प्रदेश

गण्डकी प्रदेशमा ढल्याे एमाले सरकार

उकेरा संवाददाता


काठमाडौं : गण्डकी प्रदेशमा नेकपा एमालेकाे सरकार ढलेकाे छ। 

एमाले प्रदेश संसदीय दलका नेतासमेत रहेका मुख्यमन्त्री पृथ्वीसुब्बा गुरुङले आजको प्रदेशसभा बैठकमा विश्वासको मत पाउन नसकेपछि सरकार ढलेकाे हाे। 

संविधानको धारा १६८ को उपधारा ५ मा मुख्यमन्त्रीले प्रदेशसभाबाट विश्वासको मत पाउन नसकेको अवस्थामा प्रदेश प्रमुखले विश्वासको मत पाउन सक्ने व्यक्तिलाई मुख्यमन्त्रीमा नियुक्त गर्ने प्रावधान छ। 

प्रदेशसभा सचिवालयका सूचना अधिकारी जितेन्द्र जंग केसीका अनुसार उनको विश्वासको मतको प्रस्तावको पक्षमा २७ र विपक्षमा ३० मत परेको थियो। 

उनलाई नेकपा एमालेका सबै सांसद्ले विश्वासको मत दिएका थिए। यस्तै, नेपाली कांग्रेसका १५, नेकपा माओवादी केन्द्रका ११, राष्ट्रिय जनमोर्चा र जनता समाजवादी पार्टीका २/२ सांसदले विपक्षमा मतदान गरेका थिए।

जनमोर्चाका सांसद् कृष्ण थापाले भने मतदानमा सहभागिता जनाएनन्। यस्तै, युवा तथा खेलकुदमन्त्री राजीव गुरुङ (दीपक मनाङे) बैठकमा उपस्थित भएनन्। 

६० सदस्यीय प्रदेशसभामा विश्वासको मतका लागि आवश्यक ३१ मत आवश्यक पर्छ। 

प्रदेशसभामा ठूलो दलको नेताको हैसियतमा गत वैशाख २९ गते पृथ्वीसुब्बा गुरुङ दोस्रो पटक मुख्यमन्त्रीमा नियुक्त भएका थिए।

संविधानको धारा १६८ को उपधारा ३ बमोजिम बमोजिम मुख्यमन्त्रीमा नियुक्त गुरुङले सोही धाराको उपचारा ४ बमोजिम ३० दिनभित्र विश्वासको मत लिनुपर्ने प्रावधान अनुसार आज प्रदेशसभामा विश्वासको मतको प्रस्ताव पेस गरेका थिए। 

अब सोही धाराको उपधारा ५ बमोजिम गण्डकीमा नयाँ सरकार गठनको प्रक्रिया सुरु हुने छ। 

यो खबर पढेर तपाईलाई कस्तो महसुस भयो ?

सम्बन्धित समाचार

प्रदेश १ : बजेट अधिवेशनबाटै प्रदेशको नाम टुङ्गो लगाउन प्रस्ताव 

सरकारको आगामी आर्थिक वर्षको नीति तथा कार्यक्रममाथि उठेका प्रश्नको जवाफ दिँदै मुख्यमन्त्री राईले प्रदेशको नाम टुङ्गो लगाउन प्रस्ताव गरेका हुन्।  प्रदेशको नाम टुङ्गो लगाउन नसकेको....

मनाङेबारे निवर्तमान मुख्यमन्त्री गुरुङको टिप्पणी : सबै डाँकुहरू वाल्मीकि नहुँदा रहेछन्

आइतबार आफ्नै निवासमा पत्रकारसँग कुरा गर्दै उनले मनाङेलाई आफूले चुनाव जिताएर सांसद बनाएको, प्रदेशसभा सदस्यको सपथ दिलाउन भूमिका खेलेको दावी गर्दै पछि विपक्षी गठबन्धनमा लागेकोमा चित्त दुखाए।....

प्रदेश १ को नीति तथा कार्यक्रम बहुमतले पारित

शुक्रबार र शनिबार नीति तथा कार्यक्रममाथि बहस भएसँगै आइतबार प्रदेशसभाबाट नीति तथा कार्यक्रम पारित गरिएको हो।  छलफलको क्रममा ३२ जना सांसदले राखेको जिज्ञासाको जवाफ दिँदै....

गोड्से बन्छु भन्ने प्रदेश सांसदविरुद्ध दुरुत्साहन गरेको जाहेरी दर्ता, तर सहज छैन अनुसन्धान प्रक्रिया

जिल्ला प्रहरी कार्यालय मकवानपुरमा आइतबार युवा सङ्घ मकवानपुरका सदस्य नवीन काफ्लेले मुलुकी अपराध संहिता अनुसार दुरुत्साहनको जाहेरी दिएका हुन्। 'प्रदेश सभामा बोलेको विषयलाई आधार बनाएर....

कर्णाली प्रदेश : बजेटमा आफ्ना १९ बुँदे कार्यक्रम समेट्न एमाले संसदीय दलको माग

मुख्यमन्त्री शाहीलाई १९ बुँदे मागपत्र बुझाउँदै एमाले प्रदेश संसदीय दलका नेता यामलाल कँडेलको नेतृत्वकाे टोलीले आफ्ना कार्यक्रम बजेटमा समेट्न माग गरेको हो।  एमालेले प्रदेश रंगशाला निर्माणदेखि कोरोना महामारी....