उकेरा अपडेट

कोरोना सङ्क्रमणका कारण भारतमा थप १० जना नेपालीको मृत्यु  

उकेरा संवाददाता


काठमाडौँ : यो साता भारतमा थप १० जना नेपालीको कोरोना सङ्क्रमणका कारण मृत्यु भएको छ। गैर आवासीय नेपाली सङ्घका अनुसार हालसम्म भारतमा मात्रै सङ्क्रमणका कारण मृत्यु हुने नेपालीको सङ्ख्या ७१ पुगेको छ। 

यो साता साउदीमा पनि थप एक जनाको कोरोना सङ्क्रमणका कारण मृत्यु भएको सङ्घले जनाएको छ। सङ्घको स्वास्थ्य समितिको पछिल्लो तथ्याङ्क अनुसार भारत सहित विश्वभर २१ मुलुकमा रहेका ३ सय ८२ जना नेपालीको कोरोनाका कारण मृत्यु भएको छ। 

स्वास्थ्य समितिका संयोजक डा सञ्जीव सापकोटाले भारतमा रहेका २० हजार भन्दा बढी नेपालीलाई कोरोना सङ्क्रमण भएको जानकारी दिए। ती मध्ये १७ हजार भन्दा बढी कोरोना मुक्त भएका छन्।  

अहिलेसम्म विश्वका ५४ मुलुकमा ८६ हजार ६ सय ७९ जना नेपालीमा कोरोना सङ्क्रमण भएको छ भने ती मध्ये ८२ हजार १ सय ९७ जना कोरोना सङ्क्रमण मुक्त भएका छन्। यो साता मलेसिया, भारत, कुवेत, युएई र साउदी अरेबियामा रहेका नेपालीमा थप कोरोना भाइरसको सङ्क्रमण देखिएको छ।  

अध्यक्ष पन्तलाई कोरोना सङ्क्रमण   

गैर आवासीय नेपाली सङ्घका अध्यक्ष कुमार पन्तलाई कोरोना सङ्क्रमण भएको छ। सङ्घको सक्रियतामा निर्माण भएको गोर्खास्थित एनआरएनए नमुना बस्ती हस्तान्तरण, नेपालमा १० अर्ब लगानी लगायतको परियोजनालाई मूर्तरूप दिन विगत केही सातादेखि नेपाल भ्रमणमा रहेका पन्तलाई हिजो आइतबार कोरोना भाइरसको सङ्क्रमण पुष्टि भएको हो।

कोरोना भाइरसको लक्षण देखिएपछि पीसीआर परीक्षण गराउँदा ‘पोजेटिभ रिपोर्ट’ आएको हो।  सङ्घका अनुसार पन्त अहिले होमआईसोलेसनमा छन्। 

यो खबर पढेर तपाईलाई कस्तो महसुस भयो ?

सम्बन्धित समाचार

एस्ट्राजेनेका र स्पुतनिक खोप ल्याउन पहल भइरहेको सरकारको दाबी

प्रधानमन्त्री तथा मन्त्रीपरिषद्को कार्यालयबाट जारी गरिएको विज्ञप्तिमा एस्ट्राजेनेका भ्याक्सिन सहयोगको सम्बन्धमा काठमाण्डौँस्थित अमेरिकी दूतावास र वाशिंटनस्थित नेपाली राजदूतावास मार्फत आवश्यक पहल भइरहेको दाबी गरिएको छ।....

सरकारको दाबी : ७ सय १२ आइसियु, ४ सय ४३ भेन्टिलेटर खाली छ

शुक्रवार प्रधानमन्त्री तथा मन्त्रीपरिषद्को कार्यालयले सार्वजनिक गरेको तथ्याङ्क अनुसार अहिले पनि एक हजार ८ सय १७ आइसियूमध्ये एक हजार एक सय ५ वटा मात्र प्रयोगमा....

औषधिमा भ्रष्टाचार अक्षम्य अपराध : देउवा

कांग्रेस सभापति देउवाले जनताको जीवनरक्षा गर्ने औषधिमा पनि भ्रष्टाचार गर्नु अमानवीय, अनैतिक र गैरजिम्मेवारीको पराकाष्ठा र जनता विरुद्धको अक्षम्य अपराध भएको बताए। ‘जनताको जीवन रक्षा....

मुख्यमन्त्रीको संयोजकत्वमा कोरोना नियन्त्रण तथा व्यवस्थापन समिति गठन गरिने

बुधबार बसेको मन्त्रिपरिषद बैठकले कोभिड–१९ को नियन्त्रण तथा व्यवस्थापन कार्यलाई प्रदेशमा प्रभावकारी बनाउन निर्देशन, समन्वयन तथा एकीकृत व्यवस्थापन गर्ने उद्देश्यसहित निर्देशन समिति गठन गर्ने निर्णय....

सांसदलाई विश्वासको मत दिन कोरोना रिपोर्ट अनिवार्य

पिसिआर रिपोर्ट वैशाख २२ गतेपछिको मात्रै मान्य हुने व्यवस्था गरिएको संघीय संसद् सचिवालयका उपसचिव रामहरि थापाले जानकारी दिए। ‘पिसिआर टेस्ट गरेको रिपोर्ट अनिवार्य गरिएको छ,’....