एंकर न्युज

वीर अस्पतालको सर्किजल भवनमा केही दिनमा नै कोरोना सङ्क्रमितको उपचार

उपेन्द्र खड्का


काठमाडौँ : चिकित्सा विज्ञान राष्ट्रिय प्रतिष्ठान, वीर अस्पतालको नवनिर्मित सर्किजल भवन हस्तान्तरण भएको छ। कोरोना सङ्क्रमित बिरामीको उपचारका लागि प्रयोग गर्नुपर्ने भएकाले भवन हस्तान्तरण भएको अस्पतालकी निमित्त निर्देशक डा. शान्ता सापकोटाले जानकारी दिइन्। 

कोभिड अस्पताल चलाउनुपर्ने भएकाले केही काम बाँकी भए पनि निर्माण कम्पनीले स्वास्थ्य तथा जनसङ्ख्या मन्त्रालयको पहलमा हस्तान्तरण गरेको उनले बताइन्। 

मन्त्रालयका सहसचिव डा. गुणराज लोहनीले पनि सर्किजल भवन सञ्चालनका लागि अनुमति दिइएको पुष्टि गरे। 

५ सय बेड क्षमताको सो भवनको दुई वटा तला कोरोना सङ्क्रमित बिरामीको उपचारका लागि तत्कालै सञ्चालनमा ल्याउन लागिएको अस्पतालका कोभिड˗१९ फोकल पर्सन डा. अच्युत कार्कीले जानकारी दिए। डा. कार्कीले दुई वटा तलामा २ सय बेड राखेर सञ्चालन गर्ने तयारी भएको बताए। उनले भने, ‘एक हप्तामा ५० बेड राखेर भए पनि सुरु गर्छौँ होला।’

अक्सिजन प्लान्ट सुचारु

वीर अस्पतालमा बिग्रिएको अक्सिजन प्लान्ट मर्मतपछि सुचारु भएको छ। प्लान्ट बनेको ४/५ दिन भएको डा. कार्कीले जानकारी दिए। उनले भने,‘सुचारु भएको पनि ४/५ दिन भयो।’

निमित्त निर्देशक डा. सापकोटाले प्लान्ट सुचारु भएपछि पाइप लाइनबाट अस्पतालको पुरानो भवनलाई सो प्लान्टबाट नै अक्सिजन पुग्ने बताइन्। डा. सापकोटाले भनिन्,‘सिस्टमको कुरा पनि आयो। सिस्टमले पुरानो बिल्डिङलाई भ्याउँछ। त्यही चलाइरहेका छौँ।’ 

डा. कार्की अस्पतालमा प्लान्टको अक्सिजनले नै पुगेकाले सिलिन्डर भने ब्याक अपका लागि राखिएको बताउँछन्। अस्पतालमा रहेको अक्सिजन प्लान्टबाट दैनिक १ सय ५० ठुलो सिलिन्डर बराबरको अक्सिजन उत्पादन हुने डा. कार्कीले जानकारी दिए। डा. कार्कीले भने,‘दुई सय बेड सम्मलाई पुग्ने देखिएको छ।’

डा. कार्कीले अस्पतालमा कोरोना सङ्क्रमितको उपचारका लागि १ सय ८ बेड बनाइएको पनि बताए। जसमा १० वटा आइसियु र ५ वटा भेन्टिलेटर रहेको कार्कीले जानकारी दिए। यसअघि कोरोना सङ्क्रमितको उपचारका लागि ७६ वटा बेड छुट्टाइएको थियो। 

यो खबर पढेर तपाईलाई कस्तो महसुस भयो ?

सम्बन्धित समाचार

राष्ट्रिय सभा उपनिर्वाचनमा देवकोटा, बादल र तामाङको उम्मेदवारी

देवकोटाले स्वतन्त्र उम्मेदवारी दिएका हुन् भने गृहमन्त्री समेत रहेका बादलले एमालेको तर्फबाट उम्मेदवारी दिएका हुन्। यस्तै तामाङ नेपाल मजदुर किसान पार्टीबाट उम्मेदवार बनेका छन्। देवकोटालाई....

कोरोना हटलाइनबारे स्वास्थ्य प्रवक्ताको प्रतिक्रिया : ‘बिरामी भए अस्पताल जाने, फोन गरेर आदेश गर्ने होइन’

कोरोना सङ्क्रमण बढिरहेको बेला आपत्मा परेका नागरिकप्रति सरकारी संयन्त्र जिम्मेवारहिन बनेको भन्दै आलोचना बढिरहेको बेला बुधवार अकस्मात् स्वास्थ्य तथा जनसङ्ख्या मन्त्रालयले सन्देश जारी गर्‍यो कोभिड....

अब घुम्तीमा आउने छैनन् प्रेमध्वज

छातीमा समस्या देखिएपछि एक सातादेखि उनी अस्पताल भर्ना भएका थिए। उनमा न्युरो सम्बन्धी समस्या देखियो। मिठो स्वरका धनी उनलाई कतै कोरोनाले पो छोयो कि भनेर....

'कोरोना उपचारमा रेमडेसिभिर औषधि प्रभावकारी छैन तर बिरामीका आफन्त ढिपी गर्छन्'

चिकित्सकले रेमडेसिभिर प्रभावकारी नभएको बताइरहँदा अस्‍पतालमा उपचार गराइरहेका बिरामीका आफन्तले भने यही औषधि चलाउन ढिपी गर्ने गरेको चिकित्सकहरु नै बताउँछन्। स्वास्थ्य तथा जनसंख्या मन्त्रालयका प्रमुख....

कोरोना पोजेटिभ भएका सांसदले मत दिन पाउँछन्?

सङ्घीय संसद् सचिवालयले राष्ट्रपति कार्यालयको पत्र अनुसार बैठक सञ्चालनको तयारी सुरु गर्दै बैठक बस्नु अगाडी सचिवालयले सांसद, सांसदका कर्मचारी, मर्यादा पालकको स्वाब सङ्कलन गरिरहेको छ।