प्रदेश

बिरामी भएर अस्पताल भर्ना भएको हुँ : गण्डकी प्रदेश सांसद शाही 

उकेरा संवाददाता


काठमाडौँ : राष्ट्रिय जनमोर्चा गण्डकी प्रदेशका सांसद खिम विक्रम शाहीले स्वास्थ्य उपचारका लागि अस्पताल भर्ना भएको बताएका छन्। पार्टी निर्णय प्रति प्रतिबद्धता कायमै रहेको बताउँदै उनले बिरामी भएर अस्पताल भर्ना भएको उल्लेख गरेका छन्। 

सांसद शाहीले आज विज्ञप्ति निकालेर आफ्नो स्वास्थ्यमा क्रमिक सुधार आएको उल्लेख गरेका छन्। मुख्यमन्त्री पृथ्वी सुब्बा गुरुङविरुद्धको अविश्वासको प्रस्तावमाथि मतदान हुने बेला सांसद शाही सम्पर्क विहीन भएका थिए।

‘पार्टीको निर्णय र संसदीय दलको बैठकमा गरिएको निर्णयमा मेरो पनि सहभागिता रहेका कारण ती निर्णयहरूप्रति मेरो पनि सहमति रहेकाले त्यस विषयमा पार्टी निर्णय प्रति प्रतिबद्धता कायमै छ।’ शाहीले निकालेको विज्ञप्तिमा लेखिएको छ। 

उनले आफ्नोबारेमा समाचार र सामाजिक सञ्जालमा प्रचार भएका विभिन्न भ्रामीक खबरबाट आफ्नो धारणा बनाएर विचार प्रकट नगर्न अनुरोध गरेका छन्। ‘अविश्वासको प्रस्तावमाथि छलफल र मतदान हुने दिन हिजो स्वास्थ्य संसदमा जाने तयारी अवस्थामा रहेको बेला अचानक बिरामी भई मेरो आफ्नै भाइलाई सम्पर्क गरेर अस्पताल जानेक्रममा म बेहोस भएछु,’ उनले विज्ञप्तिमा लेखेका छन्,‘म थप स्वस्थ भएपछि मेरो बारेमा उठेका कैयौँ प्रश्नको बारेमा स्पष्ट गर्ने नै छु।’

शाही बागलुङ क्षेत्र नम्बर ३ को निर्वाचन क्षेत्र २ को ‘ख’ बाट प्रदेश सभामा विजयी भएका थिए। जनमोर्चाले शाही बेपत्ता भएको विषयमा आन्तरिक छानबिन गरिरहेको बताएको छ। सांसद सदनमा उपस्थित नहुनु अस्वाभाविक भएको भन्दै जनमोर्चाले छानबिन थालेको बताएको हो।  

यो खबर पढेर तपाईलाई कस्तो महसुस भयो ?

सम्बन्धित समाचार

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....

बिरामीले भरियो सेती अस्पताल : उपचार नपाउँदा ६ जनाको मृत्यु 

सेती अन्तर्गत रहेको ५५ शय्याको अस्थायी कोरोना अस्पताल भरिएको  र १५ शय्याका आकस्मिक कक्ष पनि भरिए पछि आकस्मिक कक्षकै ग्यालरीबाटै उपचार थालिएको अस्पतालका सूचना अधिकारी....