उकेरा जुनियर

काग र परेवा

जातक कथा


धेरै पहिले कुनै गाउँमा निकै दयालु मान्छेहरु बस्ने गर्थे । उनीहरुले आफ्नो घरमा चराहरुलाई बस्नको लागि समेत गुँडजस्तै ठाउँ बनाईदिएका थिए । त्यो गुँडमा चराचुरुंगीहरु बस्ने गर्थे । यस्तै एउटा घरको गुँडमा एउटा परेवा पनि बस्ने गथ्र्यो । परेवा पनि निकै इमानदार थियो । उसले आफ्नो घरको मालिकलाई निकै सम्मान पनि गर्थ्यो । घरमालिकले पनि परेवालाई निकै माया गर्थे । परेवाको लागि तोरी ,चामल, गहुँजस्ता दाना पनि दिईराख्ने गर्थे । एकदिन अर्कै जंगलबाट आएको एउटा कागसँग उसको भेट भयो । काग निकै छट्टु थियो कुरै कुरामा परेवाले आफ्नो घरमा घरमालिकले आफुलाई निकै माया गर्ने कुरा सुनायो । अनि त्यो गाउँमा अरु चराहरु पनि बस्ने गरेको कुरा भन्यो । कागलाई पनि त्यो गाउँमा बसेर आरामसँग जिवन विताउन मन लाग्यो अनि उसले आफुलाई पनि सँगै बसाल्न परेवालाई फकाउन थाल्यो । परेवाले आफ्नो मालिकलाई चोरी मन पर्दैन त्यसैले ज्ञानी भएर बस्ने गरेमा कागलाई आफ्नै गुँडमा बस्न दिन्छु भन्यो । काग छट्टु थियो । उसले त्यो घरमा बसेर अरु मिठा मिठा खानेकुराहरु पनि चोरेर खान पाईन्छ भन्ने आश गरेको थियो तर परेवासँग निकै इमानदार भएको नाटक गर्न थाल्यो । परेवाले उसको कुरा पत्याउँदै आफ्नो गुँडमा बास दियो ।

एकदिन त्यो घरमा घरमालिकले केही अचार छानामा सुकाएको थियो । जब बिहान परेवाले दाना खोज्न जाउँ भनेर कागलाई भन्यो, कागले आफुलाई सञ्चो नभएको नाटक गर्दै गुँडमै बस्छु भन्यो तर उसको मनमा छानामा सुकाएको अचार चोर्ने बिचार आएको थियो । परेवाले कागको कुरा पत्यायो र कागलाई गुँडमै आराम गर्न लगाएर आफु दानाको खोजिमा गयो ।


घरका मालिकले गुँडमा बसिरहेको कागलाई माया गरेर केही चामलहरु ल्याएर दिए । आफुलाई त्यस्तो माया गरेकोमा कागले पनि अचम्म मान्यो ।
केहीबेरपछि घरका मालिक कतै गएको मौका पारेर कागले गुँडबाट यताउता चियाएर हेर्दै छानामा सुकाएको अचार चोर्न गयो । उ छानामा गएर बोतलको अचारमा टेक्ने बित्तिकै माटोको भाँडो अचानक चिप्लिएर त्यहाँबाट भुईंमा खसेर फुट्यो । कागको बदमासी देखेर घरको मालिक रिसाउँदै कागलाई झटारोले हाने । कागलाई झटारो लाग्ने बित्तिकै कागको पखेटा नै भाँचियो तर जेनतेन गरी काग त्यहाँबाट भाग्यो ।
यसरी लोभले गर्दा काग अब त्यो ठाउँ छाडेर जानुपर्ने भयो । उसले चोरी नगरेको भए त्यो घरका मालिकले उसलाई अवश्य पनि खानेकुरा दिने थिए तर अब मालिकले पनि चोरी गर्ने कागलाई चिनिसकेका थिए । त्यसपछि काग त्यो ठाउँमा कहिल्यै पनि आएन ।

 

यो खबर पढेर तपाईलाई कस्तो महसुस भयो ?

सम्बन्धित समाचार

राष्ट्रव्यापी बाल शास्त्रीय सङ्गीत प्रतियोगितामा रूपक प्रथम, नूर दोस्रो

उनले इशराज बजाएकी थिइन्। सोही प्रतियोगितामा बेला बजाएर सौम्य सिंह तेस्रो भएकी थिइन् भने आहाना महर्जनले सान्त्वना पुरस्कार पाइन्। शास्त्रीय सङ्गीतलाई फैलाउन किरातेश्वर संगीताश्रमले हरेक....

एक शिर्षक, दुई कथा : शंका

२ गाउँमा कुनै गाउँलेको घरको भित्ता दिनभरी परेको वर्षाले गर्दा भत्कीन लागेको थियो । उनको १० वर्षको छोराले बाबालाई....

फ्याउरो र बाख्री

फ्याउरोको यो कुरा सुनेपछि बाख्रीले निकै आत्मविश्वासका साथ भनि,- " राम्रो सोच्नेलाई कहिल्यै पनि नराम्रो हुँदैन फ्याउरो दाई । तिमीले झुठो बोले पनि मैले पत्याएँ....

सङ्गत

एकदिन उनै साथीहरुको लहलहैमा लागेर कमल पनि खोलामा पौडी खेल्न गयो । स्कूलमा छुट्टी भईसकेको थिएन । खोलामा पौडी खेल्दा उसलाई रमाईलो पनि लाग्यो ।....

जिम क्यारीको चेक

उनमा आत्मविश्वास भने गज्जबको थियो । भनिन्छ उनी खासै लोकप्रिय नभएकै अवस्थामा पनि उनले आफुसँग भएको एउटा चेकमा आफ्नै नाममा एउटा १० मिलियन डलरको चेक....