स्वास्थ्य

ब्रिटिस कलेजको सहयोगमा आविष्कार केन्द्रले कोभिड–१९ स्वास्थ्य सामग्री वितरण गर्ने

उकेरा संवाददाता


काठमाडौँ : काठमाडौँ थापाथलीमा रहेको द ब्रिटिस कलेज र राष्ट्रिय आविष्कार केन्द्र (नेशनल इनोभेसन सेन्टर) ले फ्रन्टलाइनमा खटिएका चिकित्सक तथा स्वास्थ्यकर्मीलाई स्वास्थ्य सामग्री वितरण गर्ने बताएका छन्।

कोरोनाविरुद्ध फ्रन्टलाइनमा खटिएका चिकित्सक तथा स्वास्थ्यकर्मीलाई आवश्यक स्वास्थ्य सामग्रीहरू वितरण गर्न ब्रिटिस कलेजले सहयोग गर्ने जनाएको छ। 

ब्रिटिस कलेजका निर्देशक महेन्द्र राज कँडेलले कोभिड १९ विरुद्ध लड्न यसले धेरै सहयोगी भूमिका खेल्ने बताए। 

कँडेलका अनुसार सामूहिक रूपमा, टिबिसी र एनआइसीले कोभिड–१९ विरुद्ध फ्रन्टलाइनमा खटिएका चिकित्सक तथा स्वास्थ्यकर्मीलाई आवश्यक स्वास्थ्य सामाग्रीहरू वितरण गर्ने लक्ष्य राखेको छ। सहकार्यको सम्झौता अनुसार टिबिसीले राष्ट्रिय आविष्कार केन्द्रलाई अनुदान दिनेछ। यो उद्देश्य प्राप्तिका लागि एनआइसीले साङ्गठनिक र व्यक्तिगत रूपमा निरन्तर अनुसन्धान गर्दै योगदान गर्नेछ।

कोभिड राहतको क्षेत्रमा नयाँ घटनाक्रमको बारेमा अनुसन्धान गर्ने, फ्रन्टलाइन खटेर काम गर्नेहरूलाई सहयोग पुर्‍याउन सुरक्षात्मक उपकरण विकास गर्ने र भेन्टिलेटरजस्ता सान्दर्भिक चिकित्सा उपकरणहरू मर्मत गर्ने र ल्याउने कामलाई सञ्चालनमा ल्याउने टिबिसी र इनोभेसन सेन्टरले जनाएका छन्। 

सबैभन्दा धेरै खाँचोमा परेकालाई सहयोग पुर्‍याउने दाबी दुवै संस्थाले गरेका छन्। टिबिसीको इनोवेशन हब र इनक्युबेशन सेन्टरमा कलेजका विद्यार्थीहरूद्वारा सम्बन्धित प्रोजेक्टमा अनुसन्धान हुनेछ।

एनआईसी अधिकारीहरूद्वारा निरीक्षण र प्रोत्साहन गर्नका लागि सेमिनार, वेबिनारहरू र कार्यशालाहरू गर्नेछन्। यसले महामारीकाबीच कसरी सङ्कटको सामना गर्ने सोच विकास गर्ने अपेक्षा एनआइसीले गरेको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

दर्ता नै नभएको कोरोनिल किट तत्काल प्रयोग नहुने 

भारतीय योग गुरु रामदेवले बनाएको सो किट न त नेपालको औषधि व्यवस्था विभागमा दर्ता भएको छ न कोरोना भाइरस सङ्क्रमितको उपचारका लागि विश्व स्वास्थ्य सङ्गठनले....

घातक बन्दै फङ्गस इन्फेक्सन, टिचिङमा भर्ना भएका तीन जनाको शल्यक्रिया

अस्पतालका म्यूकोर माइकोसिस ट्रिटमेन्ट कमिटीका संयोजक डा. रवीन्द्र भक्त प्रधानाङ्गले उनीहरूमा म्युकोर माइकोसिसको समस्या भएको जानकारी दिए। कालो (ब्ल्याक) फङ्गस इन्फेक्सनलाई चिकित्सकीय भाषामा ‘म्युकोर माइकोसिस’ भनिन्छ।....

भारतमा कोरोना सङ्क्रमणबाट २० नेपालीको ज्यान गयो

गैर आवासीय नेपाली सङ्घका अनुसार यो साता भारतमा मात्रै २० जना नेपालीले कोरोना सङ्क्रमणका कारण ज्यान गुमाए। सङ्घको स्वास्थ्य समितिका संयोजक डा. सञ्जीव सापकोटाका अनुसार....

नेपालमा भारतीय नागरिकको सङ्ख्या बढेपछि स्वास्थ्य परीक्षणमा कडाइ गर्दै स्वास्थ्य मन्त्रालय

सोही आधारमा नेपालमा परीक्षण मात्रै गर्ने र नेपाललाई ट्रान्जिट बनाउन मात्र आएका विदेशी नागरिकहरूको परीक्षण नगर्न स्वास्थ्य मन्त्रालयले ल्याबहरूलाई निर्देशन जारी गरेको हो। भारतबाट नेपाल....

कोरोना त्रास : तनहुँमा बेलुका १० बजेपछि व्यवसाय बन्द गर्न प्रशासनको सूचना

विज्ञप्तिमा ‘भारतमा थप क्रियाशील भई नेपालमा समेत सङ्क्रमितको दर बढ्दै गएको र मृत्युदर समेत वृद्धि भएकाले खुला सीमा नाकाको कारण सीमा नाकाबाट मानिसको आवतजावत बढी....