोलि भेरोसेल खोप लगाउँदै 

जिल्ला स्वास्थ्य कार्यालय काठमाडौँले भेरोसेल खोपको पहिलो मात्रा लगाउन छुटेका ६०-६१ वर्ष उमेर समूहका ज्येष्ठ नागरिकलाई परिपत्र गरेपछि आज र भोलि खोप लगाइने महानगरपालिकाले जनाएको....

कर्णालीका मन्त्री थापाविरुद्ध जिल्ला र पुनरावेदन अदालतको फैसला झिकाउन सर्वाेच्चको आदेश

जिल्ला अदालत दैलेख, तत्कालीन पुनरावेदन अदालत, सुर्खेत र सर्वोच्च अदालतबाट भएको फैसलाको सक्कल मिसिल झिकाउन सर्वोच्चले आदेश दिएको हो।  आइतबार न्यायाधीश दीपककुमार कार्की र नहकुल....