उकेरा अपडेट

हिमालपारि कोरोना : उपचारमा चुनौती, निषेधाज्ञाको तयारी

केशवप्रसाद पाण्डे


काठमाडौंः हिमालपारिको जिल्ला मनाङमा ७ जनामा कोरोना भाइरस संक्रमण देखिएको छ। दोस्रो वेभ सुरु भएपछि मनाङमा अहिलेसम्म ७ जनामा कोरोना संक्रमणको पुष्टि भएको हो।

मनाङका प्रमुख जिल्ला अधिकारी (सिडिओ) विष्णु लामिछानेका अनुसार दोस्रो वेभ सुरु भएयता २५ जनाको पिसिआर परीक्षण गर्दा यो संख्यामा संक्रमित देखिएका हुन्। संक्रमण देखिएसँगै मनाङमा त्रास देखिएको छ।

स्वास्थ्य पूर्वाधारको अभाव तथा सडक र यातायातको राम्रो सुविधा नभएका कारण संक्रमण बढेको अवस्थामा कसरी नियन्त्रण गर्ने भन्ने चिन्ता थपिएको छ।  

‘हामीले शंका लागेर परीक्षण गर्न आउनेलाई मात्र परीक्षण गर्ने गरेका छौँ। परीक्षणलाई बढाउने हो भने संख्या बढ्ने देखिन्छ,’ सिडिओ लामिछाने भन्छन्, ‘२५ जनाको परीक्षणमा ७ जनामा देखिनु संख्याले कम देखिए पनि प्रतिशतका हिसाबले बढी हो।’

संक्रमण देखिएकाहरु ४ जना चामे गाउँपालिका र ३ जना मनाङ निस्याङ गाउँपालिकाको मनाङ गाउँका हुन्। सिडिओ लामिछाने  संक्रमितमा सामान्य रुघाखोकी मात्रै लागेको र सामान्य अवस्थामा सेल्फ आइसोलेसनमा बसेको बताउँछन्।

संक्रमितहरुको ट्राभल हिस्ट्री हेर्दा २ जना श्रीमान्–श्रीमती पोखराबाट मनाङ आएको र बाँकीको कुनै ट्राभल हिस्ट्री देखिँदैन।

कोरोनापछि आवातजावत सामान्य रहेको मनाङमा ट्राभल हिस्ट्री नभएका व्यक्तिमा संक्रमण देखिएपछि झनै चुनौती थपिएको छ।

जिल्लामा एउटै पनि भेन्टिलेटर र आइसियु सञ्चालनमा छैनन्। यससँगै गम्भीर प्रकृतिका संक्रमित थपिएमा के गर्ने भन्ने चिन्ता थपिएको सिडिओ लामिछाने बताउँछन्। सदरमुकाम चामेमा मनाङ अस्पतालको अक्सिजन सपोर्ट गर्नेगरी ७ वटा बेड तयारी अवस्थामा छन।

जिल्लाका ४ गाउँपालिकाले पनि आफ्नो तर्फबाट केही स्थानमा क्वारेन्टिनको व्यवस्था मिलाएका छन्। जिल्लामा एउटै पनि कोभिड अस्पताल छैनन्।

‘जिल्लामा आइसियु छैन। भेन्टिलेटर छ तर, चलाउने जनशक्ति छैन,’ उनी भन्छन्, ‘जिल्लामा तीन जना एमबिबिएस डाक्टर छन्। तर उहाँहरुमा पनि यसको सञ्चालनबारे जानकारी रहेन छ। यसका लागि तालिम या नयाँ जनशक्ति आवश्यक पर्छ। त्यो तत्काल सम्भव देखिँदैन।’

जिलामा निषेधाज्ञा लगाउने तयारी गरिएको उनले जानकारी दिए। ‘अहिलेलाई मास्क अनिवार्य गरिुएको छ। स्वास्थ्य प्रोटोकल पालना गर्ने, भेला बैठकहरु स्थगित गरिएका छन्। नेपाल प्रहरीमार्फत ‘मास्क खै’ अभियान र कोरोना सचेतना कार्यक्रमहरु सञ्चालन गरिरहेका छौ,’ उनले उकेरासँग भने।

मनाङमा यसअघि २० जनामा संक्रमण देखिएको थियो। जिल्लामा कोरोना संक्रमणका कारण अहिलेसम्म कसैले ज्यान गुमाएको तथ्यांक छैन।

यो खबर पढेर तपाईलाई कस्तो महसुस भयो ?

सम्बन्धित समाचार

एस्ट्राजेनेका र स्पुतनिक खोप ल्याउन पहल भइरहेको सरकारको दाबी

प्रधानमन्त्री तथा मन्त्रीपरिषद्को कार्यालयबाट जारी गरिएको विज्ञप्तिमा एस्ट्राजेनेका भ्याक्सिन सहयोगको सम्बन्धमा काठमाण्डौँस्थित अमेरिकी दूतावास र वाशिंटनस्थित नेपाली राजदूतावास मार्फत आवश्यक पहल भइरहेको दाबी गरिएको छ।....

सरकारको दाबी : ७ सय १२ आइसियु, ४ सय ४३ भेन्टिलेटर खाली छ

शुक्रवार प्रधानमन्त्री तथा मन्त्रीपरिषद्को कार्यालयले सार्वजनिक गरेको तथ्याङ्क अनुसार अहिले पनि एक हजार ८ सय १७ आइसियूमध्ये एक हजार एक सय ५ वटा मात्र प्रयोगमा....

औषधिमा भ्रष्टाचार अक्षम्य अपराध : देउवा

कांग्रेस सभापति देउवाले जनताको जीवनरक्षा गर्ने औषधिमा पनि भ्रष्टाचार गर्नु अमानवीय, अनैतिक र गैरजिम्मेवारीको पराकाष्ठा र जनता विरुद्धको अक्षम्य अपराध भएको बताए। ‘जनताको जीवन रक्षा....

मुख्यमन्त्रीको संयोजकत्वमा कोरोना नियन्त्रण तथा व्यवस्थापन समिति गठन गरिने

बुधबार बसेको मन्त्रिपरिषद बैठकले कोभिड–१९ को नियन्त्रण तथा व्यवस्थापन कार्यलाई प्रदेशमा प्रभावकारी बनाउन निर्देशन, समन्वयन तथा एकीकृत व्यवस्थापन गर्ने उद्देश्यसहित निर्देशन समिति गठन गर्ने निर्णय....

सांसदलाई विश्वासको मत दिन कोरोना रिपोर्ट अनिवार्य

पिसिआर रिपोर्ट वैशाख २२ गतेपछिको मात्रै मान्य हुने व्यवस्था गरिएको संघीय संसद् सचिवालयका उपसचिव रामहरि थापाले जानकारी दिए। ‘पिसिआर टेस्ट गरेको रिपोर्ट अनिवार्य गरिएको छ,’....