प्रदेश

सोमबारदेखि अवरुद्ध कर्णाली प्रदेशसभाको बैठक सुचारु, मन्त्री थापालाई प्रवेश नदिइने

उकेरा संवाददाता


सुर्खेत : प्रदेश सरकारका भौतिक पूर्वाधार एवं सहरी विकासमन्त्री अम्मरबहादुर थापालाई बर्खास्तीको माग राखी नेकपा एमालेले सोमबारदेखि अवरुद्ध गर्दै आएको कर्णाली प्रदेशसभा बैठक आज सुचारु भएको छ। 

सरकार पक्ष र एमालेसहितका दलहरुबीच आज भएको छलफलमा मन्त्री थापालाई जेठ ३० गतेसम्म प्रदेशसभा प्रवेश गर्न नदिने र एमालेले बैठकमा अवरोध नगर्ने सहमति प्रदेशसभा बैठक सुचारु भएको हो। 

मन्त्री थापाविरुद्ध सर्वाेच्चमा मुद्दा विचाराधीन रहेको खुलासा भएपछि एमालेले थापालाई बर्खास्तीको माग गरी प्रदेशसभा बैठक अवरुद्ध गर्दै आएको थियो। 

मन्त्री थापामाथिको मुद्दा न्यायालयमा विचाराधीन रहेको र यही जेठ ३० मा पेसीसमेत तोकिएको अवस्थामा सो अवधिसम्म मन्त्री थापालाई प्रदेशसभामा उपस्थिति नगराउने र बैठक नियमित गर्ने सहमति भएको प्रदेशसभा सचिवालयले जनाएको छ।

प्रदेशसभा बैठक अवरुद्ध हुँदै गएपछि आज सरकार पक्ष र दलहरुबीच छलफल भएको थियो। 

यो खबर पढेर तपाईलाई कस्तो महसुस भयो ?

सम्बन्धित समाचार

अब सिधै राउटे बस्तीमा पुगेर राहत दिन नपाइने

कोरोना महामारी र राउटे समुदायमा भएको घटनाको संवेदनशीलतालाई ख्याल गरी बस्तीभित्र प्रवेश गरी राहत वितरण गर्ने कार्यलाई पूर्ण रूपमा निषेधित गरिएको सहायक प्रमुख जिल्ला अधिकारी....

प्रदेश १ : बजेट अधिवेशनबाटै प्रदेशको नाम टुङ्गो लगाउन प्रस्ताव 

सरकारको आगामी आर्थिक वर्षको नीति तथा कार्यक्रममाथि उठेका प्रश्नको जवाफ दिँदै मुख्यमन्त्री राईले प्रदेशको नाम टुङ्गो लगाउन प्रस्ताव गरेका हुन्।  प्रदेशको नाम टुङ्गो लगाउन नसकेको....

मनाङेबारे निवर्तमान मुख्यमन्त्री गुरुङको टिप्पणी : सबै डाँकुहरू वाल्मीकि नहुँदा रहेछन्

आइतबार आफ्नै निवासमा पत्रकारसँग कुरा गर्दै उनले मनाङेलाई आफूले चुनाव जिताएर सांसद बनाएको, प्रदेशसभा सदस्यको सपथ दिलाउन भूमिका खेलेको दावी गर्दै पछि विपक्षी गठबन्धनमा लागेकोमा चित्त दुखाए।....

प्रदेश १ को नीति तथा कार्यक्रम बहुमतले पारित

शुक्रबार र शनिबार नीति तथा कार्यक्रममाथि बहस भएसँगै आइतबार प्रदेशसभाबाट नीति तथा कार्यक्रम पारित गरिएको हो।  छलफलको क्रममा ३२ जना सांसदले राखेको जिज्ञासाको जवाफ दिँदै....

गोड्से बन्छु भन्ने प्रदेश सांसदविरुद्ध दुरुत्साहन गरेको जाहेरी दर्ता, तर सहज छैन अनुसन्धान प्रक्रिया

जिल्ला प्रहरी कार्यालय मकवानपुरमा आइतबार युवा सङ्घ मकवानपुरका सदस्य नवीन काफ्लेले मुलुकी अपराध संहिता अनुसार दुरुत्साहनको जाहेरी दिएका हुन्। 'प्रदेश सभामा बोलेको विषयलाई आधार बनाएर....