प्रदेश

कर्णालीमा थप एक जना कोरोना सङ्क्रमितको मृत्यु

जगतदल जनाला विक


सुर्खेत : कर्णालीमा थप एक जनाको कोरोना सङ्क्रमणबाट मृत्यु भएको छ। आज प्रदेश अस्पताल कालागउँमा कालिकोट नरहरिनाथ गाउँपालिकाका ७३ वर्षीय पुरुषको कोरोना सङ्क्रमणका कारण मृत्यु भएको हो।

आज बिहान ११ बजेतिर उनको मृत्यु भएको प्रदेश अस्पताल सुर्खेतका कोरोना फोकल पर्सन डाक्टर के एन पौडेलले  जानकारी दिए। उनका अनुसार वैशाख ११ गते अस्पतालमा भर्ना भएका ती पुरुषमा सोही दिन कोरोना पोजेटिभ देखिएको थियो।

योसँगै कर्णालीमा कोरोनाबाट मृत्यु हुनेको सङ्ख्या ३९ पुगेको छ। कर्णालीमा एकै दिन  ३ सयभन्दा धेरै जनामा कोरोना भाइरसको सङ्क्रमण पुष्टि भएको थियो। हिजो बुधवारसम्म थप ३ सय ११ जनामा कोरोना देखिएको छ। 

प्रदेशका विभिन्न प्रयोगशालाहरूमा गरिएको पीसिआर परीक्षणमा १ सय ३४ र र्यापिड एन्टिजेन विधिबाट गरिएको परीक्षणमा १ सय ६८ जनामा सङ्क्रमण पुष्टि भएको स्वास्थ्य सेवा निर्देशनालय कर्णाली प्रदेशले जनाएको  छ। जसमध्ये सबैभन्दा धेरै २ सय १५ जना सुर्खेतका छन्।  

दैलेखमा ३२, जुम्लाका ८, जाजरकोटका ७, सल्यानका २९, रुकुम पश्चिमका ९, कालिकोटका १०, डोल्पाका १ र अन्य प्रदेशका ३ जना कोरोना सङ्क्रमित रहेका छन्। योसँगै कर्णाली प्रदेशमा कुल सङ्क्रमित हुनेको सङ्ख्या ८ हजार ८ सय ९५ पुगेको छ।

कर्णालीमा सक्रिय सङ्क्रमितको सङ्ख्या ९ सय ८१ पुगेको छ। तीमध्ये सुर्खेतमा ६ सय १६ जना रहेको स्वास्थ्य निर्देशनालय कर्णाली प्रदेशले जानकारी दिएको छ। 

यो खबर पढेर तपाईलाई कस्तो महसुस भयो ?

सम्बन्धित समाचार

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....

बिरामीले भरियो सेती अस्पताल : उपचार नपाउँदा ६ जनाको मृत्यु 

सेती अन्तर्गत रहेको ५५ शय्याको अस्थायी कोरोना अस्पताल भरिएको  र १५ शय्याका आकस्मिक कक्ष पनि भरिए पछि आकस्मिक कक्षकै ग्यालरीबाटै उपचार थालिएको अस्पतालका सूचना अधिकारी....