प्रदेश

प्रदेश आयुर्वेद औषधालयका दुई डाक्टरमाथि हातपात

उकेरा संवाददाता


सुर्खेत : सुर्खेतको कालागाउँस्थित प्रदेश आयुर्वेद औषधालयका दुई जना डाक्टरमाथि हातपात भएको छ। 

जिल्ला प्रहरी कार्यालय, सुर्खेतका अनुसार कर्णाली प्रदेश आयुर्वेद औषधालयले सञ्चालन गरेको कोभिड अस्पतालबाट घरतर्फ जान लागेका डा. शंकर रिजाल र डा. यादव उपाध्यायमाथि बिहीबार बेलुका ६ बजेतिर हातपात भएको हो। 

‘कोभिड १९ संक्रमित बिरामी हेरेर घरतर्फ जानका लागि अस्पतालको गेटमा पुगेका बेला फोन आयो, कुरा गर्दै थिएँ,’ डा. रिजालले भने, ‘तीन चार जना युवकले आक्रमण गरे।’ 

आक्रमणबाट डा. रिजालको मुख र कुममा चोट लागेको छ। 

डाक्टरमाथि आक्रमण गर्ने युवाले अस्पतालमा पनि ढुंगामुढा गरेका थिए।

यसैबीच, प्रहरीले आक्रमणमा संलग्न भएको आरोपमा तीन जनालाई पक्राउ गरेको छ। 

जिल्ला प्रहरी कार्यालयका प्रहरी निरीक्षक कनक शाहीले डाक्टरमाथि आक्रमण गरेको आरोपमा तीन जनालाई पक्राउ गरिएको बताए। 

 ‘पक्राउ गरेर ल्याएका छौं। घटनाको अनुसन्धान भइरहेको छ,’ उनले भने, ‘किन र के कारणले आक्रमण भयो, अनुसन्धानपछि खुल्ला।’

यो खबर पढेर तपाईलाई कस्तो महसुस भयो ?

सम्बन्धित समाचार

प्रदेश १ : बजेट अधिवेशनबाटै प्रदेशको नाम टुङ्गो लगाउन प्रस्ताव 

सरकारको आगामी आर्थिक वर्षको नीति तथा कार्यक्रममाथि उठेका प्रश्नको जवाफ दिँदै मुख्यमन्त्री राईले प्रदेशको नाम टुङ्गो लगाउन प्रस्ताव गरेका हुन्।  प्रदेशको नाम टुङ्गो लगाउन नसकेको....

मनाङेबारे निवर्तमान मुख्यमन्त्री गुरुङको टिप्पणी : सबै डाँकुहरू वाल्मीकि नहुँदा रहेछन्

आइतबार आफ्नै निवासमा पत्रकारसँग कुरा गर्दै उनले मनाङेलाई आफूले चुनाव जिताएर सांसद बनाएको, प्रदेशसभा सदस्यको सपथ दिलाउन भूमिका खेलेको दावी गर्दै पछि विपक्षी गठबन्धनमा लागेकोमा चित्त दुखाए।....

प्रदेश १ को नीति तथा कार्यक्रम बहुमतले पारित

शुक्रबार र शनिबार नीति तथा कार्यक्रममाथि बहस भएसँगै आइतबार प्रदेशसभाबाट नीति तथा कार्यक्रम पारित गरिएको हो।  छलफलको क्रममा ३२ जना सांसदले राखेको जिज्ञासाको जवाफ दिँदै....

गोड्से बन्छु भन्ने प्रदेश सांसदविरुद्ध दुरुत्साहन गरेको जाहेरी दर्ता, तर सहज छैन अनुसन्धान प्रक्रिया

जिल्ला प्रहरी कार्यालय मकवानपुरमा आइतबार युवा सङ्घ मकवानपुरका सदस्य नवीन काफ्लेले मुलुकी अपराध संहिता अनुसार दुरुत्साहनको जाहेरी दिएका हुन्। 'प्रदेश सभामा बोलेको विषयलाई आधार बनाएर....

कर्णाली प्रदेश : बजेटमा आफ्ना १९ बुँदे कार्यक्रम समेट्न एमाले संसदीय दलको माग

मुख्यमन्त्री शाहीलाई १९ बुँदे मागपत्र बुझाउँदै एमाले प्रदेश संसदीय दलका नेता यामलाल कँडेलको नेतृत्वकाे टोलीले आफ्ना कार्यक्रम बजेटमा समेट्न माग गरेको हो।  एमालेले प्रदेश रंगशाला निर्माणदेखि कोरोना महामारी....