प्रदेश

दीपक मनाङेको बदलिएको परिचय: गुण्डा, माननीयहुँदै अब खेलकुद मन्त्री

उकेरा संवाददाता


काठमाडौँ : गण्डकी प्रदेशमा सुरु भएको प्रदेश सरकार ढाल्ने र जोगाउने खेलको बिचमा जनमोर्चा नेपालका एक सांसद अस्पतालको आइसियुमा पुगेको प्रसङ्ग सेलाउन नपाउँदै मुख्यमन्त्री पृथ्वी सुब्बा गुरुङले अर्को कदम चाल्दै स्वतन्त्र सांसद दीपक गुरुङ ( मनाङे) लाई खेलकुद मन्त्री बनाएका छन्।

सरकार जोगाउन गुरुङले आपराधिक पृष्ठभूमि भएका मनाङेलाई खेलकुद मन्त्रीमा सिफारिस गरेर आजै प्रदेश प्रमुख अमिक शेरचनले शपथ खुवाए।

मनाङबाट एमालेकै सहयोगमा प्रदेश सांसदमा निर्वाचित भएका मनाङे पुरानो आपराधिक घटनामा कैद सजाय भोग्न बाँकी नै रहेको खुलेपछि शपथै नखाई फरार थिए। 

उनलाई शपथ खाने वातावरण समेत मुख्यमन्त्री गुरुङले नै मिलाइदिएका थिए।

प्रहरीको रेकर्ड अनुसार दर्जन बढी आपराधिक घटनामा संलग्न रहेको आरोपमा पक्राउ परेका मनाङे काठमाडौँ ठमेल क्षेत्रलाई आधार बनाएर सङ्गठित आपराधिक समूह सञ्चालन गर्दै आएका थिए। 

जवर्जस्ती रकम असुली लगायतका उनीमाथि दर्जनौँ अभियोग लाग्दै जेल बस्दै निस्कँदै आएका उनी पछिल्लै समय राष्ट्रिय प्रजातन्त्र पार्टीबाट राजनीतिमा सक्रिय भएका थिए। 

राप्रपा मनाङका नेताहरू एमालेमा गएपछि उनी पनि एमालेमा लागे। तर प्रदेश सांसदको टिकट नपाएपछि स्वतन्त्र उम्मेदवार बनेका उनलाई पछि एमालेले आफ्नो उम्मेदवार फिर्ता गराएर सहयोग गरेको थियो। उनी मनाङको प्रदेश ख बाट  एक हजार चार सय १० मत ल्याएर विजयी भएका थिए।

यो खबर पढेर तपाईलाई कस्तो महसुस भयो ?

सम्बन्धित समाचार

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....

बिरामीले भरियो सेती अस्पताल : उपचार नपाउँदा ६ जनाको मृत्यु 

सेती अन्तर्गत रहेको ५५ शय्याको अस्थायी कोरोना अस्पताल भरिएको  र १५ शय्याका आकस्मिक कक्ष पनि भरिए पछि आकस्मिक कक्षकै ग्यालरीबाटै उपचार थालिएको अस्पतालका सूचना अधिकारी....