उकेरा अपडेट

कर्णालीमा मृत्यु भएका कोरोना संक्रमितको परिवारलाई एक लाख रुपैयाँ दिइने

उकेरा संवाददाता


सुर्खेत : कर्णाली प्रदेश सरकारले ज्यान गुमाउने काेराेना संक्रमितका परिवारलाई राहत प्याकेज घोषणा गरेको छ।

मुख्यमन्त्री तथा मन्त्रिपरिषद्को बैठकले कोरोना संक्रमित मृतकको परिवारलाई जनही एक लाख रुपैयाँ  राहत रकम उपलब्ध गराउने निर्णय गरेको हो।

कर्णाली प्रदेशमा कोरोना भाइरसको संक्रमण भयावह बन्ने खतरा बढेपछि प्रदेश सरकारले यस्तो निर्णय गरेकाे आर्थिक मामिला तथा याेजना मन्त्री एवं सरकारकी प्रवक्ता बिमला केसीले जानकारी दिइन्।

मृत्यु भएका संक्रमित परिवारलाई सामाजिक विकास मन्त्रालयको समन्वयमा आवश्यक कार्यविधि, मापदण्ड, आधार बनाएर प्रदेश विपद् व्यवस्थापन कोषबाट राहत रकम उपलव्ध गराउने निर्णय गरिएको प्रवक्ता केसीले बताइन्।

‘कोरोना संक्रमणको रोकथाम र नियन्त्रणका लागि सरकारले आवश्यक सबै तयारी गर्नमा कुनै कसर बाँकी राखेको छैन,’ प्रवक्ता केसीले भनिन्, ‘संक्रमणबाट बचाउने प्रयत्न गर्दागर्दै पनि प्रदेश भित्रका नागरिकको मृत्यु भएमा परिवारलाई राहत स्वरुप एक लाख रकम प्रदान गर्ने निर्णय गरिएको हो।’

विषयगत मन्त्रालय र आर्थिक मामिला तथा योजना मन्त्रालयको अर्थ विविध बजेटबाट कोषमा ५० करोड बजेट रकमान्तरण गरिएको प्रवक्ता केसीको भनाइ छ । उनले उक्त रकम कोभिड-१९ सँग सम्बन्धित समस्या समाधानका लागि खर्च गरिने छ।

अस्पतालाहरुलाई थप बजेट
मन्त्रिपरिषद्को बैठकले अक्सिजन सिलिण्डर र अक्सिजन आपूर्ति गर्न अस्पतालहरुलाई थप बजेट प्रदान गर्ने निर्णय गरेको छ। प्रदेशका १० जिल्लामा रहेका जिल्ला अस्पतालहरुलाई एक-एक करोड रकम दिने निर्णय समेत गरेको छ।

यस्तै, कर्णाली प्रदेश अस्पताल, कर्णाली स्वास्थ्य विज्ञान प्रतिष्ठान, चौरजहारी अस्पताल रुकुमपश्चिमलाई एक-एक करोड तथा मेहलकुना अस्पताल र दैलेख अस्पताललाई ५०-५० लाख दिने निर्णय गरेको हो। उक्त रकम प्रदेश विपद् व्यवस्थापन कोषबाट रकम पठाइने प्रवक्ता केसीले जानकारी दिइन्।

यो खबर पढेर तपाईलाई कस्तो महसुस भयो ?

सम्बन्धित समाचार

एस्ट्राजेनेका र स्पुतनिक खोप ल्याउन पहल भइरहेको सरकारको दाबी

प्रधानमन्त्री तथा मन्त्रीपरिषद्को कार्यालयबाट जारी गरिएको विज्ञप्तिमा एस्ट्राजेनेका भ्याक्सिन सहयोगको सम्बन्धमा काठमाण्डौँस्थित अमेरिकी दूतावास र वाशिंटनस्थित नेपाली राजदूतावास मार्फत आवश्यक पहल भइरहेको दाबी गरिएको छ।....

सरकारको दाबी : ७ सय १२ आइसियु, ४ सय ४३ भेन्टिलेटर खाली छ

शुक्रवार प्रधानमन्त्री तथा मन्त्रीपरिषद्को कार्यालयले सार्वजनिक गरेको तथ्याङ्क अनुसार अहिले पनि एक हजार ८ सय १७ आइसियूमध्ये एक हजार एक सय ५ वटा मात्र प्रयोगमा....

औषधिमा भ्रष्टाचार अक्षम्य अपराध : देउवा

कांग्रेस सभापति देउवाले जनताको जीवनरक्षा गर्ने औषधिमा पनि भ्रष्टाचार गर्नु अमानवीय, अनैतिक र गैरजिम्मेवारीको पराकाष्ठा र जनता विरुद्धको अक्षम्य अपराध भएको बताए। ‘जनताको जीवन रक्षा....

मुख्यमन्त्रीको संयोजकत्वमा कोरोना नियन्त्रण तथा व्यवस्थापन समिति गठन गरिने

बुधबार बसेको मन्त्रिपरिषद बैठकले कोभिड–१९ को नियन्त्रण तथा व्यवस्थापन कार्यलाई प्रदेशमा प्रभावकारी बनाउन निर्देशन, समन्वयन तथा एकीकृत व्यवस्थापन गर्ने उद्देश्यसहित निर्देशन समिति गठन गर्ने निर्णय....

सांसदलाई विश्वासको मत दिन कोरोना रिपोर्ट अनिवार्य

पिसिआर रिपोर्ट वैशाख २२ गतेपछिको मात्रै मान्य हुने व्यवस्था गरिएको संघीय संसद् सचिवालयका उपसचिव रामहरि थापाले जानकारी दिए। ‘पिसिआर टेस्ट गरेको रिपोर्ट अनिवार्य गरिएको छ,’....